O Espiello. Numero 34

Revista d’actualidat de raso en aragonés

BOMBAS

Talment una nueva vida prencipie en l’amaneixer de maitín

Charrando con...

CHABIER LOZANO

Presentó o suyo nuevo estudio lingüistico de Tella

UNA UELLADA POR A HISTORIA D'A MULLER ARAGONESA DENDE O SIEGLO XV

Alazetz fundamentals d’a historia d’Aragón

GAMBADETA ARREDOL DE RICLA

Anyo 9 Numero 34 Hibierno 2011 2 euros

Rotas con o río Xalón como eixe

L'ANCHEL D'A MUERTE

una maquina de muerte inhumana que se deciba L’anchel d’a muerte

A DANZA ORIENTAL, A DANZA D’A VIDA

Una d’as danzas mas antigas d’o mundo

Foto: Barbara Aznar

PORTA ITINERI LONGISSIMA EST

4

BREUS D’A LUENGA

7

NOTICIAS D’ARAGÓN

10

Charrando con... CHABIER LOZANO

14

BOMBAS

16

UNA UELLADA POR A HISTORIA D'A

MULLER ARAGONESA DENDE O SIEGLO XV

19

GAMBADETA ARREDOL DE RICLA

22

L'ANCHEL D'A MUERTE

24

A DANZA ORIENTAL, A DANZA D’A VIDA

26

SCIENCIA Y TECNOLOCHÍA

28

DISCOS, LIBROS

30

A CHUGAR! A LEYER!

O Branquil A nuestra enciclopedia libre EDITA Asociación Cultural Nogará CONSELLO DE REDACCIÓN Yolanda Campo Silvia Cebolla Chuan Pablo Martínez Fernando Sánchez COLABORADORS Carlos Asín Chusé Bolea Cherardo Callejón Carlos García Marta Gracia Ana Laga Lucía Escanero Marta Temprado Fernando Estabén Lluís-Xabier Flores i Abat Dabi Anquela Chabier Lozano Alejandro García asoziazion@nogara-religada.org www.nogara- religada.org Tlf. 976 39 07 08 CONDUCIÓN Y PUBLICIDAT Trestallo postal 4141 - 50.080 Zaragoza DEPOSITO LEGAL Z-1083-2002 - ISSN1579-9409 DISTRIBUCIÓN Distrida, s.a.

Disenyo editorial

O

zaguer mes d’aviento ha visto constituir-se a lo Consello Superior d’as Luengas d’Aragón, con quantos meses de retardo y quasi coincidindo con o primer cabodanyo de l’aprebación d’a Lei de Luengas. Dende ista revista nos ne femos contentos, con a confianza y o deseyo que actúen con responsabilidat, y encierten en as suyas decisions.Entre que a Lei de Luengas prencipia a fer garras, queremos insistir, como ya decibanos en o zaguer branquil, en que agora ye, mas que nunca, o momento de treballar con rasmia por a nuestra luenga, individualment u asociativa, dende as nuestras capacidatz. Como siempre ha pasau, a sociedat habrá d’amostrar o camín a os gubiernos y no pas de revés.

Un buen eixemplo d’isto lo tenemos en o prochecto Wikipedia en Aragonés1, tamién conoixiu como Biquipedia, a enciclopedia libre en aragonés. O nuclio d’iste prochecto, que ye ubierto a todas as colaboracions, mesmo anonimas, lo forma una incombustible comunidat d’internautas aragonesofonos qui, con a suya fayena terne, rigorosa, y talment bell poquet utopica, son creyando una enciclopedia universal en aragonés, a primera en a nuestra luenga dende o Libro del Trasoro, un compendio d’o saber que fue traduciu ta l’aragonés a zaguers d’o sieglo XIV. Ye evident que no se puede entender Biquipedia soque en a bastida d’o prochecto global Wikipedia, que istos días cumple diez anyos de vida. O prochecto encetau por Jimbo Wales, mira de complegar o conoiximiento universal y posar-lo librement a disposición de todas as personas, en a suya propia luenga. Ye una d’ixas iniciativas que han revolucionau internet y a forma d’acceder a o conoiximiento.

Precisament as posibilidatz de treballo colaborativo en Internet y a filosofía de cheneración, reutilización y difusión d’o conoiximiento libre fan posible que se sía elaborando, hue, una enciclopedia en aragonés que cuenta ya con bells 24.000 articlos, que con mas de 4.2 millons de parolas, constituyen o corpus dichital mas important que se puede trobar en luenga aragonesa, superando quantitativament y qualitativa a luengas con millons de parladors.

A wikipedia en aragonés, con a suya important producción, ye contribuindo a fer visible a nuestra luenga entre as luengas importants de transmisión d’o conoiximiento, dimpués de tantos anyos d’estar emplegada a amagatons. Y, prou que sí, a dignificar-la, contrimostrando que se puet trobar información en aragonés, igual de mecanica quantica como d’as luengas turquicas. Imachinemos a importancia que tendrán os recursos que ofreix librement a Biquipedia como materials ta l’aprendizache, quan l’amostranza de l’aragonés y/u en aragonés será una realidat, como deseyamos, en totz os nivels de l’amostranza.

Unatro eixemplo d’a capacidat de treballo d’ista comunidat d’editors ye o feito que bells meses dimpués d’a publicación d’a ortografía de l’Academia de l’Aragonés, dos terceras partes d’os suyos articlos sían ya escritos conforme a la mesma. Creyemos que, precisament por l’amplo espectro de temas tractaus y o rechistro enciclopedico emplegau, os colaboradors de Biquipedia heban experimentau en o suyo treballo y yeran buens conoixedors d’as limitacions, ambigüidatz y disfuncionalidatz d’a ortografía d’o I Congreso que veniban emplegando dende a suya creyación en chulio de 2004. Por ixo, malas que l’Academia de l’Aragón fizo publica a suya propuesta, fueron d’os primers en adoptar-la y fer-la servir.

No nos queda soque dar os parabiens a totz os participants y deseyar que se multipliquen iniciativas como ista, que miran de construir un esdevenidero t’a nuestra luenga.

1

http://an.wikipedia.org

Breus d’a Luenga Teatro en aragonés O Sabado 13 de noviembre, a las 19 horas se fació en o C.C. Teodoro Sánchez Punter, de Zaragoza una obra de teatro en aragonés ansotano: Percaciando una faceria, d’Elena Gusano d’a Dingolondango Teatro. O tema d’ista divertida comedia chira arredol d’as contiendas y carranyos entre hombres y mullers.

Presentación d’o libro Alas de papel Ista obra de Fernando Romanos ha estau premiada con o Premio de novela curta Ziudá de Balbastro 2010, y o 16 de noviembre se fació a suya presentación en Zaragoza a las 19:30 horas. L’acto tenió lugar en a la Sala Cultural de Librería Central en a carrera Corona d’Aragón, 40.

En Balbastro o 10 de noviembre tamién se fació a presentación d’ista obra, fendo-la coincidir con a entrega d’os premios purnas d’estianyo. Antimás de l’autor, Fernando Romanos, tamién participoron en dita presentación o concellero delegau d’os premios literarios Luis Sánchez y o president d’o churau d’o premio Luis Araguás.

Presentación d’a Propuesta Ortografica de l’Academia de l’Aragonés O zaguer 18 de noviembre, l’Academia de l’Aragonés/ Estudio de Filolochía Aragonesa fizo a presentación a la sociedat d’a suya propuesta ortografica, con un acto publico en l’Instituto Jerónimo Zurita de Zaragoza. L’acto, presidiu por o Viceconsellero d’Educación, Cultura y Esportes, contó con a presencia de mas de docientas personas que plenoron a rebutir o salón d’actos de l’Instituto.

Encara que a ortografía de l’Academia de l’Aragonés ya yera publicada electronicament en a suya versión definitiva, y ya veniba estando emplegada en diferents publicacions en papel y electronicas, en iste acto se presentaba tamién a versión imprentada. De feito, o proceso de presentación publica prencipio ta part de febrero de 2010, quan se presentó una primer versión, dita Propuesta Ortografica Provisional, O ESPIELLO

debant d’os participants en o II Congreso de l’Aragonés y as asociacions que feban parte de Chuntos por l’Aragonés. Se ubrió alavez un plazo de dos meses ta que os miembros d’a comunidat lingüistica de l’aragonés podesenos proposar esmiendas ta amillorar a ortografía. A la fin, en chunio de 2010, se publicó en internet o documento definitivo que incorporaba as esmiendas que yeran estadas aprebadas por l’Academia d’entre as mas de 100 presentadas.

Tornando ta l’acto de presentación, dimpués d’una breu salutación inicial d’a directora de l’Instituto Jerónimo Zurita, prenió a parola Manuel Castán, president de l’Academia, qui explicó a los asistents o proceso que heba levau enta la creyación de l’Academia y a presentación d’una ortografía ta la nuestra luenga.

Prencipió por recontar a trachectoria de Chuntos por l’Aragonés, que menó enta o II Congreso de l’Aragonés y a la creyación por iste de l’asociación Estudio de Filolochía Aragonesa/ Academia de l’Aragonés como autoridat lingüística ta l’aragonés, sinyalando a transparencia y publicidat d’o proceso. Con tot y con ixo, a fayena que teneba por debant l’Academia ta cumplir as funcions que l’encomendó o II Congreso no yera brenca facil, tanto por a dificultat d’as mesmas como por as diferents posicions de partida d’os suyos miembros, que en bells momentos, seguntes recontaba Manuel Castán, pareixioron irreconciliables de tot. Manimenos, a voluntat de tirar enta debant, a chenerosidat ta mirar d’amanar posicions, en chunto con l’emplego d’una metodolochía rigorosa y coherent, permitió d’ir chestando, entre tres anyadas de treballo, a propuesta presentada.

Manuel Castán explicó tamién como coincidindo con a fin d’iste proceso, se produció un esdevenimiento lechislativo bien aguardau por totz: a tramitación y aprebación d’a Lei de Luengas d’Aragón. “L’aragonés ye de totz os aragoneses, y ista lei de luengas, aprebada por os lechitimos representants d’Aragón, ye tamién a nuestra lei”, deixó claro Castán. Tamién afirmó a leyaltat y buen entendimiento que entre istos anyos l’Academia de l’Aragonés heba teniu con o Gubierno d’Aragón, agradeixendo a o mesmo a leyaltat y contina comunicación con l’Academia de l’Aragonés. A interven4

Breus d’a Luenga ción remató ofrindo a Propuesta Ortografica de l’Academia de l’Aragonés a totz os aragoneses, asinas como a las institucions aragonesas que deben rechir a politica lingüistica.

Dimpués d’a intervención d’o president, Juan-José Segura, vocal de codificación de l’Academia de l’Aragonés, fizo una presentación, bien didactica, d’os prencipios que heban guidada l’actividat codificadera de l’Academia (diasistematicidad, coherencia paradigmatica, historicidat, identidat y funcionalidat) y que yeran validos no nomás ta la ortografía, sino tamién ta atros aspectos de codificación. En a suya intervención explicó detalladament os aspectos mas sinyalers d’a Propuesta Ortografica, chustificando os criterios decidius en función d’os debant ditos prencipios.

Contino, prenió a parola Francho Rodés, vocal d’Investigación, qui explicó a ortografía dende l’anvista d’a relación entre fonemas y grafemas, fendo enfasi en os aspectos mas practicos de l’emplego d’a ortografía, y con muitas y intresants referencias a l’aragonés historico y as variedatz actuals.

Ta rematar l’acto, o Viceconsellero Juan José Vázquez intervinió ta agradeixer o gran treballo feito por o Estudio de Filolochía Aragonesa, tornando a destacar a buena comunicación y entendimiento que heba habiu o Gubierno d’Aragón. O Viceconsellero sinyaló a importancia que tiene a ortografía d’una luenga, manifestando que un treballo como o que se presentaba, habría sin dubda d’estar teniu en cuenta por l’Academia creyada por o Gubierno d’Aragón, que será qui, seguntes a Lei, habrá de tener a decisión final.

O consellero aproveitó tamién ta presentar publicament os suyos respectos a Manuel Castán y Fernando Sánchez, miembros de l’Academia de l’Aragonés y Consellers d’o Consello Superior d’as Luengas d’Aragón, en estar o primer acto en que coincidiban dende o suyo recient nombramiento, subrayando o paper important que iste organismo habrá de representar en o desembolique d’a lei de luengas. A intervención remató con una reflexión sobre a importancia d’as luengas propias como sinyal de modernidat y de futuro.

Con a entrega a os asistents d’un eixemplar d’a Propuesta Ortografica de l’Academia de l’Aragonés remató iste acto, que suposó una fita important ta l’aragonés: d’una man, por a presentación en sociedat d’una ortografía completa t’a nuestra luenga, basada en criterios scientificos, y que fixa d’una traza sistematica l’adaptación de cultismos; d’atra man, a extraordinaria asistencia de publico, que nunca no hebanos vista en un acto sobre l’aragonés.

