O Espiello. Numero 05

Alea jacta est.

1,25 euros Añada 2 - Numero 5 - Primabera 2003

Rebista d’autualidat de raso en aragonés

Mientres os EEChCh nos preban de conbenzer de que ye plegau a fin d’a guerra, o conflicto contina produzindo más muertes.

En istes 25 años d'autonomía aragonesa muito s'ha charrau d'una posible telebisión aragonesa, pero poco se'n ha feito.

En zagueras os tunels y pasos fronterizos con Franzia han estau uno d’os temas de debate en l’ambista aragonesa.

EDITA:

Asoziazión Cultural Nogará

en iste numero

CONSELLO DE REDAZIÓN: Chusé Ramón Barrios, Roberto Cortés, Serchio Mur, Rubén Ramos, Fernando Sánchez, Chabier Gimeno, Guillén Tomás.

MAQUETAZIÓN: Chusé Bolea

COLABORADORS: Chusé Bolea, Rubén Ramos, Francho Beltrán, Roberto Cortés, Serchio Mur, Fernando Romanos, Chesús Casaos, Chabi Gimeno, Chusé Ramón Barrios.

CORREU ELEUTRONICO: asoziazion@nogara-religada.org

4

Breus d’a Luenga. Notizias breus sobre a nuestra luenga.

6

Notizias d’Aragón. Chiquetas reseñas de temas d’autualidat

en Aragón.

8 Bellas enchaquias ta refusar a esferra. Chusé Bolea adibe bels argumentos ta refusar l’autual fuga melitarista.

10

A tele que no esiste. Reportache sobre a situazión y l’esdebenidero d’a telebisión en Aragón por Rubén Ramos.

13

De trescols, riadas y atras cosetas . D’a man de Francho Beltrán afundamos en cual cal d’estar l’equilibrio ecolochico de l’Ebro.

15

Cretica literaria. Ista ye una d’as nuebas sezións d’a nuestra rebista. Por Roberto Cortés.

16

Quiesta Nieus. En iste numero a creyazión literaria plega

17

A Fonguera. Fernando Romanos enzeta ista pachina sobre

con Serchio Mur.

gramatica aragonesa.

PACHINA WEB: www.nogara- religada.org

18

CONDUZIÓN Y PUBLIZIDAT : Trestallo postal 4141 50.080 Zaragoza

20

DEPOSITO LEGAL: Z-1083-2002 ISSN1579-9409 SE BENDE EN: Escuela d’Aragonés (Nogará), Ligallo de Fablans de l’Aragonés, Consello d’a Fabla Aragonesa, Bar Kalú (Fonz), Asoc. Cult. Dispierta Fierro (Zgz), Bar Entalto (Zgz).

DISTRIBUZIÓN: Muñoz Climent s.a.

A entrebista de l’Espiello. Chesús Casaos, uno d’os pioners en a ricuperazión d’a nuestra luenga, ye entrebistau por Chabi Gimeno.

Cretica mosical. Engueramos ista sezión mosical con dos discos de estilos bien diferens.

21 A chugar, a leyer!. Chabi Gimeno mena ista nueba pachina adedicada ta os fabladors más chicoz.

22

Trasporte en as güegas. Chusé Ramón Barrios trata a problematica d’a comunicazión en as mugas d’o norte d’o país.

O Branquil / Correu d’o leutor

O Branquil Cabo d'año de l'autonomía Istos diyas Aragón ye de fiesta. Se cumple o 25eno cabo d'año d'a primera gran manifestazión autonomista (o 23 d'abril de 1978) y 20eno d'as primeras eslezions autonomicas (mayo de 1983). Sin duda son calendatas prou importans en a istoria nuestra, que han dezidiu, en parte, buena cosa d'o camín que emos recorriu.

A tamas que o grau d'autonomía que ha gozau Aragón nunca ye estau prou t'a gran parte d'a soziedat, s'ha contrimostrau que ísta ye estada una ferramienta, con que s'han puesto dar muitos trangos entadebán. Y ixe ye un dato ochetibo que puede comprebar cualsiquier persona que besite Aragón. A lo menos l'autonomía mos ha dau autoestima y mos ha aduyau a conoxer-nos millor. Ixo no quiere dezir que siga tot feito y que ya podemos dixar pasar todas as

CORREU D’O LEUTOR O HERALDO "RAGENÓ" D´O PATUÉS O zaguer 23 de febrero d´iste año podiemos leyer un articlo en o Heraldo d´Aragón sobre o patués, o benasqués. En él escribiban conoxius defensors d´a polida fabla d´esta bal, como, per exemplo, Carmen Castán, Mª José Subirá u José Nuño, que rezentaban a suya opinión sobre a custión. Cal destacar que un diario como o Heraldo, no caracterizau por tener guaire simpatía por as luengas minoritarias d´a Comunidat –lo menos como linea cheneral- aiga feito un articlo sobre un d´os prinzipals dialectos de l´aragonés, como ye o patués.

Pero tamién cal dezir que astí amanixeban afirmazions que cal discutir, y que se deben (imos a pensar...) a bella entibocazión d´o periodista. A primer error, y a más grau, o berbo "ragenar", que no esiste, pos ye "ragonar", y que ta más inri aparexeba en gran en o titol. Y dimpués se fan una serie d´afirmazions lingüisticas que, sin duda, sorprenden. Per exemplo, l´afirmazión de que o benasqués ye más amanau a l´oczitano que no a aragonés y catalán, chunto con una critica fura a o Consello d´a Fabla Aragonesa (que bels entrebistaus son parte d´el). Diz que en reyalidat tals palabras no se ban dezir en a reyalidat, y que tot estió fruito d´una mala comprensión. Caldría demandar a o Heraldo d´Aragón, antimás d´un refirme a las luenga minoritarias (con as cuals tamién se pueden comunicar notizias), una mayor berazidat y ochetibidat en os suyos articlos.

Alberto Alcaine

oportunidaz que pasen per debán d'os nuestros güellos.

Encara en queda muito de camín, y emos d'apencar muito en asabelas de cosas. Nomás cal leyer bel periodico d'os años setanta ta parar cuenta que seguimos charrando güe, en o sieglo XXI, de lo mesmo que se'n parlaba de más antes: augua, Canfrán, futuro d'as redoladas, infrastruturas, grau d'autonomía, reconoximiento d'as luengas... Isto nos abría de fer reflesionar, a ziudadans y politicos, ta mirar de caminar entadebán y no quedar-nos fendo cullebretas a metat camín.

Asperemos que d'aquí á trenta años no aigamos de referir-nos atra begada a os mesmos temas de siempre, perque s'aigan superau, y que podamos reflesionar en a nuestra luenga, ya ofizial. Per pedir que no siga.

Egunkaria clausurau En istos tres meses d'interbalo dende a zaguer edizión de l'Espiello, emos puesto bibir un acayezimiento que a lo menos fa pensar. L'unico diario de raso en basco, Egunkaria, fue trancau por orden chudizial, dau que s'imputaba a bels treballadors d'as suya plantiella, entre ellos o menador, de colaborazión con banda armada, ye dezir con ETA. Talmén no se beiga por qué tratamos este tema aquí, en una rebista en aragonés y que publica una asoziazión apolitica. A berdat, ye muito simple, queremos que se pare cuenta y que no se mezclen cuestions lingüisticas u culturals con afers politicos.

Ye platero que ye menister luitar y treballar por l'acotolamiento d'o terrorismo y os asasinatos y que se puede fer de muitas trazas. No pretendemos dende esta redazión zensurar l'autuazión d'o chuche pero sí trucar por una reflexión sobre o feito. ¿Se podría aber imputau a os presuntos colaboradors sin aber de zarrar o periodico? ¿Se podría aber respetau o puesto de treballo de bellas dezenas de periodistas y guarenziar a exprisión en luenga basca? (Remeremos que por afers economicos no s'han zarrau bancos u clubs de fútbol como Banesto u l'Atlético de Madrid, y s'imputó a los menadors).

Muitas son estadas as bozes criticas, muitas sin sospeitosas ideolochías. Nusatros, querendo alfonsar en a nuestra apolitizidat, nomás deseyamos que dende toz os estamentos y poders, lechislatibo, executibo y chudizial, no se trafuquen as cuestions d'ambito esclusibamén politico u de seguridat con as cuestions culturals y lingüisticas.

A nusatros nos pertoca defender a libertat d'esprisión en as luengas minorizadas y esperamos que l'afaño por a seguridat no plegue en una amputazión d'a libertat aquí u en cualsequier atro puesto, agora u entadebán.

NOTA D´O CONSELLO DE REDAZIÓN Queremos demandar sincusas por una error amanexida en o numero 4 d´ista rebista: a colaborazión literaria "O mono blanco", a la fin d´a rebista, no ye una obra anonima: o suyo autor ye Chusé Aragüés.