Feria d’o libro de Monzón Os diyas 4, 5 y 6 d’aviento se celebró, y van XVI edicions, a Feria d’o libro aragonés de Monzón, con o montisonense Chuaquín Costa como protagonista d’o cartel d’a mesma, amanaus como somos a o centenario d’a suya muerte. O puesto estió, una vegada más, a Nau d’a Zucrera, arroclandoie a 30 editorials publicas y privadas aragonesas. A edición d’iste anyo acullió a presentación de meyo centenar de libros, dos exposicions, actividatz, actuacions ta ninos, homenaches, premios, procheccions y conciertos de nueitz, con collas aragonesas como China Chana o sabado, y occitanas como Lou Dalfin o domingo. A nogarera Silvia Cebolla i presentó o zaguer numero d’Espiello, con gran asistencia de publico.

En cheneral, todas as actividatz d’a Feria estioron un exito en afluencia de chent, más que más o domingo, gracias tamién a o Tren d’a cultura que i plegaba dende Zaragoza.

O ESPIELLO

5

Breus d’a Luenga Dimpués pasó o turno de parola a os chovens escritors, que charroron una mica de cómo surtió a ideya de fer iste libro y como yera trestallau en diferents apartaus fendo un simil con o despertar de l’aragones en totz istos anyos. Ta rematar a presentación os autors sinyoron exemplars a totz os presents y agradeixieron a totz o refirme y que hesen creyiu en iste prochecto dende o principio.

Cena de nadal en Nogará O viernes decisiet d’aviento se fació a tradicional Cena de Nadal que celebra Nogará todas as anyadas, y que iste anyo contó con l’asistencia d’una buena ripa de socios y d’alumnos d’a Escuela d’Aragonés. Ta prencipiar a vilada, os integrants d’o dance de Sant Chusé facioron os suyos bailes a ritmo de gaita en a carrera Gavín, en a placeta que bi ha chusto debant d’a puerta de l’asociación, recibindo buena cosa d’aplausos de totz os asistents. Dimpués, y ya en a tabierna de Nogará, Chan Baos explanicó a tradición d’a tronca de Nadal fendo que cagase lamins ta os crios bi heba. Quan remató a charrada cadagún sacó a birolla que heba trayida de casa suya ta compartir-la con a resta, como se fa totz os anyos. Tot isto se regó con cava ta brindar por un goyoso anyo nuevo.

Constitución d’o Consello Superior d’as Luengas d’Aragón O pasau diez d’aviento, ueito meses dimpués d’o previsto en a Lei de Luengas, se constituyó o Consello Superior d’as Luengas d’Aragón, l’organismo que ha de guidar a politica lingüistica d’o Gubierno d’Aragón. A primer reunión sirvió de presa de contacto d’os quince miembros que en fan parte, trigaus por a Universidat de Zaragoza, as Cortz d’Aragón y o Gubierno d’Aragón (cinco por cada institución). Como president provisional d’o Consello se designó a José Bada, o miembro mas gran, estando a chesa Marta Marín a primer secretaria d’iste organismo. As primeras fayenas que ha d’encetar o Consello Superior d’as Luengas d’Aragón, antiparte d’aprebar o suyo reglamento interno, serán as propuestas de creyación d’as academias previstas en a Lei de Luengas, asinas como a delimitación d’as zonas d’uso que determinarán os diferents rans d’aplicación d’a Lei.

Presentación de O despertar de l’onso A las siet d’a tardi d’o decisiet d’aviento, a LibreríaCentro Social Pantera Rossa acullió a presentación d’o libro de relatos O despertar de l’onso. A sala de presentacions d’ista nueva librería yera de bit a bot y a ilusión d’istos diez chovens naixius en os ueitanta plenaba a cambra. Antis de prencipiar con a presentación d’o libro un miembro d’o centro social explanico una mica en que consistiba iste nuevo espacio de trobada cultural que encara no teneba que una semana de vida.

O ESPIELLO

6

Noticias d’Aragón Manifestación contra o recreiximiento de l’entibo de Yesa Mas de dos mil personas marchoron o diya 14 de noviembre en Zaragoza contra o recreiximiento de l’entibo de Yesa dende a siede d’a Confederación Hidrografica de l’Ebro (CHE) dica a Delegación d’o Gubierno.

I fue muita chent dende atros puestos afectaus por atros entibos en Aragón y de difuera. Mas de uitanta organizacions de toda mena, politica, social y cultural, refirmoron iste acto convocau por l’asociación “Río Aragón” y Ebro VivoCOAGRET a on se querió trucar l’atención sobre a politica hidraulica d’o Ministerio de Meyo Ambient y mas que mas amostrar o refuse a iste entibo y refirmar a la chent afectada por iste recreiximiento que, seguntes as organizacions convocants, no tien mica sentiu y mete en periglo mesmo a la chent por o riesgo d’esbarizamientos, estricalla a traza de vida d’os afectaus y afectadas y elimina arias de protección natural y patrimonial (Camín de San Chaime).

Mientres tot o recorriu i habió muita animación, dende batucadas, collas folkloricas dica os “Diaples d’a Uerba” que plenoron de coloriu, risetas y ruido a marcha.

A la fin se leyó un comunicau y se remató a manifestación.

IV Maratón Internacional de Zaragoza Os atletas etíopes Mesfine Melse en hombres y Halima Hassen en mullers, estioron os ganadors d’a IV Maratón Internacional de Zaragoza que se celebró o diya 7 de noviembre. Os tiempos d’os ganadors estioron de 2:20:19 y 2:44:39 respectivament.

Os etíopes ocuporon dica a cinquena plaza en hombres y o primer aragonés estió José Antonio Casajús en una seisena posición con 2:32:35.

En mullers, Hassen no tenió garra rival y ganó con prou autoridat. A segunda clasificada estió a malaguenya Susana Segovia, a mas de vintiún minutos d’a etíope, fendo en mas de tres horas o recorriu.

Mientres a celebración d’os 42,195 km, se fació una preba de 5 km, en a que resultoron vencedors Miguel Allueva en hombres y María José Pueyo en mullers.

A maratón la rematoron un total de 958 atletas, amás d’os 698 atletas que rematoron a preba de cinco kilometros.

O plan Bolonia s’aplica a toda a universidat Iste ye estando o primer curso universitario a on que s’aplica o clamau Plan Bolonia ta todas as carreras universitarias que se pueden estudiar en Aragón. Dende que se fese a declaración de Bolonia en 1988 han pasau mas de 20 anyadas que ha tardau en aplicar-se. Ista converchencia europea a ran d’educación superior traye muitos cambeos t’a universidat. Ta prencipiar s’eliminan os conceptos de diplomatura y licenciatura, convertindo-se agora todas as carreras en graus de quatre anyadas de duración (con bellas excepcions, como Medicina, que ye un grau de seis anyadas). Dimpués, qui quiera especializar-se un poquet mas, habrá de fer un master d’una u dos anyadas. O pre d’istos masters ye estau un d’os afers mas polemicos, en estar mas caros. De vegada, bi ha habiu un cambeo tamién prou furo en a metodolochía pedagochica. O modelo d’o Plan Bolonia habría de rematar con a exclusividat d’as clases machistrals y os grans examens en rematar o curso, ta fer una evaluación mas contina, con treballos a fer en casa y a on que o profesorau siga mas pendient de l’alumnalla.

As criticas que ha recibiu iste proceso han estau muitas. Entre o curso anterior, bi habió toda mena de manifestacions y actos en protesta, de man, mas que mas, d’estudiants universitarios y colectivos socials de cucha. En iste primer curso a on que s’aplica, as criticas tamién plegan por a falta d’información cheneral u a improvisación d’a universidat que, en bells casos, nian deixaba claro si iba a haber-ie examens de setiembre, por eixemplo.

Os resultaus de todas istas reformas los conoixeremos, de todas trazas, en bellas pocas anyadas, quan as primers cheneracions d’estudiants rematen istos nuevos graus.

Salón del cómic Entre o 17 y o 19 d’aviento se fació en Zaragoza o IX Salón d’o comic. Como todas as anyadas, a Sala Multiusos, se plenó con os stands de editorials, botigas, dibuixants, escritors, u freakies de toda mena. Mientres os tres diyas, bi habió a rienda d’actividatz. Dende concursos de videochuegos dica campeonatos de cosplay (disbrazarse de personaches Manga), pasando por tallers de como dibuixar comics, presentacions u charradas.

Dentrando-ie se regalaba O ESPIELLO

7

Noticias d’Aragón un comic, feito de conchunta por muitos d’os participants.

Adintro d’ell, muitas fuellas con humor, sobrebuenos dibuixos y un apartau a on que muitos d’os artistas d’o Salón facioron remeranza de Jose Antonio Labordeta con un dibuixet.

Mientres tres diyas, os fans d’os comics podioron charrutiar, leyer, mercar, conoixer a os suyos artistas favoritos, … y prou que, sobre tot, fer-se un buen rato.

Pantera Rossa A librería asociativa La Pantera Rossa a la fin tien una botiga. Ista librería ya levaba bells anyos existindo en forma de mesas que se meteban en puestos como conciertos, borinas u actos reivindicativos. Agora tien una siede propia en a zaragozana carrera de Sant Vicent de Paúl. Iste local lo comparte con colectivos como Azofra, O rete de refirme a os SinPapels, Diagonal u Mambrú, que tamién lo fan servir como a suya siede.

O 10 d’aviento estió a debantadera d’o nuevo local, en un acto a rebutir de chent, que quereba fer-le una uellada a toda a cantidat de libros que i venden. Antimás de poder mercar libros que, en librerías comercials, son de muit mal trobar, tamién se i puet uno er un café, biera u refresco, pus tienen mesas ta estar-se-ie un ratet, leyendo u charrutiando.

Y prou que zona Wi-Fi que en istos diyas, ye tant menister en qualsiquier local.

Quanto a l’aragonés, La Pantera Rossa tien una parti adedicada a ista luenga a on que china chana, van plegando nuevos titols. Tamién se i puet mercar O Espiello y mesmo una d’as primers presentacions de libros estió a de “O despertar de l’onso”, obra colectiva feita en aragonés por diez chovens autors, d’a que se fa notorio en a sección Breus d’a Luenga d’iste numero d’Espiello. Sisquiera iste nuevo espacio sirva tamién ta aduyar en l’empentón que le cal a la nuestra luenga.

A Comunidad de Trabajo de los Prineos declara l’anyo 2011 como l’anyo d’os Pirineus L’organismo pirenco que arrocla as rechions de Euskadi, Navarra, Aragón, Catalunya, Aquitania, Midi-Pyrinees y Languedoc-Roussillon, y que fa servir todas as luengas propias d’os territorios que la forman, fueras de l’aragones que contina estando sin reconeixer por iste organismo (como bien podetz vier en a suya pachina web: www.ctp.org) ha declarau l’anyo 2011 como l’anyo d’os Pirineus.

Con isto se mira d’empentar lo turismo y a creyación d’actividatz que valuricen os Pirineus debant d’Europa, potenciando l’argüello de perteneixer-ie y reforzar-ne lo sentimiento.

O ESPIELLO

S’han sinyau acuerdos con as Televisións publicas (France3, RTVA en Andorra, Euskal telebista, TV3 en Catalunya) y son encara en negociacions con as televisions aragonesa y navarra.

Actividatz turisticas como travesía pedestre que esnaviese os Pirineus de punta ta coda en bellas etapas festivas, u actos esportivos y culturals, que ya se i feban, son bells eixemplos d’as actividatz que se i faran en l’anyo d’os Pirineus.

Podetz vier mas información en: www.pyrineo.eu 5.000 feminismos de las Jornadas Feministas: Granada, treinta años despues aquí y ahora O 17 d’aviento en o Centro Social Ocupau Kike Mur, estió a presentación d’o libro 5.000 feminismos de las Jornadas Feministas: Granada, treinta años despues aquí y ahora, que achunta os treballos d’as chornadas feministas que se fación en Granada os diyas 5, 6 y 7 d’aviento de 2009. En istas chornadas bi habió puesto ta todas as asociacions y se charro d’os problemas d’o feminismo actual y d’as zagueras anyadas.

Dimpués bi habió una charradeta de Isabel Franc, qui tamién heba interveniu en as chornadas de Granada. Isabel ye escritora y comica conoixida popr os suyos treballos feministas. Agora ha feito una novela grafica an escribe sobre as suyas experiencias ta superar o cancer de mama.

Ta rematar se podió veyer o documental d’as chornadas an ascuitemos as propias parolas d’as protagonistas.

Una cosa important que se dició ixe diya ye que en istas chornadas se veyó que o feminismo ye un movimiento furo que tien chent choven y de toda mena de feminismos, y cal fer encara muitas cosas ta poder veyer una sociedat sin opresión.

O 70% d’os aragoneses creye que o pre d’a connexión a internet ye caro A bell 70% d’os aragoneses le pareixe caro o pre d’a connexión en 2010, debant d’un 51% que lo creyeba en 2009, seguntes o estudio d’os costumbres d’internet feito por o rete de blogs “Ocio Networs”, que tien mas de siet millons d’usuarios unicos mensuals, y en o que s’han feito entrevistas a 1.875 internautas.

Seguntes ha dito o CEO de Ocio Networks: “ A relación entre a calidat y o pre respective d’a connexión a o rete deixa prou que deseyar. As operadoras habrían de prener nota de países como Chapón, an que a connexión a internet de 100 Mbs no cuesta que bell poquet mas de 20 Euros” L’agricultura l’unico sector an que aumento l’emplego en Aragón en o tercer trimestre de l’anyo 2010 L’aumento de l’emplego en l’agricultura estió de mas d’un 25%, en un periodo en que o sector sevicios amostró a pior tendencia con una baixada d’o 8% en os puestos de treballo. Asinas lo deixa veyer l’informe economico y social d’Aragón, an que se diz que a economía aragonesa logró en o tercer trimestre d’o pasau anyo “tornar t’o camín d’o creiximiento”, fendo creixer o Producto Interior Bruto en un 0,3%, a primera tasa positiva dende o segundo trimestre de 2008.

Respective a o numero d’ocupaus en a Comunidat, ascienden a 553.000, un 4,8 por ciento menos, y se veyoron baixadas parellanas en o caso d’os hombres (-4,9%) y mullers (-4,8%). L’agricultura, con un 25,7 por cient de variación in8

Noticias d’Aragón teranual, ha estau l’unico sector productivo en Aragón que ha continau con una tendencia positiva en a creyación de puestos de treballo. Entremistanto, o sector servicios, con una variación interanual del -7,9%, ha tendiu a ir a pior.

Meten un niedo ta falcons en a plaza d’o Pilar ta controlar as palomas Os servicios municipals d’o concello de Zaragoza son instalando un niedo ta falcons en un d’os torretons d’a basilica d’o Pilar, con a fin que un eixemplar d’ista especie cosire y controle por meyos naturals a población de palomas. Y asinas mirar d’evitar os estricallos y problemas que en zaguería provoca l’aumento d’a población de palomas.

Uno d’os apanyos mas significativos d’as obras feitas en os torretons d’a Basilica d’o Pilar en os zaguers anyos, ha estau apanyar os estricallos feitos en as coberteras por a presencia de palomas a boticiegas y a construcción d’os suyos niedos baixo as tellas. Isto ha feito que salisen importants humedatz, tresminacions y gotelleras. Con as obras s’ha meso un sistema de protección ta mirar d’evitar que as aus se i posen y construyan os suyos niedos en o tellau, y antimas, o concello tamien ha adoptau midas complemetarias ta controlar que no i haiga masiaus eixemplars d’ista especie.

Tamien s’han amillorau as zifras en l’aloix, porque o sector en cheneral se ye resviscolando y a tendencia ye que a chent s’estime mas o turismo de proximidat; isto fa confitar que estianyo podría estar millor que no o zaguero.

O perfil d’o visitant d’a provincia ye una persona d’entre 35 y 45 anyos y de 45 a 50 anyos, plegaus de comunidatz como Madrit, Catalunya u Valencia y de países como Francia, Reino Uniu u Alemanya.

Bi ha un aumento en o turismo chermanico debiu a os contactos profesionals que s’han feito estianyo con profesionals d’o sector turístico, que mesmo viacharon ta la provincia ta conoixer os suyos recursos turísticos.

Lei antitabaco O diya 2 de chinero dentró en vigor a nueva lei antitabaco con a que ye viedau de fer-se un fumarro en un bar de qualsiquier mena (bar, tabierna, restaurant, pub). Ista lei ha creyau muita polemica entre fumadors y no fumadors, ya que se tracta d’a colisión entre o dreito a la salut de totz y a libertat ta fer-se un fumarro. Ta fer cumplir os mandatos d´ista lei se pueden meter pinyoras a la chent que siga esfumarriando aintro d´un bar y tamién a os bars que deixen que os suyos clients fumen en o suyo interior. Istas pinyoras son muito más grans ta os bars que ta os particulars. Por ixo, o sector hostelero s´ha preso muit seriament a lei ya que qualsiquier persona puet denuciar a lo establecimiento que no viede de fumar a os suyos clients. Pero encara queda muitas qüestions practicas ta resolver: os bars han contrimostrau o suyo refús a ista lei pensando en os posibles problemas economicos que puedan tener a conseqüencia d’a prohibición.

Uno d´os problemas mas importants que se son planteyando agora dende a hostelería ye o tema d´as terrazas, porque buena cosa de clients han de salir-se t’a carrera a ferse un fumarro y como que en muitos puestos no bi ha garra regulación desembolicada muitos aprofeitan ista enchaquia ta meter terrazas d´hibierno de baldes. Os vecins tamién han prencipiau a queixar-se-ne por os rudios d´a chent charrando en a carrera y cómo s’emporquían as carreras con os fumarros que bella chent tira por tierra.

Aumentan os turistas en a provincia de Zaragoza Si fa u no fa 270.000 turistas acudioron en 2010 a las oficinas de turismo en a provincia de Zaragoza, seguntes ha dito o cherent de turismo d’a DPZ. A provincia de Zaragoza aumentó l’anyada pasada o suyo numero de visitants que se i pasoron a demandar información, un 15% mas que l’anyada anterior.

Manimenos, pareix que por agora, tanto os bars como os clients son mirando de cumplir a lei y fendo-se-ie a os nuevos cambios, y no s´ha trobau encara incidents graus.

O ESPIELLO

9

Charrando con...

Chabier Lozano I s t e m e s d e n o v i e m b re C h a b i e r p re s e n t ó o s u y o n u e v o t re b a l l o , u n l i b ro q u e re m a t a d e p u b l i c a r e n d e n t ro d ´ a c o l e c c i ó n A i n a s d e Gara d'Edicions con o suyo estud i o l i n g ü i s t i c o d e Te l l a .

Naixiu de Zaragoza, ye un filologo a r a g o n é s re s i d e n t e n B i e l s a . Ye a u t o r d e q u a n t a s i n v e s t i g a c i o n s s o b re v a r i e d a t z d e l ' a r a g o n é s . Ye c o a u t o r , en chunto con Ánchel Loís Saludas d ' o l i b ro A s p e c t o s m o r f o s i n t á c t i cos del belsetán (2006), y autor de Caracterización lingüística de la c o m a rc a A l t o G á l l e g o ( 2 0 0 6 ) , a s i nas como d'a monografía Aspectos l i n g ü i s t i c o s d e Te l l a ( 2 0 1 0 ) . D e n d e a sesión plenera de Samianigo d’o 12 d ' a b r i l d e 2 0 0 8 , y e v i c e p re s i d e n t de l'Academia de l'Aragonés.

Silvia Cebolla

Como que de l´aragonés de Tella no se´n teneba guaires datos dica agora, ha estau prou important a tuya labor investigadera; cuenta-nos una mica qué cosas has trobadas con iste estudio que t´haigan trucau o ficacio.

El cierto ye que l’aragonés de Tella s’inclui en el cheneral de las altas valles de Sobrarbe, especialment con el de Bielsa, Chistau, Vio e Puertolás. Pro a fes que tien las suyas caracteristicas propias, como l’articlo lo, bel·la forma verbal propia, etc. Pero l’aragonés de Tella no ye una variedat especialment diferenciata con las d’arredol. Sobre tot, estoi que la mayor contribución ye emplir un frato en blanco que i heba. Con tot e con ixo, tiene la suya personalidat; pero cuento que cuanto mes conoixemos las diferents variedatz d’aragonés, mes evident ye que el que se teneba per localismos no’n son, que i hai zonas de transición entre las variedatz, pero que las isoglosas no son tan marcatas como se pensaba habe anyos. Asinas, podemos veyer, gracias a’s recients treballos sobre variedatz de Sobrarbe como la de Tomás e Usón de Ribera de Fiscal, Vallibroto, Vallibió e la valle Puertolás, el que fayé en chunto con Ánchel Lois Saludas u es datos que arreplegó Saroïhandy e que amaneixoren no fa guaires anyatas, que i hai un conchunto de rasgos en comuns (mes clars en las valles de la Cinca) que O ESPIELLO

10

Entrevista

d’antes mes se teneban per localismos u per particularidatz propias d’unas variedatz que tampoco no se conoixeban en profundidat. E mismo veyendo treballos de zonas mes leixanas como es d’Arnal de la Baixa Ribagorza occidental u de Saura sobre el benasqués, veyemos que la sintaxi ye la misma, sobre tot en la zona centro-oriental de l’aragonés.

Tamién cal parar cuenta de la diacronía, pues en tres cheneracions l’aragonés ha cacegato muitos rasgos que d’antes mes yeran mes comuns e que hue quasi son desapareixitos (como l’emplego d’el verbo estar como auxiliar, la concordancia d’el participio con el Complemento Directo, etc.).

Bueno Chabier, iste no ye o primer treballo d´investigación que has feito sobre l´aragonés, porque en has feito más como a Caracterización lingüistica de la Comarca Alto Gállego, Uesca, Comarca Alto Galligo en 2006, u belatros de conchunta con Anchel Loís Saludas, Juan José Segura u Fernando Sanchez. Por qué has trigau ista chicota luenga que ye l´aragonés ta fer os tuyos estudios lingüisticos?

Mes bien el proceso fue el contrario...

Prencipié a aprender aragonés quan yere en 3º de BUP, e en COU, quan hebe de decidir qué estudiabe, pensé que me faría honra estudiar filolochía. Tot el que hebe leito sobre l’aragonés, mismo qüestions de fonetica historica que pueden resultar pro aspras pa un no iniciato, me feba goyo, e pensé que la Filolochía me vendría bien pa aprender mes sobre l’aragonés e poder defender-lo millor. Prou que una vegata rematata la carrera, e mientres la estudiabe, es míos treballos d’investigación s’endrezoren enta las variedatz vivas (e mes perque malas que la rematé ya me’n fue a vivir ta Sobrarbe), pero tamién me fa goyo l’aragonés medieval e la toponimia, temas que no descarto estudiar en un futuro. Pero quan me vague, perque aora la mía vida s’ha embolicato una miqueta, espero continar estudiando l’aragonés vivo.

Creyes que s´ha feito ya prous investigacions lingüisticas sobre l´aragonés u por contras creyes que encara en queda guaires a fer? Piensas que as institucions aragones habrian de fomentar-ne?

Nunca no n’i hai prous.

Encara queda variedatz vivas per estudiar, u tornar a estudiarlas dende una nueva anvista mes ampla de veyer l’aragonés como sistema total e no solo parando cuenta en las formas que son diferents d’el castellano.

Pienso en variedatz como el cheso, que s’ha escrito muto pero que encara no tiene una tesis doctoral (e cuento que se la mereix), u el chistabín, u el fovano e tantas altras zonas blancas u que s’estudioren habe tiempo.

Pero ademes i hai mutos aspectos difuera de la investigación dialectal que mereixen estudios fundos e serios, especialment en el que se refiere a la morfosintaxi, que ye l’aspecto an mes floixeya l’aragonés común que se mira de fer. Sobre tot dende qualques sectors que se piensan que ya el saben tot respecto a l’aragonés (yo quasi totz es días aprendo qualquecosa), e que fan servir una sintaxi calcata a la castellana (como muto fan servir es pronombres adverbials en e i, e a menuto el fan malament) quan, curiosament, miran de distanciar-se d’ixa luenga emplegando formas rarizas, minoritarias, adaptacions semanticas concieteras e mismo vulgarismos castellanos.

Per altra parte, tamién caldría fer mes estudios de toponimia, de diacronía, de semantica, teoricos sintacticos e morfolochicos, un diccionario etimolochico cheneral, e un larguismo etcetera.

L’aragonés ye, quitando es estudios sobre las variedatz e bel·la monografía sobre l’aragonés medieval, apenas sin estudiar, queda mutos fratos an que fochar pa plenar-los. Asinas que estoi que i hai mutos aspectos a on podemos treballar, e que farán buena honra a’l conoiximiento de la nuestra luenga e a la suya menister estandarización.

Dende 2008 yes o vicepresident de l´academia de l´aragonés, en istas anyadas que treballos has desembolicau con iste cargo en l´academia?

Afortunadament no m’han dato guaire fayena, que ya me’n consigo prou yo solo. Es companyers con altras responsabilidatz han fochato de firme e yo yere, se se me permite el símil futbolistico, de reserva. Asinas he tenito que sustituyir uns meses a’l President Manuel Castán en las suyas labors, e una temporateta curta a’l vocal de Codificación Juan José Segura quan yenos treballando la grafía. Per suerte, es dos se podioren reincorporar decamín a las suyas

O ESPIELLO

11

Entrevista

responsabilidatz, perque el fan millor que yo. De totas trazas, es míos companyers saben que se cal que les aduye, el foi dentro de las mías posibilidatz.

Dimpués de muito tiempo de treballo, o deciueito de noviembre se presentó de traza oficial a propuesta ortografica de l´academia de l´aragonés, que opinión te mereixe ista nueva ortografía? Creyes que afectara de traza positiva a la luenga aragonesa y a o suyo desembolique?

Pues en terminos chenerals, soi muto contento con esta grafía. Ye estata una fayena larguisma e dura, an que mirando el consenso d’es que acudioren a treballar, totz habiemos a reblar en qualque punto. Per ixo, encara que no ye a’l 100% la que yo habrí feto, soi prou contento, primero perque me fa muto goyo, e segundo perque ye fruto d’el consenso entre chent bien diferent.