O Espiello no comparte, nezesariamén, as opinions que amanixen en os articlos que ban firmaus. Nomás nos responsabilizamos d’os articlos que son sin firmar.

O Espiello

numero 5

primabera 2003

3

Breus d’a luenga

BREUS D’A LUENGA 10enas Chornadas de as Luengas d'Aragón Entre o 31 de Marzo y o 5 d'Abril se zilebró unatro año as Chornadas d'as Luengas d'Aragón que Nogará organiza en a Biblioteca d'Aragón y en a siede suya.

O Lunes contemos con a presenzia de Mario Sasot ta fablar sobre a istoria y reconstruzión d'o catalán d'Aragón.

Una buena esperenzia y una enchaquia ta sentir o catalán que se parla en a Francha.

O Chuebes 3 ,d'ixa mesma semana, podiemos asistir a una mesa redonda sobre l'aragonés istorico, más que más ta chen entendida; an que i podiemos beyer una ripa de exemplos d'aragonés en testos meyebals con os comentarios de Dabi Lahiguera, Chorche Díaz y Juanjo Segura.

Y ta rematar as charradas en a Biblioteca d'Aragón presenziemos una d'as millors esplicazions d'a protistoria de l'aragonés autual. A cargo de dos d'as personas mas representatibas d'ista luenga: Anchel Conte y Fernando Romanos. A cambra polibalente se quedó chicota ta cullir a la chen que sintión sin tartir una conferenzia irrepetible.

Por ultimo podiemos beyer a zinta de A Chaminera con os comentarios d'o suyo autor Carlos Baselga. Antiparte d'a zinta nos contó o treballo de recuperazión de l'arquiteutura popular en o Sobrarbe con as suyas esperenzias.

L'aragonés de l'Alto Galligo en un nuevo libro Con enchaquia d'os prozesos de comarcalizazión, y drento d'a colezión "Territorio" d'o Gubierno d'Aragón, se plega de publicar o bolumen correspondién á L'Alto Galligo.

Astí amanixe un capetulo entero adedicato á l'aragonés en ista redolada, firmato por Francho Nagore.

Se i fa una esaustiba descrizión filolochica d'a luenga, d'a suya situazión sozial, d'a suya literatura, d'o suyo futuro...

Tamién reculle una replega de testos literarios y populars.

Asperamos que se faiga lo mesmo en prosimos bolumens de comarcas no monolingües.

Más cosetas d'a DPZ y l'aragonés A DPZ, con a colaborazión d'o documentalista Eugenio Monesma y o treballo de campo de Fernando Romanos, han publicato un bideo sobre El aragonés en la Provincia de Zaragoza. Reyalizato prenzipalmén entre as mugas de l'este d'as Zinco Billas y o Galligo do encara se charra aragonés. O bideo reculle de forma didautica toz os caráuters lingüisticos que definen l'aragonés.

Por atra parti, tamién s'ha plublicato por a DPZ o libro Zaragoza de la A a la Z feito por escritors aragoneses.

Astí se puede trobar un rilato en aragonés tetulato Renaximiento y escrito por Chusé Raul Usón.

José Bada dixit O que estió consellero de cultura con o gubierno sozialista de Santiago Marraco, José Bada, nos sorprende con unas declarazions en Temps de Franja que, sinzeramén, ya sonan a mofla. O siñor Bada se refiere a las dificultaz que ha teniu o presidén d'Aragón, Marcelino Iglesias, ta aprebar en esta lechislatura que remata una lei de luengas gubernando con un partiu, o PAR, que "no té gens clar el tema de normalització lingüística" y que teneba, amás, que abastar dos

4

Dabi Lahiguera en una d’as charradas d’as zagueras luengas en una chornadas organizadas por Nogará. situazión tan diferén como son o catalán y l'aragonés, y remata dizindo que "l'aragonés ha estat emprat molt sovint per la dreta y el Par com a un pal a la roda del carro de la normalització del català". Ye dizir que o ecs-consellero acumula a l'aragonés que o catalán no siga encara ofizial. ¡No se podeba beyer a reyalidat más de rebés! Ya ye prou de demagochias. O problema que bi ha ye chusto o contrario: o feito que en Aragón se charre a luenga d'a comunidat bezina y que ixa luenga se diga catalán le fa salir sarpullido a muitos y ye por ixo, más que más, que s'atura a lei de luengas.

Entremistanto, l'aragonés retacula. Ye curioso, antimás, que o siñor Bada se refiera a l'aragonés como una "llengua en clara recessió i en perill d'extinció que necesita abans de tot mesures de protecció, salvament i restauració" y que fa bente años, él que podeba, no enzetase a fayena, fendo solo que publicar bel libro en aragonés, marguinando-lo de l'amostranza, cosa que no ocurrió con o catalán d'Aragón.

Dito isto, cal remerar que dende o Espiello esfendemos a ofizialidat de todas dos luengas, prou que sí.

Diccionari de les llengües d'Europa Ixe ye o títol d'un libro que nos fabla sin complexos de todas as luengas d'Europa. L'autor ye Ignasi Badia i Capdevila y lo publica dintro d'una colezión de dizionarios que pertenex a la Gran Enciclopedia Catalana.

Ye un libro muito bien documentau que nos amana a la graniza riqueza lingüistica d'o nuestro continén y dizindo as cosas claras, amostrando una espezial sensibilidat por as luengas minoritarias (por exemplo no duda en acusar de lingüizida a politica que prautican bels paises). Manimenos, o cabo que más nos interesa ye o que charra de l'aragonés an que podemos beyer que conox muito bien a reyalidat d'a nuestra luenga y o trato que le da no ye atro que o que se merex, amplo y correuto, fa goyo de leyer-lo y beluns abrían de prener nota. Nos fa contentos beyer que a mayoría d'a comunidat lingüistica internazional reconox a l'aragonés a categoría de luenga y ya ye lastima que, terne, os piors enemigos de cualsiquier mena de normatibizazión nos los trobemos en casa.

O Espiello

numero 5

primabera 2003

Breus d’a Luenga

breus d’a luenga Nueba gramatica aragonesa Con un poquet de retraso tos informamos d'a publicazión dintro de internet d'una descripzión gramatical sincrónica de l'aragonés que a toz es que nos miramos de charrar esta luenga romanica abría d'interesar-nos. La podez trobar en a portalada, que ya ye de referenzia ta l'aragonés, charrando.com en dintro d'o cabo d'informazión cheneral de l'aragonés. L'autor ye Chuan Chusé Segura, un d'os millors lingüistas que tenemos.

Ye un treballo breu pero sobrebueno y, antimás, nobedoso por dos razons más que más: la una porque fa serbir una terminolochía moderna y la otra porque ye a unica gramatica, encara que breu, que bi ha en aragonés fueras d'a de Francho Nagore. Como dizimos, ye un treballo breu, pero tan denso y aprobeitable tot lo que i diz que malamén se puede dizir más en tan pocas pachinas. Resumindo podemos dizir que fa un repaso a las prinzipals carauteristicas morfolochicas d'a luenga (sin as fantesías que tanto les cuaca a belúns), tamién escribe bellas notas d'o lesico y nos aduya a conoxer una miqueta a parti más olbidada en o estardar que ye a sintasis.

Recomendamos, y nos auto-recomendamos, ya no a leutura sino o estudio d'esta descripzión que permita que, poquet a poquet, esta bariedat d'aragonés que charramos y escribimos, esta protokoiné que nomás femos serbir os neofabladors, s'esferenzie o menos posible d'a luenga biba que encara malbibe en bellas bals. De seguras que asinas se pribará de trobar, ¡encara!, muitas errors bien graus -por más que ya empleguen "e" e "més"- en escritors prestichiosos y que o suyo aragonés se considera modelico.

En zaguerías no nos queda que animar a l'autor a que contine en esta endrezera ta que podamos beyer, millor luego que no tarde, una gramatica descriptiba lo más ampla posible.

Premio Pedro Saputo Con a enchaquia d´o día d´o libro y -en Aragón- de San Chorche, se ba fer entrega d´os III Premios Pedro Saputo, que instituzions y librers aragoneses otorgan a la millor obra publicada en a Comunidat en l´anterior año. O premio a la millor obra en castellano fue ta "Zeta", de Manuel Vilas, y en catalán ta "A la ciutat en obres", de Mercè Ibarz . Pero sobre tot queremos siñalar a obra en lengua aragonesa que ha lograu o premio: "E zaga o mar, o desierto", d´Anchel Conte. Con él, no se premia soque o magnifico poemario, ta muitos obra clau d´a poesía en aragonés moderno, sino tamién a bueniza edizión que se´n fazió.

d'espresión ta qui parla l'aragonés, siga en a bariedá que siga", como els mesmos dizen en o numero zero que ya ye en as nuestras mans.