Tamién ye cierto que mientres que en bell aspecto imos dellá d’el que nusaltros mismos podrinos esperar quan prencipiemos, en altros -per razons sociolingüisticas sobre tot- no nos hemos atrevito a fer una propuesta valient (como es grafemas <g> e <j> etimolochicos en puesto de <ch> en chent, per exemplo). Pero estoi que son un buen alazet, e que avanzamos prou en la dignificación de l’aragonés. La grafía d’el primer congreso fayó el suyo papel diferenciador en aqueras envueltas, pero creigo que caleba dar un trango enta debant e fer una grafía que valés pa totas las variedatz, acorde a l’orichen de la nuestra luenga, que tenés en cuenta aspectos de la tradición grafica de l’aragonés medieval e que superás es problemas e contradiccions internas de la d’el 87. E se ademés ye feta con uns buens alazetz teoricos como esta, mirando el consenso entre las diferents opcions que se planteyaban, e que nos torna a ficar en el club romanico, pos millor. I ha habito reaccions curiosas; no fa guaire leyé que, seguntes el President d’una asociación que ye en contra de tot el que sía el que no digan ers, con la nuestra propuesta d’el digrafo <ny> se trencaba el “marco de seguridad gráfica con el catalán”. Se es argumentos que se les ocurren contra esta propuesta grafica son asinas, ixo significa que hemos feto las cosas bien.

E pro a fes que la grafía aduyará a’l desembolique de l’aragonés. La opción supuestament fonolochica de la grafía d’el 87 (quan i hai tres grafemas pa un solo fonema, per

O ESPIELLO

exemplo) ye ixo, una opción. Pero ye una opción como minimo curiosa en drento d’el “club romanico”, renunciar a la radiz latina de la nuestra luenga yo creigo que ye una error, adaptar cultismos e terminos internacionals de traza concietera ye una error encara piyor, e asinas podría seguir, concluindo que se trata de la castellana simplificata. Manimenos, con la propuesta grafica de l’”Estudio de Filolochía Aragonesa” damos a la nuestra luenga un estatus, encara que no sía soque visual, acorde con la mayoría de las luengas romanicas, e ademés tenendo en cuenta la etimolochía, quantos aspectos de la tradición medieval, mirando que se represienten totas las variedatz, e proponendo una adaptación de tecnicismos e cultismos bien planteyata e no deixata en las mans d’es concietos personals.

Dende a tuya anvista y dimpues de fer una ripa d´investigacions, como veyes a situación actual de l´aragonés, te parixe que ye más vivo que no pensamos?

La veigo mal, sincerament, vivo en un puesto an que l’aragonés habría a estar luenga social e no’n ye.

Pro que queda parladors de belsetán, pero la chent choven ya no’l charra quasi, e nin·nos garra. E ixa ye la situación en la mayoría de las zonas an que l’aragonés yera la luenga propia. E en es puestos an que encara i hai un uso social, an que ye viva, la castellanización avanza a tota vitesa, perdendo-se es rasgos mes propios de la luenga.

Sí que ye mes vivo que no pareix, perque la chent que encara el charra gosa sentir vergüenya d’emplegar-lo debant de personas que no conoix u que, conoixendo-las, saben que no el charran u que se le’n pueden redir per ixo mismo. Ixo fa, en buena parte, que no i haya transmisión cheneracional e que es rasgos propios (es que se consideran mes “bastos”) se vayan cacegando en l’olvido.

Agora fa un anyo que se aprebó a lei de de luengas y dende alavez a situación no ha cambiau guaire, como veyes ista nueva lei te parixe que encara que siga amonico-amonico amillorará a situación d´a luenga o por contras creyes que ye muit esbafada y que no cambiará cosa?

Pos quiero estar posibilista. Pro a fes que no ye la lei que dende el mundet de l’aragonés deseyarinos (encara que este mundet sia esbrozolato a día de hue), pero ye la que i hai, e per ixo ye la nuestra unica esperanza. Se realment i hai intencions de salvar l’aragonés, con ixa lei qualquecosa 12

Entrevista

Foto: euge niomateo.blogspot.c om

se podrá fer. Manimenos, estoi que una de las primers cosas que caldría fer ye un treballo de dignificación de la luenga enta aqueras personas que la tienen como luenga patrimonial e que, menos en unas pocas valles e lugars, tienen un sentimiento diglosico que les fa pensar que charrar en aragonés ye parlar “basto” u “mal”. Encara que ya i hai una parte d’el camín feto (ya podemos charrar d’aragonés e la chent sabe a qué te refieres). A partir d’astí, ya vienen es temas d’estandarización (mica facil), amostranza, emplego publico e oficial, presencia en es medios de comunicación, etc. Cal planteyar tota una politica lingüistica, pero tamién una sociolingüistica. Se esta lei sirve pa tot ixo, ya el veremos, pero encara que soi posibilista como decibe a’l prencipio, tampoco no soi guaire optimista.

Chabier, ya ta rematar a zaguera pregunta, como filologo que midas creyes que se han de tomar ta reviscolar l´aragones en as variedatz y en as zonas an que se ye perdendo china-chana?

En las zonas an que encara se mantién, ye menister, coomo decibe antes, una politica sociolingüistica que faya que la chent tienga argüello de mantener la luenga, e que la pasen a’s suyos fillos. No sé se somos

a tiempo pa ixo, pero a’l menos habrinos a intentar-lo. Dimpués estoi que cal fer unas normas locals, pa cada variedat, e que en la escuela de cada lugar u valle s’amuestre ixe tipo d’aragonés, e no pas ixe aragonés rarizo que fa que la chent patrimonial no se i sienta identificata con el concepto d’aragonés como luenga. Conoixco bell caso en que un profesor d’”aragonés” correchiba a’s alumnos sobrarbenses per pronunciar [iš], e les deciba que pronunciasen [š] (pa que se m’entienda baxar per baixar). Se ademés de que es alumnos s’acercan a l’aragonés, les dices que no charren como el fan en casa suya u en es suyos lugars... mal imos.

Un estándar, pero bien feto, no pas el que nos intenta vender bel·laún, ye preciso pa la educación secundaria e la posterior.

Pro a fes que tamién sería muto important que i hes televisión en aragonés, encara que sía en estandar (prou que un buen, no pas qualsequiera) e que prencipie a eliminar es castellanismos de las variedatz. I hai mutas mes cosas que se podrían fer, pero me pienso que nunca no tendremos ni es medios ni las oportunidatz pa desembolicarlas.

O ESPIELLO

13

Creyación literaria

BO M Carlos García

A

primer bomba esclató un dotze de chulio. L’edificio d’o centro comercial quasi s’esvoldregó. As televisions decamin pretoron a meter imachens d’os muertos, d’a enrona, d’os bombers mirando d’amortar as flamas. A chent d’a redolada salió d’as casas suyas a escape a prebar d’aduyar bell poquet. Os muertos se contaban por decenas y os ferius por cientos. Ixe diya dengún no gosó decir cosa.

As tipicas declaracions charrando de l’estau de dreito, que pillarían a os terroristas decamín, que se solidarizaban con as victimas y asinas asinas.

A l’atro’l diya, unatra bomba esclató en unatra ciudat. Prou luen d’a primer. Ista vegada estió un bingo.

Prous goletz y goletas muertas. Chugadors viciaus, visitants alparcers, treballadors d’o chuego. Ixa estió a primer vegada que me planteyé a manca de sentiu de tot aquello. Ta yo, o terrorismo yera de tot inchustificable, pero cuento, u contaba, que en l’esmo d’os terroristas, un centro comercial plen de chent, yera un buen obchetivo ta ficar o panico en os corazons d’a chent. Ta o terror, que ixa ye a definición de terrorista. Pero ¿un bingo?.

O tercer diya, a bomba la metioron en un puent. Nomás dos muertos, pues esclató en a maitinada y quasi no bi heba chent en ixe inte. Nomás una parella que tornaban ta casa suya dimpués d’una cena con unos amigos. Alavez sí que prencipié a conoixer o significau reyal de panico. Cada diya petaba una bomba.

En puestos diferents de ciudatz diferents. Un cine, una botiga chinesa, una central termica, un bar, una guardería... Cada diya una ciudat, un puesto, una bomba. A la semana, a chent prencipió a salir menos de casa. Os politicos, en primeras, s’amostroron t’o mundo totz chuntos “contra o terror”. Dimpués, colaban amagadas acusacions ta l’atro partiu en as suyas declaracions. A la fin d’a semana ya se acusaban dreitament d’haber favoreciu a bella colla terrorista.

Tanimientres, dengún no reclamaba os atentaus. Dengún no’n sabeba brenca. A policía, en un primer inte, y dimpués os servicios secretos y mesmo l’exercito, investigaban terne que terne y no trobaban cosa.

Dimpués de quince diyas y quince bombas a chent yera ixorrontada de tot. Levabamos más de mil muertos y continabanos sin saber cosa.

Quan tiens un enemigo, puetz concarar-te. Puetz culpar-le. Puetz encorrer-lo dica la fin d’o mundo si cal.

Puetz fer cosa. Pero no’n tenebanos. Cadagún teneba a suya teoría. Que si ETA, que si os islamistas, os chodigos, os antiabortistas u mesmo os franceses, que deciba o mio vecín. Pero a verdat yera que dengún no’n sabeba mica. Os periodicos y os meyos d’información publicaban cada diya una falordia diferent. Con os mesmos argumentos que o mío vecín, ye decir, dengún.

O ESPIELLO

14

B A S Creigo que ixe feito de no saber qui yera metendo as bombas yera lo pior de tot. A rabia a sobén nos da motivos ta vivir. Ta no reblar.

Ta continar fendo a vida normal. Y a rabia ha d’estar endrezada contra bella cosa, persona u colla de personas. Manimenos no yera rabia lo que teneba a más gran parti d’a chent. Yera un mezclallo de medrana, indefensión y, más que más, incertidumbre. A la gran pregunta de qui yera o culpable se sumaba que nos sabebanos o qué quereba. Nian podebanos negociar u simplament reblar. No sabebanos quanto duraría u si bell diya remataría tot aquello. Qué farcha feban, an s’amagaban, por qué nos mataban... yera tot un misterio. Preguntas sin respuesta.

A vida prencipió a fer-se más y más anguniosa.

A chent deixó de salir t’as carreras antis que no decretasen l’estau de sitio a las tres semanas.

Teneban medrana d’ir t’o treballo, t’as fabricas, que en heban esclatau ya tres. T’as botigas.

T’o supermercau. L’estau s’esvoldregaba.

Movilizoron a militars chubilaus. A beluns d’os que heban feito o servicio militar d’antismas que s’ufrión voluntarios. Y en ixe inte, o caos se fació present por totz os cabos. A los muertos d’as bombas, que continaban esclatando cada diya, se sumoron os muertos por disparos d’a chent, d’os policias, d’os militars. Totz teneban bella arma.

As escopetas d’o lugar, os cutiellos d’o pernil, as navallas d’ir t’o campo. Qualsiquier cosa valeba ta matar a lo vecín si yera sospeitoso. Y totz en yeranos.

En primeras me resistié a deixar a mía vida cutiana. Continé indo t’o treballo. Continé mercando o pan en o furno d’Alodia, que feba uns croissants sobrebuenos. Y de tardis me

O ESPIELLO

Creyación literaria

feba una biereta con os amigos que resistiban como yo, en a terraza d’o parque. China chana, os amigos deixón d’ir-ie. Alodia cerró lo furno y marchó t’o lugar. “Astí i seré segura. ¿qui va a ir t’o lugar mío a fer esclatar una bomba? Si no i va ni a carretera.” O treballo cerró. Yera una interpresa de seguros. Y os seguros heban deixau d’estar rendibles. Heban deixau de tener sentiu.

A seguridat ya no existiba.

En os venients meses, bi habió quasi tantos muertos por a paranoia que por a bombas. Totz os enemigos que a chent teneba d’antis de que tot isto prencipiase, yeran as victimas de venganzas, yeran os culpables trobaus, chuzgaus y executaus d’o que no pareixeba tener culpable. Os chudgaus no adubiban. A policia no actuaba y, quan lo feba, o resultau yera más muertos. Yera un totz contra totz.

Levo dos meses quasi sin salir de casa. Levan tres meses metendo bombas. Tres meses aprendendo a desconfitar d’o vecín. A valurar a vida. Tres meses de medrana, muita medrana. Y continamos sin saber-ne mica. ¿Porqué ye pasando tot isto? ¿Qui ye dezaga? ¡Qué feble que yera tot lo que tenebanos! Os nuestros dreitos son agora nomás que tinta imprentada en papels. Teorías repolidas que deixan de tener sentiu.

Ye meyanueit y no ha esclatau garra bomba. Han pasau más de vintiquatre horas sin morir dengún por atentaus. ¿Será isto a fin? En tres meses nunca no heba pasau. ¿Y que se ferá agora con toda a chent movilizada? ¿Cómo tornaremos a prener a confitanza con os nuestros vecins?

Talment una nueva vida prencipie en l’amaneixer de maitín.

15

Reportache

UNA UELLADA POR A ARAGONESA DENDE Marta Escarnero

As

mullers han estau, son y serán uno d’os alazetz fundamentals d’a historia d’Aragón.

Si femos una uellada enta o pasau, podemos trobar a una ripa de mullers, as quals, baixo o dominio de un sistema clarament patriarcal, en una sociedat en a qual, o qüestionamiento de l’autoridat de l’hombre no ha teniu puesto, han sabiu fer-se veyer por diferents motius d’entre os suyos companyers, destacando por a suya singularidat y corache.

Prencipiamos ficando-nos en o sieglo XV, en una sociedat en a que a mayoría d’as mullers viven en o campo y unas poquetas son emparelladas en matrimonios apanyaus u ninviadas t’o convento con un gran dote. D’una traza u atra, todas ellas son endrezadas t’as labors de reproducción u t’os quefers domesticos. Encara veyendose baixo ixa represión, os chicorrons trangos que lograban yeran aturaus de camín por os “poderosos” y mas que mas por a ilesia, u bien d’una man querendo fer dentrar a las mullers en o dilema de castidat u d’atra man a traviés d’os procesos inquisitorials. Catalina García yera una de os eixemplos de mullers, a la qual chudgaron por bruixería, porque yera muller, campesina, pobre viella y viuda. Atro eixemplo ye Ana Francisca Abarca Bolea que fue ninviada ta un convento quan nomás teneba tres anyadas a estar criada y educada, convertindose en a escritora más important d’o Barroco aragonés.

Durante a Ilustración, prencipian a plegar as ideyas más progresistas y o numero de mullers que prencipian a treballar ye mas gran. Ista incorporación a o treballo ye más que más por as necesidatz productivas debidas a o creiximento demografico y no pas por os d r e i t o s conquistaus. En a clase altera podemos trobar a personalidatz como Josefa Amar y Borbón, empentadera d’o feminismo, y estió una d’as maximas esfensoras d’a crianza d’as mullers como meyo liberador e igualitario.

O ESPIELLO

16

Reportache

HISTORIA D'A MULLER O SIEGLO XV En ixas envueltas, en as clases alteras se consiguió una miqueta de libertat domestica, gracias a las gambadetas y charrazos an que se charraba chunto a os hombres de temas como a relichión u a cultura. Manimenos, tanimientres as mullers d’a clase baixa continan treballando en o campo y en os treballos artesanals, encara que tamién amaneixen mullers obreras por o surchimiento d’as fabricas.

En os anyos d’a guerra d’a Independencia, son muitas as mullers que se debantan ta esfender o territorio aragonés d’as tropas francesas, sin distinción de clases nian de pensamientos, como por eixemplo: Manuela Sancho, Casta Álvarez u Agustina de Aragón, d’entre atras.

En o sieglo XIX, prencipian os alacetz d’un feminismo convenciu encara que ixeminau partindo d’a base de ideyas promanans d’a Ilustración y d’a necesaria incorporacion d’as mullers a o mundo d’o treballo y o progresiu reconoiximiento igualitario d’a educación entre mullers y hombres. Pilar Sinués y Concepción Gimeno se fan veyer d’entre atras muitas por trobar en o periodismo y a Literatura, a traza de fer sentir as suyas voces entre as mullers d’alavez.

O sieglo XX representa una epoca de desigualdatz muito importants d’o tema relichioso y ideolochico, caracterizau por un retardo social y scientifico prou important d’o estau espanyol a diferencia d’a resta d’Europa. Ta par d’alavez prencipian con fuerza respective a las qüestiones femeninas, demandando una igualdad entre mullers y hombres, de traza verdadera pero con dificultatz a la hora de levar-las a la practica. Con tot y con ixo ye una era en a que existe una valuración d’o papel social d’as mullers. Tres eixemplos importants d’a epoca son: María Domínguez, Amparo Poch y Concha Monrás. María Domínguez yera una d’as luitadoras d’a igualdat entre clases y sexos, no veniba d’una clase burguesa, estió inspirada en o ideyario republicano dica que dimpués evolucionó a O ESPIELLO

17

Reportache

o socialismo. Plegó a estar alcaldesa de Gallur, estando reiconoixida como “a primera muller alcaldesa d’a Republica”. Amparo Poch, yera una d’as primeras mullers que dentraron en a Universidat de Zaragoza, libertaria dica a suya muerte en o exilio, aduyó a la formación de mullers libres y treballó en o Gubierno chunto a la anarquista Federica Montseny. Y ta rematar, Concha Monrás, d’a qual siempre se pensó que yera una muller adebantada ta o suyo tiempo, anarquista y fidel esfensora d’a libertat y d’a igualdat.

Cal recordar a todas y cadaguna d’as mullers, conoixidas y anonimas, que facioron posible que hue as nuestras condicions de vida haigan millorau a-saber-lo, gracias a o suyo treballo. Pero no cal que reblemos, cal continar enta debant, porque encara tenemos un largo camín.

Luitemos por una igualdat plena, y no ixublidemos que encara continan astí l’ature femenino, o trestallo salarial, a precariedat en o treballo, a feminización d’a pobreza, y asinas-asinas. Encara nos queda rienda ta aconseguir una igualdat en os chornals y una independencia economica d’a muller. O pensamiento conservador d’a sociedat fa responsable a la muller d’a familia y d’a casa y a resistencia de l’hombre a os treballos domesticos y a o cudiau d’os familiars, han perchudicau y encara lo son fendo, a o desembolique d’as mullers.

Por tot isto cal estar conscients d’a realidat en a que vivimos y continar por o camín que todas aquellas mullers luitadoras, que con eixemplos de firme resistencia u rebeldía sucherida, trazoron ta conseguir, a la fin, entre todas y totz una igualdat real.

Manuela Sancho Debuixo José Luis Cano www.fundacion2008.com

Agustina Raimunda Saragossa "Agustina d'Aragón" Autor Francisco José de Goya

Amparo Poch

O ESPIELLO

Concha Monrás

18

Reportache

GAMBADETA ARREDOL DE RICLA Alejandro García

S a l i n d o d e n d e o l u g a r d e R i c l a ( Va l d e x a l ó n ) , p o d e m o s f e r a r re d o l b e l l a s g a m b a d a s d e r i c u e rd o a r a b e , i n t re s a n t s t a l a p a l e o n t o l o c h í a , cheolochía, ornitolochía, ecolochía y etnografía. Ricla sinyala a muga e n t re o S i s t e m a I b e r i c o y a D e p re s i o n d ’ o E b ro . E n t a o s m o n t s f u ro s f e re m o s i s t a s ro t a s c o n o r í o X a l ó n c o m o e i x e . O re c o r r i u , p a rc i a l m e n t e n d i c a u y c o n p a n e l s d ’ i n fo r m a c i ó n , y e p a r t i d ’ a Z E PA ( Z o n a E s p e c i a l P ro t e c c i ó n t ’ a s A v e s ) y L I C ( L u g a r I n t e re s C o m u n i t a r i o ) d ’ a s F a l c e s d ’ o X a l ó n . A ro t a d ’ o s a z u t z d ’ u n o s t re t z e k i l o m e t ro s p u e d e f e r - s e e n t re s h o r a s y m e y a .

Prenendo

sentir a rumor de l’augua de fuent Juspenya cruciando o sendero. Un manancial intermitent con augua d’o cercano río Grío, en l’atro canto d’o mont.

como puesto d e salida o parque Goya chunto lo río. Tot o tiempo a man dreita. Empedregau fa unos anyos y que agora ha tornau ta o suyo calz natural. Con o primer azut, o d’a cequia de Calatorao, continamos por o camín entre arbols fruitals y hortals, rodiando a ripa d’o mon Santana, dica plegar en o puent d’o tren sobre o Xalón y chiramos a man cucha per una senda ta continar por a clamor d’o Tocho d’o Moro. Antis mas, val d’Almadek o Almadech.

Mirando t’alto veyemos o clamau tocho de moro en uno d’os vuedos d’a paret, ¿tocho u piedra de forma concietera? Per si a vista no mos plega, bi ha un panel que mos aduya a localizar-lo. Recenta a falordia que un valient y poliu guerrero moro se namoró d’una cristiana y que a ella dedicaba cada batalla ganada. Pero no yera guaire ta ella y le refusaba amablement dica que le proposó un reto, fincar a suya lanza en lo mas altero d’iste parache. A l’atro maitín, a lanza se veyeba brilar dende luen pero o cuerpo d’ell yera muerto abaixo.

T’a nuestra cucha veyemos os cillos, an crían aus como o vueitre lionau (Gyps fulvus), a voleta (Neophron percnopterus), l’alica perdiganera (Aquila fasciata) (en periglo d’extinción), a collalba negra (Oenanthe leucura), o esparbero (Falco tinnunculus) u o Bagüeso Reyal (Bubo bubo). Antimás d’atras aus y mesmo aus rarizas accidentals tant importants como o Trepacillos (Tichodroma muraria) y l’acentor alpino (Prunella collaris). Asinas como atras especies de mamiferos, anfibios y reptils.

A la meya hora d’iste parache plegamos a uno d’os mes polius y quedos puestos. An se puede

A senda puya y traviesa un puent sobre a cequia de Michen, que mos ha acompanyau altera y penchada d’a paret d’insolita traza. Fa poco s’ha celebrau o V centenario d’a concordia entre Ricla y L’Almunia ta emplegar as suyas auguas. Entre ista naturaleza pareixe mentira a esferra que son fendo con l’entibo de Mularroya ta l’atro canto d’o mont. Dimpues cal fer un chiro a man dreita y deixar dezaga una paridera. Asti bi ha dos opcions pinchas.

O ESPIELLO

19

Reportache

A primera ye no chirar y continar tot dreito per o camín d’as Conchas. An se trobó o famoso “crocodrilo de Ricla”. Un crapacín d’un crocodrilo marín d’o Churasico d’o chenero Metriorhynchus.

Se puede veyer en o museu de paleontolochía d’a Universidat de Zaragoza. En Ricla se puede estudiar quasi tot o Churasico en os suyos chacimientos. Dimpues de travesar o tunel baixo l’autovía bi ha dos opcions. Baixar enta Mularroya, u puyar enta alto fendo un poder dica la tuca d’o mont d’a Perdigana, an que podremos desfrutar de l’anvista, y se veye a val d’o Grío y as obras d’o entibo de Mularroya y per l’atra parti totz os monts de Ricla y mesmo a tuca d’o Moncayo. Antis de plegar a la tuca bi ha dos cuevas: a cueva d’o Muerto y a cueva d’a Sima. Ta dentrar en ísta zaguera, que tien polidas estalactitas, cal pedir premiso.

A segunda opción ye puyar ripa a traviés dica plegar en o calz d’a cequia d’o Carretillo, os meses que no bi ha augua. De raso plano podemos fer o mesmo recorriu pero dende l’alto esnavesando tunels y viaductos. Ye penchada d’os monts y con una privilechiada anvista d’a val d’Arapiel, entre matiguero mediterraneo y bella sabina.

Continando con a rota prencipal será de facil veyer vueitres dencima d’o nuestro tozuelo. Tamién podremos veyer o sistema ta regar per meyo de azutz y cequias (Michen, Arapiel y Ricla) esnavesando a val d’Arapiel, con un pinar y hortals. Dimpués de fer una gambada sin dificultat plegamos en t’azut de Michen, talment d’orichen romano. Astí cal tornar una mica y prener una senda muito fura a man dreita, l’unico trampo difícil. Cal fer un poder ta puyar por una cantalera y superar o meandro dende l’alto y veyer l’azud d’Arapiel.

Asinas plegamos en o parache clamau A Luz, con o viello edificio do se feba producción electrica ta puyar l’augua dica la cequia d’o Carretillo. Un poco mes t’allá ye o zaguer azut, o de Chodes. Ta tornar cruciamos un puent esganguillau y desfrutamos d’os pliegues churasicos en curdión que se troban en o puesto. Antis de tornar podemos dentrar en a clamor de Nigüella y sentir una funda tranquilidat, nomas crebada por o rudio que de cabo ta quan fa l’AVE. Puyamos per un camín de ferradura ta plegar en un atro camín que entre fruiters mos leva dica o mesmo puent d’o tren d’o prencipio. Dimpues de pasar Os Trancaus, atro puesto ta escar fosils. En pocos menutos plegamos en Ricla.

Charramos con Javier Traín, concellero de meyo ambient d’o concello de Ricla y ornitologo. ¿Cómo surte a ideya de sinyalar a rota d’os azutz?

A ideya surtio fa unas anyadas, 2002 u 2003, quan yeranos en l’asociación A Sabina (colla ecolochista de Ricla). O problema ye que allora no tenebanos recursos y o concello no yera receptivo a ista mena d’ideyas. Malas que pleguemos en o concello obteniemos una subvención y decidimos dedicar-la a reyalizar o proyecto que levabanos en l’esmo fa anyos.