Queremos, en zagueras, dar a norabuena a Fablans y deseyar que a iniziatiba tienga continidat.

Reedizión de clasicos A editorial Gara d'Edizions de conchunta con a Institución Fernando el Católico plegan d'editar en a colezion Documenta os facsímils de dos libros que son fundamentals ta la istoriografía d'a luenga nuestra.

La uno ye o libro de Domingo Miral "Qui bien fa nunca lo pierde y Tomando la fresca" comedia y sainete escritos en cheso y publicaus en Chaca en 1903. Ye más interesán dende o punto de bista lingüistico que no dende o literario ya que representa un aragonés de prenzipios de sieglo que, fuera bel castellanismo, ye rico en a suya fraseolochía y correuto en a sintasis. Bos lo recomendamos.

La otro ye o "Nuevo diccionario etimólogico Aragonés" de José Pardo Asso, y, encara que son bozes que replega mosén Andolz en o suyo amplizo dizionario, ista edizión fa que podamos conoxer iste treballo de primera man.

Norabuena a Gara d'Edizions por esta iniziatiba que nos permite azeder a materials que son de tan mal trobar.

La fuen de la siñora O Consello d´a Fabla Aragonesa gosa aber publicau un libro en aragonés chistabín de Nieus Luzía Dueso Lascorz: La fuen de la Siñora. S´ha de remerar que l´autora ye, de seguro, a escritora más conoixida d´o chistabín, y que d´ella son obras como: Al Canto´l Zinqueta u Leyendas de l´Alto Aragón, que güe son importans referenzias d´a chiqueta literatura de l´aragonés.

Agora ha feito un libro d´amors y costumbres, inspiraus en a suya bal, que a suya lectura con rasmia tos consellamos.

O Rayón reaparex Fa ya cualque tiempo que o Ligallo de Fablans de l'Aragonés no contaba con garra publicazión periodica, asinas que, dimpués de bels dandalos de si publicar Orache de nuebas u no, a la fin s'ha dezidiu por tornar a publicar O Rayón.

O Rayón se publicaba en a suya primer epoca como suplemento bimensual en o semanario Siete de Aragón, manimenos, agora amanixerá de traza independién con una periodizidat tamién bimensual.

Acullimos con goyo esta nueba publicazión periodica que se mira de que "sirba ta que entre toz mos demos a conoxer as cosetas que más mos percuten u mos interesan por cualsiquier razón en a nuestra redolada, prebando de fer serbir un meyo

O Espiello

numero 5

primabera 2003

5

Notizias d’Aragón

NOTIZIAS D’ARAGÓN Istoria de l'autonomía d'Aragón As esposizions que tienen Aragón como ocheto d´a muestra son de moda, y preba d´ixo ye que malas que ha rematau, con firme esito, a muestra "Territorium", sobre o prozeso de comarcalizazión, se´n ha enguerada una atra: "Historia de la Autonomía de Aragón", en o Paraninfo d´a Unibersidat de Zaragoza. Astí se esplanica la istoria d´a luita por l´autogubierno aragonés: d´o sieglo XIX y os primers federalistas, enta acá. Antimás, a muestra coinzide con o benteno zinqueno cabo d´año d´a constituzión d´a primer autonomía, en aquel mes d´abril de 1978.

Os organizadors son pensando de creyar bel espazio espositibo cara enta fer d´ista esposizión temporal una muestra fixa, un autentico museu de l´autogubierno d´Aragón.

Carnabals en Sobrarbe Entre os meses de Febrero y Marzo se zilebró en o Sobrarbe a tradizional puenda d'os carnabals. Como toz os años os diferens lugars an que encara se conserban os carnabals tradizionals se turnón os cabos de semana.

Prenzipió o 8 y 9 de Febrero en Chistén, continando con San Chuan de Plan, Plan, Bielsa, Torla, ta rematar o día 8 de Marzo en Nerín y A Fueba. En toz istos lugars se dión zita arrienda chen y mesmo i acompañó un buen orache.

Manimenos a gran zita d'os carnabals contina estando Bielsa que con as suyas Trangas, Onsos, Madamas, Caballez.... plena a caramuello toz os años as suyas plazas y carreras.

Monesterio de Rueda Dimpués d´añadas d´obras, a restaurazión d´o Monesterio de Rueda, en o marguin de l´Ebro, ye amanada a rematar-se. O biello monesterio zisterziense construyiu dende o sieglo XII ent´acá, yera esboldregando-se dimpués de muitos años d´abandono, y agora s´ha esbiellau de tot.

S´ha aprobeitau un d´os edifizios ta fer un espital d´o rete aragonés, cara ta aprobeitar a fuen de turismo que l´Ebro puede estar.

Año de nieus...

Encá que no sabemos si a biella mazada castellana ferá onra a la reyalidat (l´año no paix endrezau a fer-ne), ye claro que emos teniu un año de nieu, muita nieu, más que más dende o Nadal enta debán. Mesmo en tierra plana s´ha

As carreras d’os lugars d’A Fueba s’implión de disbrazes y de colors.

L'Aínsa bien d'intrés cultural O Gubierno d'Aragón plega de declarar bien d'intrés cultural a o Casco Istorico de L'Aínsa.

O suyo conchunto meyebal ha estau apreziau por o suyo estau de conserbazión. L'organo autonomico que se encarga de trigar os biens aprezió o suyo cudiau prozeso de esbielladura en as zonas más afeutadas y en edifizios istoricos como lo castiello.

O peirot tornó á Nerín como toz os carnabals.

bisto bel nebasco como los d´antes más. Os lurtes y l´altaria d´a nieu han causau problemas en todas as areas montañosas.

Qui s´ha feito firme contento por iste orache, son as estazions d´esquí, y tamién os chelegars pirinencos, que han rezibiu arrienda munizión ta la perdida baralla suya por a suya sobrebibenzia.

6

Esaltazión d'o Tambor y Bombo en Alcañiz Como inagurazión d'os autos d'a Semana Santa en o Baxo Aragón se zilebrón as "XVIII Jornadas nacionales de exaltación del tambor y del bombo" os diyas 28,29 y 30 de Marzo en Alcañiz. Allí se dión zita tamborilers d'atras partes de l'Estau español. Estiaño contón con collas d’Andaluzía, Castilla-La Mancha, Balenzia y Murzia que fuón desfilando por o gran tablau con forma de tambor que bi eba istalau en a Plaza España, antiparte de prozesions, un mercau tradizional y toda mena d’autos istituzionals. Y ye que como diziba o suyo alcalde, Alcañiz y o Baxo Aragón continan estando l'alma d'os lugars an que se tañe o tambor y o bombo.

L'Espiello en Boltaña Con un nombre tan poliu como lo d'a nuestra rebista

O Espiello

numero 5

primabera 2003

Notizias d’Aragón

NOTIZIAS D’ARAGÓN

O Baxo Aragón y o Baxo Martín son dos d’as comarcas an que os tambors protagonizan a Semana Santa.

y organizau por a Mancomunidad de Sobrarbe se presentó en Boltaña a primer Muestra de Documental Etnográfico.

D´o 11 a o 13 d'Abril se desembolicón una ripa de chornadas con as que se posón os alazez ta otras añadas, con a intinzión que contine abendo-ne más. A muestra se trestalló en tres apartaus: 'Pirineo','Panorama: otras culturas' y 'Muestra'. Ta estiaño se contó con barias autibidaz: un taller de documental, a esposizión: 'Los Corsés: un pueblo de la taiga siberiana' de Carmen Arnau, proyeuzión de diapositibas de Ramón Azón sobre as fayenas d'a elaborazión d'o pan y como representazión d'a nuestra luenga a proyeuzión d'a zinta 'A Chaminera' de Carlos Baselga.

d'Ecolochía de Franzia han tornau con os suyos plans ta la recuperazión de l'onso en a bertién sur y norte. Si bien en Franzia s'apuesta por reintroduzir nuebos exemplars, en Aragón no se piensa lo mesmo. O plan que se planteyó en 1997 ya s'aturó, en parti, por a oposizión d'os ganaders d'as bals d'Echo y Ansó.

En a besante franzesa pasó lo mesmo en 1998 pero paix estar que as cosas i son cambiando, y en as zaguers encuestas o 58% d'a poblazión afeutada se muestra a fabor.

Y ye que solo quedan que cuatro exemplars d'onso autoctono en o Pirineu. As midas que o Gubierno franzés leba ideya de istaurar pasan por: subenzions ta contratazión de pastors, telefonos mobils de gran potenzia, incorporazión de Mostins asinas como o pago por daños.

Todas istas esperenzias en o costau franzés serán estudiadas por l'alministrazión aragonesa.

Dinópolis enguera dos subsiedes O proyecto d´o parque churasico de Teruel, Dinópolis, ha enguerau as primeras subsiedes, que quieren espardir enta toda la probinzia l´empentón t´o turismo que ha dau a siede en a capital. En a siede de Peñarroya de Tastabins se pueden beyer os repuis d´o "tastabinsaurio", astí trobau, de conchunta con una reproduczión de l´osifario, a grandaria reyal. En a comarca d´o Matarraña tienen l´asperanza de empentar con isto lo suyo turismo, asinas como tamién en Galbe, en a Comunidat de Teruel, localidat ya conoxida por os suyos chazimientos de icnitas y uesos fósils.

Tiempo de urnas Como toz sabemos o 25 de Mayo zelebramos elezions Munizipals, Autonomicas y Europeyas. Estiaño se presentan mui apretadas y sobre tot sin garra partiu politico que se beiga con posibilidaz de alcanzar una ampla mayoría. Son as seisenas elezions dende que plegó a democrazia y en o 25 cabo d'año d'a Deputazión Cheneral d'Aragón.

Tamién en breus le tocará o turno a o Chustizia. A istituzión aragonesa eslixe o suyo representán cada 5 años. Será a seisena eleuzión y si cambea sería o cuarteno chustizia dende que se restauró ista istituzión.

Tornan os plans de recuperazión de l'onso O Gubierno y o Menisterio L’onso acochau tanimientres unos esfienden a suya esistenzia y atros l’atacan.

O Espiello

numero 5

primabera 2003

7

Opinión inte, morir baixo as bombas aliadas!

Bibimos en un mundo gran, pero beluns tienen salidas bien chiquetas.

De todas trazas, no mos tien que xorrontar ista mena de lochica en plegando d'an plega. Me fería goi de remerar en iste punto, cual estió a soluzión que George Bush proposó fa cuatro u zinco meses ta rematar con os inzendios que destruyiban o sur de California. Cosa más simpla: tallar os bosques. Ista ye a maquinaria mental d'a presona que güei gubierna o mundo. No s'amenistan más parolas a o respeutible.

Bi ha qui diz, e creigo que no le manca razón, que a millor traza d'estar a salbo güei d'as garras estadounidenses ye estar, reyalmén, una amenaza terrorista u poseyer armas quimicas u de destruzión masiba. Nomás cal que comprebar como os prenzipals países d'o mundo an ye prebau que han desembolicau ista mena d'armamento, u que han aloxau a collas terroristas, soi pensando en Corea d'o Norte, en Israel, u en belunas d'as republicas ecs-sobieticas que agora son aliadas d'os EEUU, gozan d'impunidat, tanimientres que os países que sufren os ataques "de liberazión" han contrimostrau que, anque mantenendo rechimens politicos ditatorials, no tienen garra capazidat reyal de construyir-las.

No ye por demás remerar que en a decada d'os 80, e más concretamén en as añadas 83 e 84, o Secretaire d'Esfensa estadounidense s'entrebistaba con o suyo aliau e colaborador en ixe inte, Sadam Husseim, en Bagdad, entrebista, amás amás, que o secretarie negó repetidas begadas dica que amanixión en a telebisión as imáchens que amostraban ista trobada.

Ye importán iste dato porque yera en ixe mesmo inte cuan as tropas de Sadam yeran escomenzipiando a "gasear" con armas quimicas a la resistenzia kurda, chenozidio que plegaría a la suya fuga en 1988 cuan asesinón a mils de zebils kurdos; ye importán, por si isto no ye prou, porque ixas armas quimicas les ne eban bendiu os EEUU. Plegaus a iste inte, cal parar cuenta tamién en atra custión, e ye que EEUU ye a unica potenzia que ha emplegau sistematicamén armas quimicas e de destruzión masiba. Sin fer masiadas d'esmaxinadas, mos plegan enta la memoria as imáchens de Hiroshima u Nagasaki; o napalm sobre os bietnamitas, u o suyo parién, l'achén narancha, que enguan sufren asabelos de sudasiaticos.

Un atra begada, no estió garra sospresa que en setiembre de 2002, o gubierno estadounidense dase a conoxer un documento que esbrusaba a bastida d'a que , creyeba, caleba que estase a politica esterior norteamericana d'o sieglo XXI. O documento, siñau por George Bush, establiba que Estaus Chunius yera per denzima d'as instituzions entrenazionals como a ONU, adibindo que debeba treballar con eras, pero sin sentir-se obligau a rispetar os suyos acuerdos, que sí comprometeban a la resta de países. Como criterio d'autuazión se proposaba a guerra prebentiba unilateralmén dezidida. Respeuto a isto cal siñalar a respuesta de Madelein Albright cuan se le preguntó si yera chustificau o sacrifizio de ninons, y dizió que "yera doloroso pero nezesario ta la paz". No cal dizir que os ninons que se’n fablaba no yeran estadounidenses.

Bellas enchaquias ta refusar a esferra Por Chusé Bolea Atamás de que en l’inte en que yes leyendo iste articlo, a guerra d’inbasión sobre Iraq ya ye rematada, u ixo mos dizen a penar d’a ripa de muertos que continan cayendo, no ye por de más endurar en o nuestro enzerrinamiento en contra d’ista e de todas as guerras que, de seguras, plegarán d’a man de l’autual globalizazión economico-melitar.

Engañuflas, falordias, fateras...

EEUU, o país an a libertat no ye que una estatua". Me cuacó ista frase cuan la sintié bels diyas dimpuesas d'escomenzipiar a guerra d'Iraq. Reculle d'una traza simpla e gosada en qué se ye conbertiu un país que, amagau dezaga d'o siñal d'a libertat e d'a democrazia, chusmete e acotola tot o que troba en o suyo dibino camín enta l'Imperio Total.

A opinión publica mundial ha estau testigo xorrontau, que no pas mudo, mientres semanas de como as engañuflas, as prebas manipoladas, e mesmo as amenazas enta qui no s'acochaba baixo l'exe aliau, o enta a mesma ONU, se suzedeban en una mena de "bía cruzis" an toz conoxébanos, anque no l'azeptásenos, cual yera o final.

Dezaga de tot isto, un ochetibo: Iraq, o suyo petroleo e a suya situazión cheoestratechica; e una lochica, a lochica d'a guerra por a que mos han quiesto fer creyer qu’ista yera una guerra de liberazión ta o pueblo iraquí. Liberazión que, en a practica, suposa asesinar milentas d'ombres, mullers e ninons. ¡Quiento delito tan gran ye prebar d'estar nomás que zebil, d'estar presona, cuan no tiens atra alternatiba que morir en as mans de Sadam, u morir bitimas d'a fambre e d'a manca de medezinas que ha prebocau l'embargo d'a ONU, u en iste

8

O Espiello

numero 5

primabera 2003

Opinión Nomás que un mobimiento en o gran tablero de chuego d'o planeta.

No ye difízil replecar as motibazions d'ista baruca melitarista, cuan, amás amás de güellar fito fito enta Bagdad, tamién paramos cuenta en a resta de politicas que leba a la par os EEUU en atros cantons d'o planeta. Antimás d'a rilazión direuta d'a guerra con a situazión de abantalla estratechica an que i quedará EEUU si logra fer-se con o control d'a rechión, más que más debán d'os suyos enemigos declaraus, Siria e Irán; e d'os suyos esdebeniders competidors economicos, India e China. Si como digo, chiramos a güellada enta atro puesto d’o planeta, per exemplo, Colombia, beyemos que tamién astí as razons son muito parellanas ta chustificar a interbenzión, pero en Sudamerica o plan d'ataque tien un nombre economico, ALCA (Acuerdo de Libre Comerzio d'as Americas).

Considerando a tactica global de EEUU en o suyo conchunto, no ye difízil, tampó no, parar cuenta que o puesto de descredito en o que ha quedau a ONU no ye pas un feito casual, u siga, no ye pas una bitima colateral más d'ista guerra.

De rebés, ista situazión, en a que o Consello de Seguridat d'a ONU ha estau relegau de l'ambista dezisoria, ye un mobimiento perfeutamén planeau por o gubierno estadounidense, en una esclatera intinzión de deslechitimar toda aquera organizazión supranazional que podese, en bella mida, contestar u controlar as suyas aspirazions imperialistas e fagozitaderas d'a resta de gubiernos e economías d'o planeta. Encara ye bien rezién en o tiempo, a negatiba d'os EEUU a cumplir con as mesmas prerrogatibas que a resta de países debán d'o Tribunal Penal Entrenazional; un atra polida intinzión esboldregada.

Prou que, ta rematar o treballo d'estronchicar a una incapable ONU, no tardaremos guaires diyas an conoxer, a trabiés d'o departamento ofizial de comunicazión aliau, como a la fin, son trobaus os arsenals d’armas quimicas u de destruzión masiba; amás de bellas prebas que rilazionen direutamén a o rechimen d'Iraq con Al Qaeda; u mesmo, una preba de paternidat contrimostrando que Osama Bin Laden ye en reyalidat, fillo ilechitimo de Sadam Hussein. Tot isto, ye esclatero, trobau en puestos an os inspeutors d'a ONU ya i eban rechirau. ¡Bagale qué son espisguardaus istos inspeutors!