O ESPIELLO

20

Reportache

Antimás ye un espacio an que se vei l’alica perdiganera, un au en periglo d’extinción en Aragon. Antimás se pueden veyer belatras especies tipicas d’o cillo como a Collalba Negra, o Roquero Solenco u o Vencillo Reyal y mesmo en hibiernos fredos o mitico Trepacillos, qui baixa d’os suyos quartels de cría en o Pirineu ta pasar l’hibierno en istos cillos. Antimás abundan as aus tipicas d’o mont mediterranio como as Currucas y as especies tipicas d’a selva de río: oropendola, barcers, mosquiters, asinas-asinas. ¿Qué importancia d’emplego tien actualment o sistema d’azutz y cequias d’a rota?

¿Creyes que ye un patrimonio natural valurau por a chent?

O sistema d’azutz que viene d’a epoca d’os árabes sigue fendo-se servir de punta ta coda como se feba antismás. D’iste espacio en salen as prencipals cequias que dan augua a las huertas de L’Almunia de Donya Godina, Ricla y Calatorao.

Ye un patrimonio natural poco conoixiu mesmo por a chent de Ricla y a redolada, encara que realment se nota un cambeo important en a percepción d’o puesto d’uns anyos dica agora. Cada vegada ye mas común de trobar-te a chent reyalizando a rota d’as clamors d’o Xalón y isto ye en gran parti debiu a la espardidura que hemos mirau de dar-le realizando excursions periodicas, folletos, asinas-asinas.

¿Qué menazas tien iste espacio natural?

As prencipals menazas son as grans infraestructuras como a linia d’alta tensión que ya esnaviesa o espacio, y actualment a pantasma d’o entibo de Mularroya que de levar-se a cabo deixará sin augua a tot iste espacio ya que l’augua será trescolada ta Mularroya.

¿Qué aus mas emblemáticas puede uellar un aficionau a la ornitolochía?

Un aficionau a la ornitolochía puede uellar especies tipicas d’istos espacios con relativa facilidat.

En o respective a las rapaces, o vueitre leonau y o bagüeso reyal son de buen alufrar en a epoca adequada.

¿Creyes que iste torismo de naturaleza puet tener bell desembolic en Ricla?

Sí que puet tener bell intrés porque o espacio lo mereixe. O problema ye a mala infraestructura d’alochamiento existent en Ricla, atros lugars como Morata de Xalón han creyau un albergue que funciona muito bien. Ye un afer a estudiar.

Ta qui lo desconoixca, ¿Por qué caldría venir a vesitar-lo?

Caldría vesitar-lo porque ye un espacio muit poco conoixiu y muito accesible, a cinquanta kilometros de Zaragoza y muito amanau a Ricla y L’Almunia. Antimás a rota ye de buen fer, y se puet realizar comodament con ninos.

O ESPIELLO

21

Creyación literaria

L'ANCHEL Fernando Estaben

Unatro

diya de treballo, debuixando mangas t’a editorial, y unatro diya d’asambleas y contactos ta empentar accions y más accions ta luitar contra un destín que condemna a istas y a las venients cheneracions a un esvenidero laso y fosco. Sakura (nombre en clau) dentraba por a puerta de casa suya. Caleba parar firme cuenta, a policía y mesmo os servicios secretos y achents parapolicials yeran enrestindo istas organizacions subversivas, cada vegada con más violencia.

—Soi escruixinada de tot, me feré un chicolate calient, que ya cal con ista fredor—, se deciba. Sabeba que o suyo esvenidero yera incierto, como o de totz, y más que más como l’esvenidero d’os que gosaban pensar esferent, pasau un quarto d’o sieglo XXI. —Uhmm, ulora prou bien iste chicolate!

Malas que dentró en a cambra d’estar, se le cayó o tazón d’as mans. Veyó una uembra apareixer debant d’os suyos uellos.

—Cómo i ha dentrau iste muixón? Un cuervo? Qué rarizo...

Ubrió a finestra batalera y consiguió que se’n ise o negro muixón. Pero en trancar a finestra, ista vegada sí que no podeba fer fuera a presencia extrania que i apareixió.

—Quí yes? Cómo i ha dentrau? Tien una orden chudicial? — preguntaba ixorrontada Sakura.

—No, no’n tiengo, no la amenisto —contestó ixutament l’hombre.

En ixe inte, quitó un revolver con silenciador d’os valons. Un brilo mortal s’enchegó fugazment en os uellos d’a mesacha, que no podeba asimilar a situación.

—Yo... se remató, verdat? —farfulló Sakura. —A yo m’importa igual tu u o que faigas, nomás foi o mandau — contestó l’hombre.

Sakura se’n cayó por tierra plena de glarimas cayendo por os tuixos. L’asesino sacó o seguro d’o revolver y se disposó a pretar o gatillo, quan se miró un portarretratos que yera a o canto d’a mesacha. O disparo silencioso salió d’o furo revolver. O mesache baixó l’arma caricacho.

L’asesino tornó a uellada ent’o portafotos. Astí se i viyeba a dos parellas con dos adolescents. —Han pasau bells anyos dende ixo... ye normal. Quántas anyadas en tenebanos?

—Yes... yes tu?

Sakura chiró o tozuelo ent’o portafotos tamién. —Yeran atros tiempos sí... Ixos veranos en os que nos conoixiemos, tenebanos quince anyadas. A os deciseis te’n fues con a familia tuya ta Madrit. Ya no sabié mica de tu dende allora. Remero as glarimas d’a zaguera vegada que nos viyemos... estió una trachedia t’os dos.

—Sí, lo sé. Poco dimpués de plegar en a nuestra nueva ciudat, teniemos un grau accident de trafico. Mis pais y a mía chirmana se i matón, yo quedé en o rafe d’a muerte, pero sobrevivié. Agora soi yo quí manda a la chent a la muerte, paradochico, no? Por ixo me conoixen por L’anchel d’a muerte. Pero cuenta-me sobre tu.

—A mía vida tamién tien una color grisa... fa cinco anyadas asasinón a mis pais. Agora sobrevivo como puedo, treballando debuixando, pues facié artes graficas, y como me pa que ya sabrás, no soi guaire quiesta ta bellas personas, por ixo i has veniu, no?

O disparo heba atinau en a paret a bells centimetros d’o tozuelo de Sakura, sin fer-le brenca mal. Prou que heba fallau de propio o tiro. Sakura se tocó o tozuelo como si querese viyer si tot yera en o suyo puesto. O mesache s’alzó l’arma en os valons unatra vegada.

—Feba tiempos que no sabeba mica de tu, cómo yes?

Sakura yera eslucernada de raso. Quí yera ixe choven que quasi la mata y agora pareixe conoixer-la?

—Desincusa, pero no sé quí yes...

O ESPIELLO

22

Creyación literaria

D'A MUERTE O mesache heba deixau de tener l’aspecto d’una maquina sin sentimientos ta prener traza humana. Mesmo dos glarimas esvarizaban por a cara. Os sentimientos d’antis mas floreixeban unatra vegada. Si bien nunca no los declarón en o suyo momento, sí que allora pareixeban implicitos.

D’ir a matar-la, pasó a foter-le un acarrazo. A maquina s’heba regalau, o ser humano tornaba t’a vida.

—Siente, no gosan de cusirar-me, pero será millor que me’n vaiga a escape. Ves-te-ne con yo, ye a unica traza de que sigas segura. O caporal d’a multinacional que me dio ista vida que levaba dica fa uns poquetz minutos te quiere bien muerta por as tuyas actividatz rebeldes, y agora a yo tamién.

—T’a on nos n’iremos? En iste mundo ya no bi ha garra puesto seguro... Amás, no puedo abandonar a os míos companyers d’a Resistencia, sabes?

—Bien, por agora saldremos d’aquí, acompanya-me ta un puesto.

Salión de casa. En ficar-se por un callizo, tres hombres tracheyaus les aturón. Vestiban traches negros y truqueta.

—Oi, qué fas? No hebas de matar a ixa mesacha? Qué pasa aquí?

En ixe inte, L’anchel quitó o revolver d’os valons, a lo que respondión os tres hombres con o mesmo cenyo decamín. No i heba garra persona más.

Os disparos tallón l’aire menando-se ent’os dos protagonistas.

Pero... cómo podeban haber estau tan amán y no recibir garra nafra?

—No ye posible!, habrían d’estar muertos!

Sin guaire tiempo d’aspera, L’anchel devantó a suya arma y fotió tres disparos. Uno a uno os tres hombres cayón por tierra sin vida.

—Imos a escape, a policía i vendrá y avisarán a o mío mainate, ya sabes en que tiempos i vivimos.

O ESPIELLO

Sin tiempo ta perder, L’anchel pilló o suyo auto y se’n fuon ent’os arredols d’a ciudat, ta un vico residencial, pleno de chaletz.

—Imos a rematar con isto ya ta estar libres. Por favor Sakura, nunca no te desepares de yo, esta-te dezaga siempre, pase o que pase.

L’anchel plenó o revolver y se disposó a dentrar en una torre. Salió un guarda a ubrir. Ya le conoixeban a ell, pero no s’asperaban a la convidada.

—Quí ye? Ye que no confitatz en yo? Deixatz-me pasar.

—Ya ye un poco tardi, no, Anchel?

—Ye important.

—En fin, d’alcuerdo —le menón dreitament con o mainate.

—Anchel? Qué pasa? Fote, quí tenemos aquí... no te dicié que la matases?

—De primeras, ya no me digo L’anchel d’a muerte. O millor será rematar con vusté, au.

Devantó o canyón de l’arma. O caporal ubrió a boca ta decir —veigo que a Sakura no le has dito que tu matés a sus pais.

Sakura fació cara d’horror. No podeba creyer o que heba sentiu.

—Mire, sinyor, ixas muertes no son a mía responsabilidat, soque ye la suya. Le he dito que ya no soi una maquina de muerte inhumana que se deciba L’anchel d’a muerte. Vusté no me salvó d’a muerte dimpués d’o mío accident, dreitament me mató en fer-me ixe asesino. Nomás reviscolé quan m’he tornau a trobar con Sakura dimpués de tanto tiempo.

O disparo no sonó por o silenciador que portaba l’arma.

O tozuelo d’o caporal esclató. Yeran libres. Tanimientres Sakura ploraba dimpués de conoixer a verdat. Sentiba rabia, pero tamién aimor. Con tot y con ixo, no yera a mesma persona que heba matau a sus pais, yera a persona que aimaba.

Os guardas i apareixión y disparón. O mesache se metió en o preto ta que no nafrasen a Sakura. Garra prochectil consiguió plegar en o suyo obchectivo. O mesache disparó y os guardias cayón uno dezaga d’atro. L’anchel, dimpués de l’accident desembolicó psicoquinesi, por o que puede mover obchectos con l’esmo y consiguir esvarrar as balas.

—Imos, somos libres. Prencipiemos una nueva vida.

23

Reportache

A DANZA ORIENTAL, A DANZA D’A VIDA Marta Temprado

¿Qué ye a danza oriental?

L’obchetivo d’iste articlo ye fer conoixer de traza cheneral l’orichen d’ista polida danza, asinas como os suyos beneficios ta todas as personas que la practican.

Orichen e historia d’a danza oriental Ye una d’as danzas mas antigas d’o mundo que fa un mezclallo d’elementos de diferents países de Meyo Orient y d’o Norte d’Africa, encara que os suyos orichens son inciertos. En istos países arabes ista danza se conoix como Raks Sharki que significa literalment danza oriental. O nombre de danza d’o melico se prencipia a fer servir en o sieglo XIX por os europeus que viacharon ta os países exoticos mirando de trobar nuevas culturas, costumbres y paisaches. Os viachers le metioron iste nombre, enlucernaus por os movimientos d’o melico y de l ’anca que no existiban en as danzas europeas.

Cal distinguir entre o Raks Sharki (Danza Oriental) y o Raks Baladi (Danza d’o Pueblo). O Raks Baladi ye una danza más alazetal en a que quasi no se fan desplazamientos y os movimientos O ESPIELLO

con l’anca son predominants. O raks sharki ye más refinau y rico. Adhibe movimientos d’o folclore echipcio, a danza clasica y a danza contemporania, con grans desplazamientos, chiros y movimientos ta todas partes d’o cuerpo, encara que os de l’anca son tamien os más importants.

Bells pueblos antigos creyeban que a fertilidat humana yera dreitament relacionada con a tierra. A las mullers, que yeran as que creyaban as nuevas vidas, se les atribuyiba poders machicos.

D’atra man en l’antiga Grecia y Roma se feban diferents danzas que consistiban en chiros de l’anca y a pancha. Belunas se feban ta fer honra a las diosas. Muitas d’istas divinidatz promanaban d’o este, concretament de Siria y Turquía. En Chipre, puesto de naiximiento d’Afrodita, diosa griega de l’aimor y d’a fertilidat, as mullers feban danzas rituals eroticas acompanyadas con cantos a traviés d’as quals se meteban en trance. Isto les aduyaba a meterse en contacto con a diosa y que ista les pasase o suyo poder. Alavez, istos rituals u parellanos se feban tamien en Mesopotamia, Fenicia, Echipto, Arabia e India. En istas ceremonias i participaban a-saber-lo de mullers y o suyo proposito yera trayer o poder d’a diosa ta la tierra y millorar a fertilidat.

24

Reportache

En o sieglo XIX, en Echipto, bi heba dos menas de bailarinas: as ghawazee y as awalim.

As ghawazee (chitanas) feban bailes a l’aire libre u en o campo y por un regular gosaban d’actuar ta chent de clase social baixa. Feban as actuacions con una chicota colla de mosicos. As awalim yeran más respetadas y antimás de bailar, cantaban y recitaban poesía. Por un regular feban actuacions en as casas d’os ricos. En os dos casos a danza yera improvisada.

En l’anyo 1930, en O Cairo, una muller libanesa que se deciba Badia Mansabni, ubrió una sala de borinas clamada Casino Badia.

Teneba un programa de alazetz orientals con actuacions ta os Europeus de toda mena, ufriba bailarins, cantants, mosicos y comediants.

En ixas envueltas, a danza oriental habió d’estar adaptada ta os grans escenarios. Badia Mansabni antimás d’amostrar a las suyas bailarinas, treballó con coreografos y bailarins europeus t’adhibir-ie elementos d’atras danzas (ballet).

Actualment, a danza oriental en a mayoría d’os países árabes ye parti d’a cultura y una celebración sin un espectaclo de danza oriental no ye plena. En os países arabes an que más s’ha desembolicau en os zaguers tiempos ye en Echipto, Libano y Siria. As bailarinas más famosas gosan bailar en os clubs d’os hotels de cinco estrelas y levan una colla d’a lo menos trenta mosicos con intrumentos tradicionals y d’agora. O vestuario gosa d’estar exclusivo y o espectaclo ye de raso coreografiau.

Quasi todas as mullers arabes bailan raks báladi, y aprenden dende ninas en as borinas y reunions familiars, pero no guaires s’animan a estar profesionals.

O ESPIELLO

¿Qué beneficios fa a danza oriental?

A danza oriental fa beneficios a ran fisico y a ran emocional. Tenendo siempre en cuenta que as dos anvistas son de raso interrelacionadas.

A danza implica una postura d’o cuerpo que respeta a esquena y favoreixe o amilloramiento d’as contracturas y atras lesions. Como qualsiquier mena de exercicio fisico no guaire intenso permite a la persona de trobar-se templada, y no enchelebrida, más flexible.

A ran emocional —dende a mia anvista— o mayor beneficio ye que nos fa aprender muito sobre nusatras mesmas, como nos sentimos y lo que amenistamos, que nos fa mal y que nos fa felices. A danza expresa tot o que levamos dentro o positiu y o negatiu, y iste poder ye por fer-lo servir como meyo ta trobarnos millor.

No bi ha cosa más polida que veyer a una bailarina que se troba libre y feliz consigo mesma, amostrando con o suyo cuerpo, con a suya pancha, que a vida plena.

Bibliografía: Breve historia de la Danza Oriental, Alejandra Weil

25

SCIENCIA Y T A osteopatia ¿Quan naixe a osteopatia?

A osteopatía naixió, se puet decir quan naixió Andrew Taylor Still en 1828, d’a suya man. Iste choven de Lee County, Estau de Virchinia, muit luego empencipia a estudiar medicina, y anyos mas tarde funda l’American School of Osteopathy en Kirsville. Escribió muitos libros arredol d’os descubrimientos en ista sciencia, dica que muere en l’anyo 1917. Encá que Still nos deixa, a osteopatia contina de mans d’a suya alumnalla: Littlejohn y Sutherland, dos personaches prou brilants, y d’altra man chent como Mitchell, Brooks, Magoun, Fryette, Upledger… han feito estudios y treballos prou importants y intresants. ¿Qué ye a osteopatia?

A osteopatia s’ha prebau d’englobar aintro d’as terapias alternativas y de profesions paramedicas, pero realment bi ha puestos como Estaus Unius an que a osteopatia ye reconoixida igual como a medicina alopatica (medicina convencional), o titol de MD (Doctor en medicina) equivale a o de D.O. (Doctor en Osteopatia), que conleva quatro anyos de estudio. Muitas escuelas d’osteopatia son impartindo formación de 1500 horas ta profesionals (fisioterapeutas) ta conseguir o titol de D.O., que ye reconoixiu en muitos países.

A osteopatia preba de reconoixer o cuerpo como unidat, se preba de fer un enfoque holistico (global), restablindo l’equilibrio por meyo de tecnicas manuals, y facilitando l’autorregulación de l’organismo. Encá que a osteopatia s’ha feito mas famosa por tractar patolochías relacionadas con l’aparato locomotor, ye cierto que no nomás se endreza enta ixa demba, como ya he dito, preba de fer un enfoque holistico, allora promueve la homeostasia de teixius vasculars, nerviosos, viscerals… A osteopatia tracta disfuncions viscerals, musculo-esqueleticas, cranials… “deixando fer” a o cuerpo, porque o cuerpo tien meyos ta equilibrar-se.

Sorprende que nomás con as nuestras mans podamos dentrar en tractamientos d’as partes anteriorment citadas, pero antes más ya tenebanos casos de “medicinas tradicionals”, que por manca de recursos y abances, y por a difusión cultural prebaban de fer tractamientos parellanos (aguardando a distancia, prou que sí).

Podríanos trestallar a osteopatía, dende a traza d’aplicar tecnicas en tres partes: O ESPIELLO

Osteopatia estructural: adedicada a l’emplego de tecnicas en l’aparato musculo-esqueletico, no sin antes haber feito un buen diagnostico, como pueden estar as manipulacions, tecnicas de relaxación miofascial u tecnicas de musculo-enerchía.

Osteopatia visceral: adedicada a restablir o movimiento que se caciega en as visceras (por traccions fascials, adherencias, cicatrices…) y que si contina puet provocar disfuncions y desordens.

Osteopatia cranial y cranio-sacral: Que restableixe o micromovimiento d’as articulacions craneals, por meyo de unas membranas que tapizan os uesos a ran interno.

Alteracions posturals, traumatismos, desequilibrios pueden afectar a nervios, arterias, glandulas que pasan por foraus d’o crapacin, y que pueden estar responsables de migranyas, vertigos, y mesmo trastornos dichestivos y vasculars por a relacion con bells niervols.

Allora cal fer ceprén en que un problema funcional, provocau por a manca de mobilidat, a la larga puet provocar un problema organico, ixo quiere decir que a movilidat ye salut, y que tanimientres bi haiga movilidat, bi habrá salut.

Dende a creyación d’a British School of Osteopathy, han estau muitas a escuelas que en han iu surtindo, y muitos os profesionals que van treballando ta que ista profesion tienga un reconoiximiento, y que se pueda exercer en libertat en a totalidat d’estaus d’Europa. A situación legal de istos profesionals ye diferent en totz os estaus, o que si que ye común en muitos, ye que ta cursar Osteopatía has de estar Fisioterapeuta, en atros os medicos tamien pueden cursar istos estudios.

26

TECNOLOCHÍA

Microchips en os arbols ta prebar que proceden d’una chestión forestal sostenible

En Estaus Unius ye una formación de quatro anyos, por eixemplo, en l’Estau Espanyol, escuelas como a Escuela d’Osteopatia de Madrid, da una formación a fisioterapeutas de cinco anyos, dimpués de rematar a carrera de Fisioterapia, agora grau, fendo mesmo una tesis scientifica ta prener o D.O. Debant de isto tamién cal esferenciar entre os cursos que dan una formación minima en osteopatia y as escuelas seriosas, que por meyo y a traviés d’os estudios d’os suyos integrants proposan un tractamiento y una formación de qualidat. ¿Qué tracta a osteopatia?

Como hemos dito antes, os trastornos de l’aparato musculo-esqueletico, dolors musculars, lesions, disfuncions posturals… son unas d’as primeras causas por as que a chent plega en un/una osteopata. Pero tamién hemos trucau o ficacio en que no’n yeran as unicas: as migranyas, vertigos, trastornos dichestivos y viscerals (como estrenyimiento, disfuncions dichestivas relacionadas con a vesicla), sinusitis, rinitis, problemas de l’articulación temporo-mandibular, hernias de hiato, trastornos menstruals, dolor de coccix, y asinas asinas.

Ye important de determinar l’orichen d’a patolochía, fendo una buena exploración ta fer dimpués un buen tractamiento, por lo que a osteopatia, como atras disciplinas plega an que plega. Bi habrá disfuncions organicas, an que a osteopatia, no sía a ferramienta que caldrá fer servir, y caldrá que o pacient sía revisau por unatro profesional: a visión d’equipo multidisciplinar ye alazetal.

Dabi Anquela

Una sierra electrica bombonía, se creban tallas y un arbol de l’Amazonas s’espalda en tierra. Podría tractar-se d’unatro d’os mils d’arbols tallaus cada anyo en o troz de tierra brasilenyo d’a mayor selva d’o mundo fueras d’un detalle: un microchip chunto a la suya radiz que arrocla datos sobre a suya ubicación, grandaria y quí lo talló.

Nomás ye un chiquet prochecto piloto, pero os suyos liders dicen que lo sistema de microchips tien lo potencial d’estar un gran trango entabant en a batalla por protecher l’Amazonas.

Os chips permiten a los terratenientes que gosan fer servir practicas forestals sostenibles de distinguir a suya fusta de l’adquirida por meyo d’a talla ilegal que cada anyo acotola extensions de selva.

Cada microchip cuenta a historia d’un arbol dende l’inte en que estio tallau anda lo serradero que procesó y vendió a fusta, información clau ta os compradors que quieren saber de dó provinió.

O prochecto ye parte d’una creixient tendencia enta un certificau maderero que dé a os compradors a guarancia que a fusta estió producida sin fer garra mal a la selva.

A esferencia d’a practica ilegal de talla y crema, tallar árbols selectivament puede producir un esquimen fustero sin aturar o desembolique natural d’a selva, y seguntes expertos en sciencias forestals, en bells casos incrementar a cantidat de dióxido de carbono que as selvas retienen.

Os ecolochistas dicen que l’emplego cheneralizau de chips en os arbols aduyaría a eliminar a corrupción que permite que a fusta tallada ilegalment pueda estar “limpiada” a traviés de certificaus falsos, y aduyar a empentar en Brasil o movimiento de practicas forestales sostenibles.

Prochectos semellants en Bolivia y Nicheria fan servir tecnolochía como lectors de codigos de barras o rastreyos satelitals ta aduyar a reducir a talla ilegal y conservar os febles ecosistemas.

Os incheniers forestals meten en cada árbol chips en quadraus de plastico blanco semellant a tarchetas d’identificación ta oficinas.

Iste sistema mesmo ha teniu buen recibo entre os talladors, qui menos se i pensaba; a ixena treballan en a naixedura d’o que gosan clamar “a nueva selva”, empentando sistemas de trazas forestal que no nomás aduyen a acotolar a talla ilegal, sino que antimás controlen o desembolique natural sostenible d’a selva y a d’a suya desaparición.

Imachen d’o microchip.

Carlos Asín

O ESPIELLO

27

LIBROS...

Santiago J. Paricio Fillos d’as luengas Gonierno de Aragón Premio Arnal Cavero 2009 L’autor, Santiago Paricio, gana o premio Arnal Cavero 2009 con ista novela de misterio y d’aventuras que se desembolica en diferents ciudatz d’o mundo como Bruselas, Tokio u Cambridge.

O tema d’a novela chira arredol d’o multilinguismo y nos fa prener consciencia de que bi ha a rienda de luengas diferents en o mundo y de que todas tienen a suya importacia. Antimás de meter enfasi en que ye clau que una persona conoixca mas d’una luenga.

O filo argumental prencipia con l’asasinato d’un lingüista en o congreso más important de multilingüismo, que se fa en Bruselas, a resultas d’ixo os diferents personaches que han estau presentaus

en o prencipio d’a novela preban de resolver o misterio pasando calamidatz y esnavesando o mundo dica arribar en o fundo d’a qüestión.

L’autor sabe conchugar os elementos ta mantener a intriga dica la fin, descubrindo os secretos china-chana, deixando penchau d’a novela a o lector dende o prencipio. Ye una narración trepidant, con un ritmo semellant a lo d’una cinta y en a que fa servir un buen aragonés estandard con una ripa d’exprisions populars que l’adhiben una gran riqueza expresiva.