De cualsiquier traza, ye asabelo d'importán fer-se memoria de bels datos. Como per exemplo, os referius a l'embargo adempribiau por o Consello de Seguridat dimpuesas d'a Guerra d'o Golfo d'o 91, que, de cutio seguntes a mesma ONU, dizen que antis de l'embargo, a mortalidat infantil i yera de 500 ninons a o mes en tot o país, e que güei en son más de 7.500 en ixe mesmo período; datos que resaltan tamién cómo os casos de cánzer en 1988 i yeran de 11 presonas por cada zien mil abitadors, e que han pasau a estar-ne 123 enguán. E, per no continar con iste fosco listau, que dende que escomenzipió l'embargo 1.700.000 presonas son muertas per malnodrizión, infezions, malotías canzerichenas produzidas per l'uranio emprobeziu emplegau per EEUU, e asinas e asinas...

O dibán d'Aznar.

bislai, ye o papel bergüeñoso que ye ripresentando o gubierno español, con o suyo presidén Aznar como autor secundario d'ista esperpentica comeya.

Prebar de replecar as razons d'ista guerra dende l'ambista d'os intreses economicos u cheoestratechicos que, parix estar, son as enchaquias prenzipals de l’agresión, ye, anque indezenmén inmoral, lochico parando cuenta de cuals son dos d'os agresors, EEUU e o Reino Chuniu, e de cuals son os esquimens que consiguirán dimpuesas d'a guerra.

Pero ixa suposizión no ye aplicable a o Reino de España, que no tien ni de luen, intreses parellanos en a redolada, ni, prou que no, en i abrá cuan plegue l'inte d'o trestallo d'o botín. Ye ta xorrontar que a berdadera enchaquia ta comprender que fa l'exerzito español luitando en una guerra en Iraq, no ye que o complexo d'inferioridat de Aznar.

No cal que fer una güellada a las fotos d'os papels d'o diya dimpuesas d'a riunión d'as Azores, e de cómo José Mari s'esmelicaba baixo o suyo mostacho tanimientres Bush le ficaba a man denzima d'o güembro, u sentir bergüeña (isto nomás ta qui se considere español e asuma que iste mego ye o suyo presidén) con a risalleta amarillenca que amostraba cuan posaba os piez denzima d'a mesa chunto a o suyo exemplo a imitar, o primo de Zumosol, George Bush.

Cuanta sangre se podeba d'aber escusau con un buen psiquiatra!

A esperanza entre a foscura A moderna ambista globalizadera, amás amás de plegar a las arias economicas, politicas, sozials, culturals... no podeba deixar de amostrar-se tamién en a conzeuzión autual d'a guerra. A tradizional moral sobre a guerra se queda insufizién cuan preban d'esplicar as suyas razons, e, d'a mesma traza que os atros campos d'a bida mundial, as chustificazions d'o melitarismo globalizador, han crebau todas as mugas morals.

Con tot e con ixo, e sacando-mos d'enzima o tarquín que mos deixan istos tiempos foscos, e superando a tristura per qui no puede adibir a ista istoria ni boz ni boto, nomás que sangre, si femos a güellada enta debán, s'adibinan de una traza toba pero estendillada ya per tot o planeta, nuebas propuesas e iniziatibas que mos fan creyer que reyalmén "atro mundo ye posible". Per primera begada dende fa muito tiempo, e posiblemén con una chunidat que garra bez se dio en o mundo, millons de presonas chilemos a la cara d'o sistema que iste no ye o planeta que deseyamos ni ta nusatros, ni ta os nuestros fillos. E, encara más asperanzador, creigo beyer o feito de que ista respuesta popular e masiba no ye pas flor d'un diya. A chen de tot o planeta emos asumiu o compromís d'aturar ista guerra, pero no como un ochetibo solenco, sino como o primer trango t'aturar a locomotora estricalladera d'a globalizazión economica e d'a suya man armada.

No cal ixuplidar, ta rematar, que a combocatoria ta la manifestazión con que escomenzipió o refuse d'ista guerra en as carreras, surtió d'o Foro Sozial Mundial de Porto Alegre, o que mos deixa beyer bien esclatero que no semos debán de protestas espontanias u espachinadas, sino que o que bi'n ha dezaga ye un mobimiento mundial con ringleras de treballo definidas, capable de tarabidar una rispuesta coderén en tot o planeta.

Un atro aspeuto que no me resisto a tratar, anque siga de

O Espiello

numero 5

primabera 2003

9

Reportache

H

a abiu de baxar o Reyal Zaragoza a Segunda Dibisión ta que muita chen s'alcordase de que a Aragón le manca bella cosa que tienen muitas comunidaz d'o nuestro redol: a Telebisión Autonomica.

Per ixo, muitos afizionaus aragoneses de fútbol tubon que fer-sen o pre ta poder bier muitos partius de l'equipo, a trabiés de canals andaluzas, gallegas, catalanas...

En istes 25 años d'autonomía aragonesa muito s'ha charrau d'una posible telebisión aragonesa, pero poco se'n ha feito. Ya en os años güitanta ba aber una prebatina, en a primera lechislatura, cuan nomás que catalans, bascos y gallegos disfrutaban d'as suyas propias canals.

Mesmo se plegó a fer prebas ta contratar a os profesionals d'a canal autonomica y se construyó un moderno edifizio, con as pochas de toz os aragoneses, an que iba a estar a siede zentral.

Dende alabez, poco se'n ha parlau y menos se'n ha feito. Tasamén cal destacar a zesión d'o esmentau edifizio á o Grupo Rey ta que i desarrollase o Centro de Producción Audiovisual (CPA), que pocos meses dimpués, en 1998, fazilitó a creyazión de Antena Aragón, una telebisión que enguán nomás se puede bier que en Zaragoza y en os redols d'a ziudat de l'Ebro.

As chirmanas grans Pocos años de democrazia se lebaban cuan empezipión as emisions de Televisió de Catalunya y Euskal Telebista (en 1982). Istas dos telebisions de seguida sosprendión a o publico fendo-sen con os dreitos d'a serie "Dallas" y fendo charrar a o temiu "JR" en catalán u euskara. Muitos d'os que güe leigan iste articlo de seguro que no saben quí yera ixe tal "JR", normal, güe somos acostumbraus a poder trigar entre un burguil de canals en diferens luengas, pero en os primers años güitanta, cuan no se'n bieban que dos (as dos publicas y en luenga castellana) y nomás que a metat d'o diya, conseguir que un d'os malos d'a "caxa fata" fese serbir as parlas de Bermeo u Vilanova i la Geltrú yera un esito que feba crebar muitos complexos.

Atro d'os trunfos d'ixas por Rubén Ramos. chicotas telebisions autonomicas sería poder retrasmitir partius de fútbol de Primera Dibisión, con o que, amás, se feban con una d'as cosas más importans en o O tema d'a telebisión tamién se combirtió en o zentro mundo d'os meyos de comunicazión: l'audienzia. d'a politica aragonesa cuan, en 1993, José Marco (PSOE) A las esperienzias catalana y basca de seguida les presentó una mozión de zensura contra o gobierno que saldrían chirmanas bezonas a todas caras: Galizia, Madrit, presidiba Emilio Eiroa (PAR). Una d'as razons prenzipals yera Balenzia, Andaluzía... Cuasi todas as autonomías con bella l'alcuerdo suscrito entre Gobierno d'Aragón y Antena 3 TV ta micarrona de poder politico miraban d'empentar a suya fer una programazión propia d'Aragón, espleitando d'as propia telebisión. instalazions d'a futura telebisión publica aragonesa.

A tele que no esiste

10

O Espiello

numero 5

primabera 2003

Reportache

Güe en a FORTA (Federación de Organismos de Radio y Televisión Autonómicos, an que se reúnen as corporazions de radiotelebisión publica d'as comunidaz autonomas españolas) se i troban güeito canals (correspondiens a las comunidaz ya nombradas, pero tamién a las de Castiella-La Mancha y Canarias). A Telebisión Asturiana, que ya emite, encara no i ye presén.

En muitos casos, a esistenzia d'una telebisión propia ha ubierto atros camins y posibilidaz, afaborindo a creyazión propia (series de telebisión y mesmo longametraches), fendo de cantera ta profesionals y plegando a os naturals d'a propia comunidat que ya no biben en a tierra suya (a trabiés d'os satelites, per exemplo).

Tot ixe mundo ye esconoxiu de tot en Aragón, an que a reyalidat audiobisual s'amuga a chicotas esconesions en canals estatals y a telebisions locals que no plegan d'asolar-sen, seguntes os datos d'as audienzias, y que amás, no se beyen en todas as casas.

As audienzias A gran baralla d'un meyo de comunicazión ye poder contar con una importán y fidel audienzia. Seguntes os datos que ufre a FORTA, as telebisions autonomicas son as más bistas de l'Estau (en aquellas comunidaz que en tienen, prou que sí). Cuasi un de cuatro personas que beyen a telebisión esliche os programas autonomicos (estudio de abiento de 2002/Sofres AM). Tamién ye de chustizia reconoxer que no en todas as comunidaz autonomas se consumen d'a mesma traza as canals propias (no ye o mesmo a TV3 catalana que as telebisions canaria u castellanomanchega) y que, en a gran parte d'ellas, esisten dos canals autonomicas. Pero lo que ye bien platero ye que cuentan con una gran importanzia y han sabiu asolar-sen.

En tot caso, perque, en tratar-sen en a gran parte d'os

casos, de telebisions publicas, suposan una apuesta d'os respeutibes gobiernos que ban dillá d'aconseguir ziertos ochetibos. A guerra d'os "shares" no ye igual contando con o refirme d'un gobierno per dezaga.

Ixo esplica tamién perque muitas telebisions continan emitindo cuan s'ha contrimostrau que son un autentico forau economico.

A rendibilidat economica gosa d'estar un d'os prenzipals argumentos d'aquels que s'oposan a las telebisions autonomicas publicas. Ye zierto que muitas d'ellas han de soportar una gran carga economica, pero no'n ye menos que ixo (y mesmo más) le pasa a la Telebisión Publica Estatal, sin que mica gobierno s'aiga atrebiu a pribatizar-la.

En bellas comunidaz como Balenzia u Galizia sí que s'ha planteyau ubrir bella mena de pribatizazión, asinas como as nuebas telebisions que s'enzetan (o millor caso ye Canarias) miran d'esplotar modelos mistos, con partizipazión pribada y control publico.

Pero no esiste un unico modelo. Cada comunidat en tiene un, mesmo en hai beluno que contrimostra que ye posible un modelo de chestión publico que seiga rendible, en calidat, en cantidat y en diners, que ye lo que gosa de mandar. Siempre que se meten istes exemplos se gosa de mirar enta Cataluña, per qué será?

Y en Aragón qué?

Como emos bisto antes, en Aragón per agora no'n tenemos brenca. Tasamén una campaña eleutoral en a que de seguro que, encara que seiga de bislai, saldrá o tema.

Seguntes emos puesto saber, ye ixemenando-se una opinión faborable a formar una telebisión propia que tienga un control publico. Ixa ideya tradizionalmén l'han esfendida os partius de cuchas (más que más IU y CHA).

Per lo que mos han confirmau a Espiello, l'apuesta d'o PSOE per a telebisión aragonesa tamién ba a estar en firme en ista lechislatura. Sin dixar platero cualo será o modelo, parix que os sozialistas ya s'han dezidiu a enzetar una telebisión autonomica, que plegue ta toz os cantons d'o país, y que seiga controlada per as Cortes d'Aragón. Lo que s'aiga de fer se ferá en ista lechislatura, perque dimpués puestar que seiga masiau tarde.

Como ya emos dito, a ideya d'una telebisión publica aragonesa siempre s'ha esfendiu dende CHA. Chesús Bernal considera que "contar con un espazio audibisual propio ye una autentica prioridat, que faiga onra como serbizio publico y

O Espiello

numero 5

primabera 2003

11

Reportache como exe de comunicazión". Una iniziatiba asinas, s'abría de fer "sin que seiga un desfalco t'a Comunidat, pero con partizipazión d'o Gobierno d'Aragón y control d'as Cortes, ta que se guaranzie a pluralidat, se potenzie a industria audiobisual aragonesa, os siñals d'identidat propios...". Amás o deputau nazionalista siñala que esisten muitas nobedaz en istes aspeutos que mos pueden fer soñar con bier luego una telebisión aragonesa: "en os prosimos años se ban a produzir modificazions asabelo d'importans, con a plegada d'a telebisión dichital. Perque amás ya no caldrá asperar a que mos atorguen a terzer canal [que ye como se creyaban dica agora as canals autonomicas], ya que a lei permite que esistan canals dichitals de ambito autonomico".

En l'atro canto se situga o Partido Popular. Charramos con Manuel Guedea, deputau en Cortes d'Aragón, qui mos dixa platero que o suyo partiu no refirma a ideya de que Aragón cuente con una telebisión autonomica publica. De feito, Guedea considera que ista mena de telebisions "ferían a competenzia a la resta, contando amás con una doble finanziazión, a trabiés d'a publizidat y d'os presupuestos d'a comunidat". Y en o caso d'as radios, ista competenzia sería contra "as propias emisoras de FM que conzedió o Gobierno d'Aragón fa no guaire".

O deputau popular tamién fa menzión a la posibilidat d'a telebisión dichital terrestre, pero siempre que seigan espleitadas per conzesions de telebisions pribadas. Guedea remata dezindo que "esisten atras nezesidaz en Aragón que no creyar una telebisión autonomica".

Manimenos, os esfensors d'ista telebisión saben lo diferén que ese puesto estar, per exemplo, a luita contra o PHN, si a chen ese puesto bier informatibos en TB que dasen a bersión aragonesa d'o problema.

A opinión d'os profesionals tamién cuenta. O presidén de l'Asociación de la Prensa de Aragón, o sobrarbense Ramón Buetas, lo quiere dixar bien platero: "queremos una telebisión publica, que no resulte un gran gasto t'os aragoneses, pero que, con a formula que quiera o gobierno

12

que la chestione, seiga profesional y cuente con control parlamentario". Buetas remera que ya esisten instalazions y demanda a qui seiga responsable que s'aprezise, perque si fa u no fa, somos en as zagueras oportunidaz ta mirar de creyar a TB aragonesa.

Os periodistas tamién demandan, como ya esisten en atras comunidaz, una mayor eszentralizazión d'a propia TVE, ta que se pueda contar con más oras adedicadas a Aragón.

No cal ixuplidar lo importán que puede estar ta coleutibos como periodistas, artistas, autors... aragoneses a esistenzia d'una canal propia, que ubriría un importán mercau y que estimularía asabelo a produzión propia.

Atro intresau que abría de dezir-ne bella cosa ye o publico. José Boza, presidén de l'Asociación de Televidentes y Radiooyentes de Aragón, considera que o futuro ye en as telebisions locals. "O consumidor nezesita zercanía, sabemos que muitas canals ban a dentrar en iste mercau con apuestar prou fuertes, encara que se trata d'una tarta difízil de trestallar". Tamién reconox que güe una telebisión autonomica publica ye cara y que fería gastar a o Gobierno d'Aragón buena cosa d'euros t'a finanziazión suya y per ixo crei que resulta más fázil, en menos tiempo, que s'asolen os intentos de creyazión de canals locals. Con tot y con ixo, José Boza dixa platero que "sería ideyal una telebisión publica desbinculada d'o poder politico y no finanziada per a publizidat".

As personas que conoxión a plegada d'a Telebisión á España encara s'alcuerdan d'un anunzio de radio que deziba: "La televisión, pronto llegará...". Per tot lo que emos puesto saber, creyemos que podríanos fer-ne un nuebo que dezise: "A telebisión aragonesa luego plegará". Os prosimos años mos sacarán u no pas a razón y, en tot caso, dimpués siempre podremos charrar sobre o papel que iste importán meyo de comunicazión puede chugar en o desarrollo d'a soziedat aragonesa, si puede u no pas bertebrar-la. Pero ixo ya ye atra cosa.

O Espiello

numero 5

primabera 2003

Ecolochía

De trescols, riadas y atras cosetas por Francho Beltrán Audera, idrocheologo.

A

gora, con as primeras calors, parixe ya cuasi xublidau l'ibierno, pero sin dembargo, muitos encara lo recordarán por a graniza riada que ba lebar o río Ebro, que en o mes de febrero baixaba con arrienda d'augua, como feba cuasi meyo siglo que no se i beyeba.

Si chuzgamos por o que dizión en os papels y tamién en a telebisión española, estiemos debán d'una catastrofe acotoladora, a penar que denguna rechión como Balenzia u Murzia nimbió garra mensache d'ixa solidaridá que tanto en charran. Pero a berdá ye asabelo diferén. A riada de l'Ebro no estió pas catastrofe, sino una gran fiesta.

Prou que bi ha chen que bibiba amán d'o río que tresbatió bellas propiedaz y mesmo s'acotoloron muitas cullitas. Ista chen amenista aduyas (y tamién bel seguro…) Pero os campos enronaus no son campos perdius y tornarán a florexer en as añadas beniens. Que me perdone ista chen, pero a Naturaleza, en conchunto, rezibió un rico presén con ista riada.