Silvia Cebolla

dan inflluencia aragonesa, ya sigan de base castellanoaragonesa, castellano-manchega u castellano-murciana, y ben seguro que asó mos acerca encara mes al coneixement d’els molts rasgos que defineixen l’espanyol ragonau a’l País Valenciano castellanofono. No totz ells son uniformes ni son extenets de nort a sur –lamentablement la mayoría d’ells están en regresión u quasi extinguits– pero istos Dimpués de quasi dos ans de la van mes t’allá de las similitutz lexicas en paraulas, chiros celebración d’istas interesants chornadas lingüisticos y fraseolochía que mos recordan solucions d’el vedem editadas las suyas actas a cargo catalán y l’aragonés y, de feto, en i hei d’altros, foneticos d’el profesor Casanova, qui cumpllind y morfosintacticos, no menos importants coma el seseo dan el suyo deseo d’ubrir ista publlicación (sapato, sagal, disen, suro), el manteniment de la diferencia a nuevos treballs, mos ofereixe un entre /b/ bilabial oclusiva y /v/ labiodental fricativa (a conchunto de 24 colaboracions que Chella, Anna y Fanzara dan diferents solucions: árbol, supera la quincena que vam poder escultar reventar, abeja ≠ vaca, bever, cavallo, comprava), y tamé País Valenciano en el suyo día a la universidat literaria de de l’africada sorda /ts/ y la fricativa sorda /s/, així coma Fuent: Wikipèdia-Ejodek la capital valenciana. de l’africada sonora /dz/ y la fricativa sonora /z/ (a Anna y Així, a part d’aquells informes que ya Fanzara, y dan bellas diferencias a Enguera, agón apareixe hem resenyau (vid. Fuellas 195-196 y De Lingua Aragonensi 4) una /s/ andaluza, sorda y sonora, a partir de la evolución de las sobre las parllas de las comarcas churras, la Canal de Navarrés, africadas), l’uso de la palatal fricativa sorda /ix/ (aixada, teixón, el Vinalopó Micho, el Baix Segura, Teruel y la rechión de Murcia, ixe), la /o/ ubierta (a la Canal de Navarrés y Alto Millars: fesòl, y que tractaban dan mes profundidat la d’els llugars de Soneja, fòc, carchòfo, pinyòl), la ubertura en /a/ de /e/ inicial (angrunsar, Xérica (Alto Palancia), Calles, el Villar del Arzobispo (Serranía), asperar, aspacio, antonces), la pronunciación de /l/ velar, la Enguera, Anna (Canal de Navarrés) y Villena (Alto Vinalopó), conservación de /f/, /fl/ y /pl/ inicials (faba, figa, frisuelo, fita, el lector en puede trobar d’altros coma “Caracterización de las farta, flama, plegar, plano), las fortas aspiracions de /s/ implosiva hablas castellano-murcianas de la Vega Baja desde la conciencia (Baix Segura, Vinalopó Micho y Alto Vinalopó), la entonación metalingüistica de sus hablantes. Los jóvenes oriolanos ante su valenciana, aragonesa, murciana u manchega, els pronoms con mi, variedad” de Mercedes Abad Merino (Universidad de Murcia), con tu y a tu, els diminutius -ico/-ica y -et(e)/-eta (ben cheneralizats “Catàleg de l’exposició bibliogràfica de la I Jornada de Parlars en quasi tot lo territori: casica, pastorcico, dispiertica, dient, royet, Valencians de Base Castellano-aragonesa” de Roberto J. Beltrán chiqueta, goguete, Piné, Corderé, Pascualete), la perdua de la /d/ Cortés, “El lèxic meridional de Gabriel Miró: valencianismes intervocalica (caena, cazaor, mauro, ná, mudau, recau) y de la o murcianismes?” d’Emili Casanova (Universitat de València /r/ de l’infinitiu seguida de pronom (adverti-te, dá-telos, alegrá– Acadèmia Valenciana de la Llengua), “Influencia catalana y no-la), la palatalización de /l/ inicial (llebre, llanda, lladre, llus), aragonesa en el habla de Villena” de José Fernando Domene Verdú, l’indefiniu perifrastico (a la Canal de Navarrés y Alto Millars: el “El reboste lingüístic de La marea del tiempo” d’Antoni Garcia i va ir, se’n va vení con mi), l’imperfecto en -eba/ -iba, el pronom Osuna, “Historia de una pérdida: el interés por el estudio de las adverbial ende, hasta dan acento secundari (a la Canal de Navarrés hablas castellanohablantes de la Comunidad Valenciana” de Rosa y Alto Millars: toma’ndé, me’n voy, no quiere irsendé, no end’hay), Gómez Casañ, “El castellà de l’Horta d’Oriola. Les interferències els sufixos -aire y -aje (noviaje, oraje, solaje, yesaire), y molts altros lèxiques” de Joan-Lluís Monjo i Mascaró y Vicent-Josep Pérez i que manifiestan una gran diversidat y riqueza, y que cal seguir Navarro, “Actitudes y conciencia lingüistica de Fanzara” de Sophie aprofundind en el coneixement de totas las parllas dialectals ta Ortells (Université de la Sorbonne-Nouvelle Paris III) y “El habla caracterizar dan precisión el castellano-aragonés de Valencia, que de Zucaina” de María Dolores Salvador Lizondo. a día de hue sigue mancand d’una panoramica integral.

Dan istas nuevas aportacions sociolingüisticas, lexicolochicas y Lluís-Xavier Flores i Abat biblliograficas tenim una visión mes global de las parllas valencianas Edició a cura d’Emili Casanova Els altres parlars valencians.

I Jornada de parlars valencians de base castellano-aragonesa Denes Editorial, Valencia, 2010

O ESPIELLO

28

y

DISCOS ENVY Recitation

AA.VV. O despertar de l’onso Quan nos trobamos con un eixemplar d’iste libro editau por Ara Cultural entre as mans, no nomas veyemos un libro, sino un prochecto empentau con muita rasmia y ilusión por diez chovens naixius en os anyos uitanta.

Istos chovens a traviés de tretze relatos curtos fan a metafora d’o despertar de l’onso con a que fan veyer que l’aragonés, que fa anyos que se creyeba que se yera amortando, gracias a la chent choven que mira d’aprender-lo, amostrar-lo y fer-lo servir, ye reviscolando.

Iste libro ye trestallau en tres seccions: Muerte, que representa a epoca más fosca d’a luenga aragonesa en a que se creyeba que yera muerta de tot. Silencio, por o tiempo en o que no se charraba de l’aragonés, como si no existise. Y ta rematar o Despertar, de l’aragonés y de l’onso, que ye o tiempo que somos vivindo agora gracias a toda la chent que ha aduyau a que ista luenga contine viva y no pas dormida.

Antimás d’istos diez autors d’os polius y sentimentals relatos que s’achuntan arredol d’a ideya de l’onso, Roberto Cortes ha feito un poema que representa ista metafora. Tamién cal destacar que Mª Pilar Benitez ha colaborau fendo o prologo y Alberto Gasquet en ha feito a introducción. Alavez cal decir que somos debant d’un libro que no puet faltar en as mans de totz aquels que han viviu u son vivindo o despertar d’ista luenga.

Envy ye una influyent colla chaponesa, responsable d’o postmetal más poliu que s’ha creyau nunca. Partindo de relaxants intes lentos, fendo un cudiau mezclallo entre sonius ambientals y parolas fabladas, son capables de plegar a atabalar os nuestros oius con un alacet ritmico prou potent, tot adhibindo-ie sobrebuenas melodías. Ye en ixas envueltas quan se fa veyer l’orichen d’ista colla, hardcore en a suya más pura esencia, que han sabiu combinar con o post rock más majizo d’os más viellos en a materia, se veiga Mogwai, Explosions In The Sky u os memos Mono.

O zaguer present que nos deixan istos chaponeses ye a lo menos l’arte en a suya maxima exprisión. As melodías de guitarra se posan sobre un firme alazet ritmico, que no ha cacegau o suyo orichen hardcore, y se chitan sobre o leito que les fa la electrónica, metendo sintetizadors y delays, obra d’o vocalista Tetsuya Fukagawa, qui se’n encarga tamién d’os más esberrecadors chilos que se podrían ficar en un álbum d’ista mena.

L’album prencipia con mormosteos, acompayaus d’un suau organo, fendo tranya dica arribar en os arpechios de Last hours of eternity, que ya nos fan entrefilar que no somos debant d’un disco convencional.

Y asinas ye, sin deixar rematar a canta, Envy a tot estrus mete toda a suya potencia sobre os nuestros oius, y nos para ta o siguient: más d’una hora de melodías amagadas entre un baixo y batería enxordidors.

Os millors intes los trobamos probablement en Worn heels and the hands we hold, a fuga d’o album, an que Envy nos fa regalar-nos con o que millor saben fer.

Recitación ye, sin garra dubda, a suya millor composición, y nomás le fa uembra A dead sinking story, que marcó un antes y un dimpués en o soniu d’a colla, en l’anyada 2003.

En Envy s’achuntan a polideza y a foscor, a tranquilidat y o desespero, os suenios y a rabia. Ista mena de mosica talment no siga ta totz os publicos, pero ta la chent que le fa goyo, iste album ye indispensable, ye a banda sonora d’as nuestras vidas.

Envy son Tetsuya Fukagawa (voz/sintetizador/secuenciador), Nobukata Kawai (guitarra), Masahiro Tobita (guitarra), Manabu Nakagawa (baixo) y Dairoku Seki (batería). http://www.sonzairecords.com/envy.html http://www.myspace.com/officialenvy http://www.last.fm/music/Envy Lorenza

Silvia Cebolla

O ESPIELLO

29

De chicorrons Yolanda Campo

—Yayooooooo!!!!! Chuga con yo!! Por fa!!!

Chuga con yo!!!

Yayoooo!!! Que no me i sientes u qué?

—Claro que te i siento!!! Hasta en Murillo deben de sentir-te!!!

—Ye que m’aburro!!

—Llástima de fayena que tenises que fer!!!

Yo solo podeba chugar quan iba ta la escuela. La corcillada eba el patio de recreo y cuan no eba preciso aduyar a dar la pastura a els tocinos, chugaban y brincaban como cabretetas. U tamé pescaban a un basón amagau con buixos, pa que els de Murillo no el veyesen y mos quitasen las truchas.

Ay… buena pedrada le va foter a uno que se va atrevir a decir-me —Navarri perdeu!!!— y amás m’heba robau un morral plleno de cirezas!

—Yayo, tirabas pedradas a els zagals de Murillo??

—Prou que sí! Nusotros mos posaban ta este lau de’l río y de l’otro estaban los abarcudos ixos. Buenas pedradas mos foteban!!! Ha! Y bell rapicocheta tamé va recibir bel pedrada!! Ha, ha, ha!!! Eban poquetz, pero no mos deixaban acuquinar!

—Animal!!!

—Pos qué te pensas?? Que a yo no me va tocar??? Veis isto???

Ye una cicatriz d’una pedrada; menuda sangrera me va sallir!! A totz mos van marcar porque se van O ESPIELLO

30

acercar cotero-cotero y no mos va dar tiempo d’acochar-mos. Que mal recordo tiengo d’ixe dia! Bueno, y a qué quiers chugar, cardelineta??

—No’l sé. A la Play??

—Play?? Qué ye ixo??

—A las maquinetas istas.

—Bueno sí!! Au, au!!! Quan yo eba zagal, mos pasaban buenos ratetz chugand a la pilota, al cu-cut, a las tabas, al pot, a’ls cartonetz… Agora no’n sabetz de chuegos. Amás-amás, els zagalons no chugaban con las zagalonas: n’i habeba chuegos pa ninons y chuegos pa ninonas.

—Qué?? y ixo porqué eba? Pos yo habría chugau con totz, y tamé n’habría tirau de pedradas!

—Jajaja!!! Ya conto que sí, cardelina, ya conto que sí.

AS TUYAS FOTOGRAFÍAS PUEDEN ESTAR A VENIENT PORTALADA DE

O Espiello t’ofreix a oportunidat de publicar as tuyas fotografías como portalada d’a revista.

Qualsiquier tema relacionau con Aragón u con l’aragonés puede estar a imachen trigada. A mas trucadiza anvista d’o país, a vida cutiana d’a suya chent u o detalle mas chiquet, reflectaus a traviés d’os tuyos uellos y d’a tuya camara fotografica fan honra ta ubrir O Espiello.

Nomás has de ninviar-nos a fotografía, con pro de resolución (de 150 a 300 ppp u grandaria parellana) enta o nuestro correu: asoziazion@nogarareligada.org, con o titol: fotoo portalada Espiello, y o consello de redacción d’a publicación la recullirá con goyo ta venients numers.

Conduce-te agora a O ESPIELLO y colabora en a espardidura de l’aragonés 8 euros / 4 numers Nombre y apellius _______ NIF _______ Adreza _______ Población _______ Trestallo Postal _______ Tlf. _______ Domiciliación bancaria _______ Sinyadura

Ninvía ista conduta ta l’Asociación Cultural Nogará, trestallo postal 4.141- 50.080 Zaragoza, u a traviés d’o correu electronico: asoziazion@nogara-religada.org Os datos recullius en ista conduta son confidencials. Tiens dreito a demandar que te sían consultaus, actualizaus u anulaus.

O ESPIELLO

31

TABIERNA, CREPERIA, SUCOS DE FRUITAS C/ Mayor, 53 - 50.001 Zaragoza http://aflamatabierna.blogspot.com Tlf. 976 391 008

DISENYO GRAFICO, IMPRESIÓN, WEB PROCHECTOS CULTURALS C/ Serrablo, 80 - 22600 Samianigo www.aracultural.com - Tlf. 974 480 685

TRADUCCIONS, VESITAS TURISTICAS EN ARAGONÉS Y CATALÁN www.troballa.com Tlf. 616 909 368