A garona no solo que ba trayer fertilizans naturals, sino que fazió una faina de limpieza, arrozegando contaminans.

Os acuiferos se plenoron d'augua que ye muito nezesaria dimpués, y tot ixo contribuye à l'aumento d’a biodibersidá; antimás d'estar parti d'una dinamica natural.

Belún prexinará que todo isto ye mui bien, pero que as riadas son un periglo que cal controlar, fendo entibos, dragados, esfensas y quemisió. Que as presonas, debán d'a Naturaleza y que cuan charramos de seguridá, cal xublidar l'ecolochismo urbano...

Pos bien; a reyalidá ye que nusatros semos parte d'o equilibrio natural (que ixo y no atra cosa ye o que estudea a Ecoloxía), por lo que a calidá de bida ye dreitamén rilazionata con a salú d’o nuestro meyo ambién. Cal dizir tamién que riadas como ista no son periglosas ta la bida d'as presonas, asinas que l'unico que cal discutir ye cómo protexer os biens que bi ha chunto a os rios.

Ta ixo, lo más importán ye rispetar o canziello d'o río y no prebar de construir en un territorio que ye d'o río. As canalizazions y as esfensas dan una falsa sensazión de seguridá que anima a os insensatos. Pero…¿quí construyiría una casa en marea baxa debán d'o mar? Dimpués puyan as auguas y ¡zas! Ixo mesmo suzede con os ríos, pero en cuenta de puyadas y baixadas regulars, semos charrando de periodos muito más irregulars. Por ixo, cal no construir a o canto d'os ríos, ni tampoco amazenar ochetos de balura, sustanzias periglosas etz. As marguins engaronables son tierras nomás ta l'agricultura u ta espazios de recreyo.

O Espiello

numero 5

primabera 2003

13

Ecolochía

Si tanto problema ye que s’engaronen bels campos una begada cada 40 añadas, a soluzión ye prou fázil. L'Almenistrazión los crompa y prou.

Asinas se tiene una superfizie capable d'almazenar muita más augua que un gran entibo en cabezera y tot ixo sin os daños sozials y meyoambientals d'un gran entibo en a montaña. Y en o que pertoca o economico, muito más barato.

Muitas begadas se charra tamién de dragar o río, que asinas se podrá ebacuar más augua, pero suzede que o remeyo ye pior que a enfermedá.

Millor ye dragar en bels puntos chunto à lugars abitaus, pero no fer-lo a l’arreu y menos alcorzando meandros y acotolando a bechetazión de ribera.

As "limpiezas" d'o río, o que fan ye azelerar l'augua, aumentando asinas a suya capazidá erosiba y, por tanto, a suya capazidá acotoladera. Nimbiar o problema ta os lugars más t'abaxo no ye pas una politica idraulica seriosa. Con más erosión, tamién ocurre que l'augua descalza os estribos de bel puen dica espaldar-lo.

"constructoras". Si no cal fer tantos entibos, dragaus u esfensas. ¿Por qué beluns son embrecaus en no fer atra cosa que obras y más obras?. Án son as midas de chestión que ya se son aplicando en ríos de países desembolicaus, como o Mississipi u o Rhin? A la chen de as grans Construtoras (que son os que mandan en España) no lis cuacan as soluzions baratas y sin d’obras, y por ixo han aprofeitau ta dizir que ista riada de l'Ebro deixa platero que sobra augua en el Ebro ta trescolar-la.

Ye una fatera bien gran rilazionar ista riada con o trescol, pos mai no bi habrá canal que pueda lebar tanta augua. Y antimás yo pienso…¿qué ye ixo que sobra augua? Ye que sobra salú u sobra arte u sobra bida en bel puesto? Porque l'augua d'os ríos ye ixo; ye bida y tamién ye salú y arte. Y emozions, istoria, remeranzas…d'una chen que ha bibiu durante mils d'añadas chunto a las suyas riberas.

Bi ha una mazada que diz que "a río revuelto, ganancia de pescadores" y a berdá ye que podérbamos cambiar "pescadores" por

14

O Espiello

numero 5

primabera 2003

Cretica literaria

Cretica Literaria

Historia Universal de Paniceiros

Xuan Bello, Destino, Barzelona 2002.

X. Bello (narrador, poeta y periodista d'o semanario "Les Noticies"), ye sin de dudas, una d'as prenzipals feguras d'a clamata Segunda Chenerazión d'o "Surdimentu" literario asturiano en as rematanzas d'o sieglo XX. Iste "Historia Universal de Paniceiros" ya ye un libro de referenzia, no sólo que ta la literatura asturiana, sino tamién á ran estatal. Asinas por exemplo, o periodico La Vanguardia ha seleuzionato ista obra entre as millors publicatas e n l'añada 2002.

En ista colezión de rilatos, se preba de buscar a unibersalidá partindo d'as fundas radizes teluricas, drento d'as nuebas tendenzias d'a denominata literatura "glocal". As narrazions se mezclan con poemas, tradizions, recuerdos d'a nineza, personaches, mitolochías, literaturas, zeltismo, falordias meyebals, boiras baxas, nieus, bosques, animals salbaches, a muerte...Y toda una cosmolochía popular que son ingrediens, más que atrautibos ta iste autentico " c a l d e r o unibersal".

Aguardando lo zierzo. Ánchel Conte, Xordica, Simién negra, Zaragoza 2002.

Ista añada de 2002, ye estata o 30eno cabodaño d'a obra fundazional de l'aragonés común "No deixez morir a mía boz", publicata en Barzelona en 1972 por Ánchel Conte. Tornó ta la literatura en aragonés (dimpués de largas añadas) con "O tiempo y os días"(1996), o libro de rilatos "O rafe de l'espiello"(1997) y a nobela "O bolito d'as sisellas"(2000).

Dos obras-tuca son estatas publicatas por Ánchel Conte ista añada:"Zaga o mar o desierto"y "Aguardando lo zierzo", premio de nobela Ziudá de Balbastro. En ista zaguera obra se fa platero l'ofizio d'istoriador de l'autor, os más chiquez detalles istoricos son estatos cudiatos dica la perfeuzión: O chuizio inquisitorial, escritos reyals, decumentos notarials y chudizials, a postema..."Aguardando lo zierzo" ye, seguntes parolas de Ch. I. Nabarro "una d'as millors nobelas de chenero istorico de todas as que s'han escrito en España- en todas as suyas luengas y plurals literaturas- en as zagueras decadas".

Y por denzima de tot, ista ye una nobela sobre a problematica d'a emigrazión y a discriminazión d'a muller (custions de plena autualidá encara güe). D'ista traza l'autor adedica o libro:"...A toz os que, cuentra la suya boluntat, se son muertos lueñes d'a tierra que los biyó naxer".

por Roberto Cortés

O Espiello

numero 5

primabera 2003

15

Creyazión literaria Es suyos pais eban ya mirau de casar-la ta bela casa de cualsiquier lugar de la Bal pos l'ereu yera el suyo chirmán Ramonet, pero Nieus no i quereba.

Dende qu'eba baixau ta la ziudat l'unico mesache ta'l que ella teneba güellos, no eba tornau a mirar-se-ne dengún.

Biese qu'ixa amor eba estau muita fuerte y l'eba sacau las ganas de encomenzipiar atra relazión perque'l tiempo pasau no esbornigaba es recosiros que ella teneba d'él. Siempre se recosirará de cuan se i trobón ya de chiquez, aquel día en el que de camín fayón pacha es dos.

Quiesta Nieus Por Serchio Mur Garzía

N

ieus. No cal ni foter es apellius. ¿Ta qué? ¿Ta que cal escrebir es apellius a ixa chen que como yo sabe que nunca zinco parabras estión tan polidas ni expresón tanto como n'este caso?. Ixe ye'l nombre d'una d'ixas mullers que aiman beluns y belatros quien zabucar. Cal dizir que aquí foto el nombre qu'a ella le feba goi (no'l d'el d.n.i.), tal como le diziban es suyos pais cuan yeran en casa, u fendo la yerba per aquels lugars en es que las conchestas encara ta abril plenan tot.

Nieus yera chicota, güellos grans y berdes, lasa (siempre lasa seguntes la suya quiesta maye), falagosa y muito polida. A Nieus siempre l'eba cuacau el suyo lugar, ixes sarraus ta's que yiba cuan soltaba las güellas, ixas bordas en las que pasaba bel día de l'ibierno cuan pariban las gollotas, e ixes garros en es que correba l'aire y dende's que miraba como las selbas s'achuntaban con las penas y éstas con las boiras.

Una nuet de chiner en la que's bolturnos emporquiaban de blanco la bal, yera fendo tortetas con la suya mai y bezinas, cuan arribó'l pai de cusirar un bedellet que eba naixiu. El pai miró a Nieus como las estrals se miran a un caixigo y le dizió que anque no le fese mica goi teneba que casar-se ya ta una casa perque n'ixe anyo s'eban tresbatiu bela uzena de güellas en el puerto y mancaban es diners, bela sincusa teneba qu'amaneixer ta chustificar lo que quereba fer el pai. Le'n diziba esto a ella, a la que siempre se deixaba es ixallos en el plato ta que belatro se's podese minchar, a la que siempre eba mirau per la suya familia y yera bien troballadera, a ella. Lo que eba prenzipiau como algo que ya sabeba Nieus dende feba un tiempo, se bayó tornando realidat. El pai, ya carrañoso y furo de tot, le dizió que si bien no le cuacaban es ombres de la bal, bien de goi le tendrían que fer es de difuera pos se’n tendría que yir. Nieus cuasi no se'l criyeba y le dizió con ixes güellos que brilaban como ibons que si asinas el quereba sería lo millor y que no se'n fe-se mica, que no tornaría a bier-la ni a tener ixas zaragatas. Ixa nuet no podió sisquiera fer-se una clucadeta, cosa, ploró y ploró entremistanto sentiba es ploros de la suya mai.

A las güeto Nieus ya se’n eba feto la maleta con cuatro cosetas que aministaba y marchó, so que podió dispedir-se de la mai y d'el chirmán, el suyo pai s'eba yiu ta no tener sisquiera que dizir-le adiós. Ixe griso día de chiner mientres es suyos peus s'esfonsaban en la nieu zerrina dica las rodetas, Nieus se chiró cara el suyo lugar per zaguera bez, aquels güellos sabeban que ixa imachen d'es camals d'es freixels afalagando la nieu y las chumeneras escupindo el fumo de la dispedida no se'n yiría nunca, talmén el tiempo yise espechicando aspaziet ixa zaguera imachen, pero no pas de tot, perque ixe lugar yera parte de la suya sangre y de la suya vida, y asinas estaría siempre. La mai que correba plorando a'l detrás d'ella s'aturó mientres tremolaba n'el portiello d'un prau al bier que las galochas que seguiba, misteriosamén s'eban truncau ta no tornar... ¿Qui be de saber qué ye de Nieus? ¿ta'n bayó? ¿aón be de chazer y pasar es días? Bes-te-lo a mirar.

I ha atras preguntas que querrí fer sobre Nieus y so que tiengo una conclusión, bel dia si tiengo fillos, les charraré d'ixa muller a la que le diziban Nieus, de la que muitos s'enamorón y de la que ya nomás que cuatro gatez como yo s'alcuerdan.

Talmén bel día la tornén a bier per ixes praus y feixas que le dizión dica dimpués, y no pas "adiós", y que desean que i torne, que desean sentir-la, y que desean besar-la tanto como yo.

16

O Espiello

numero 5

primabera 2003

Gramatica aragonesa

A Fonguera Por Fernando Romanos

NO PAS (no pas yo...no pas tanto...)

Negar-se pero, bien negau.

E

n aragonés a negazión ye una d'as cosas que tienen más peculiaridá y que asobén no se gosa emplegar bien. B'ha tres emplegos:

En primerías a negazión con berbos, que ye igual que en castellano, ficar a forma no debán d'o berbo. (ej. yo no ixolomo, ella no ye escaldarruzera). A forma de refuerzo pas se puede ficar dezaga de o berbo, pero cal parar cuenta que esta construzión s'emplega en una zona muy reduzida (en Ribagorza) y no se fa siempre, sólo que de cabo cuan. (ej. yo no ixolomo pas, ella no ye pas escaldarruzera). Por ixo en aragonés caldría emplegar-la de forma muito puntual, si nunca s'emplegase.

O segundo emplego, ye a negazión sin berbo, que ye a forma peculiar y propia d'emplegar-lo en aragonés que nos desepara d'o castellano y que talmén por ixo, ye a forma que cuasi siempre s'emplega mal. Esta negazión que no esiste en castellano, se construye en aragonés con a forma sin trestallar no pas, ficada debán de palabras que quieren esprisar-se embolicadas en negazión, y siempre, siempre, en a fabla biba, a construzión ye ficando debán a negazión no pas y dezaga, a palabra an que recai a negazión, se trata de frases sin berbo, negazions ixutas y claras. No cal que ixolomar os testos populars ta beyer que estas construzions salen a ixambre (ej. no pas yo, no pas tanto, no pas muito, no pas aquí, no pas nusatras, no pas encara, no pas siempre, no pas en Franzia). Pero cuan tenemos que fer una frase de negazión clara e ixuta d'algo moderno, nos ixuplidamos d'a construzión popular aragonesa y femos un calco d'o castellano, pribando una continidá d'a fabla biba en os nuebos emplegos, asinas deberemos dizir: no pas mili, no pas guerra, no pas entibos, no pas base, no pas negoziazión...y asinas asinas. Este

calco d'o castellano se fa tan asobén, que igual que os fongos en una foguera, s'ha ixemenau y s'ha enradigau y caldría fer os posibles ta fer una fonguera de güenos emplegos.

O terzer emplego ye l'emplego espleitibo, asobén b'ha casos en aragonés que se fica a forma no, en construzions que o castellano no lo fa, por exemplo: más pincha que no ella, ye más caro que no parix, ni ruedas no han deixau, mincha ésta antes que no íxa, tampoco no zorruspa bino, tiene más año que no diz... en muitos d'estos casos, a construzión castellana "de lo que, de la que, de los que, de las que" se fa con a forma aragonesa que no, forma ésta, que cuasi nunca ye emplegada por a chen que aprende l'aragonés. Atros casos, son os refuerzos de negazión de forma espleitiba, pero... ¡con ficanzia!, ye una entibocazión dizir que "tampoco" en aragonés se diz "tampoco no", lo que pasa ye que as formas negatibas, de cabo cuan (no pas siempre) puede lebar ixe refuerzo de negazión cuan le sigue berbo conchugau, y digo esto perque a ormino se beyen frase como "yo tampoco no", que serían incorreuto (debería dizir-se no pas yo, tampoco), en estos casos, se puede ficar a negazión no, si ye seguiu l'alberbio de negazión por frase con berbo conchugau.

Y remato, estes calcos d'o castellano se fa tan asobén, que igual que os fongos en una foguera, s'han ixemenau y s'han enradigau, y caldría fer os posibles ta fer una fonguera de güenos emplegos y fer de l'aragonés un tasquizal de muxardinas blancas.

O Espiello

numero 5

primabera 2003

17

A entrebista de l’Espiello

Chesús Casaos ye una d'as primers personas a las que sintié charrar aragonés en Zaragoza. Güei ye un personache conoxiu por a mayoría d'os amans d'a cultura aragonesa. Uno d'os primers ligallers, dende os güitanta; colaborador de PRAMES y d'a Federazión de Montaña; miembro d'o danze de Tenerías y o Rabal, y tradutor ta Gara d'Edizions de A plebia amariella.

Femos una biera en Borina, a cafetería de l'asoziazión cultural Nogará. Me fa goyo de charrar con Chesus. Tiengo muito que aprender. L'ombre-libro s'ubre.

“A l'aragonés no se le quiere reconoxer que ye una fabla” por Chabi Gimeno ¿Cómo prenzipiés a tuya faina por a toponimia en aragonés? ¿Cómo estió ixa primer endrezera? a primera estió con o lugar de o mío pai, que no ye de zona aragonesofablán, ye de Lezera. Más concretamén con o mío güelo, que empezipio a replegar-le nombres de o mon, fa un camatón de tiempo, porque lo sentiba charrar. O contauto serio de treballo empezipió con PRAMES. Bino Modesto un día t'o Ligallo (de Fablans de l'Aragonés), ta bier quí quereba colaborar con a FAM, ta corregir es mapas. Yo dizié que no m'importaba,

L

que me cuacaba. Asinas en o güitanta y tantos prenzipié a fer replega de toponimia. En primeras yera replega masiba y dimpués lo localizaba. Y dimpués ya prenzipié con un treballo más sistematico, pa que tenese una balgua pa o mapa.

Os tres primers mapas que fayé no salión. Fayé la bal de l'Aragón, la bal de Benás y la bal d'Echo. Entonces os mapas no los fébanos aquí, los fébanos por meyo d'una chen en Madrí.

L'unico que fayón en o primer mapa estió meter Canfrán sin c, meter Bellanuga por Villanúa. To'l treballo que fayé, yo lo entregué en PRAMES Ixos mapas se perdión u lo que estase [isto queda masiau coloquial, co!]. Los tenié que tornar a fer, y o primer mapa que salió con correzions estió un 25.000 que se fayó de Benás. ¿Qué problemas te trobés cuan prenzipiés con a tuya faina?

Lo primero, yo no soi cheografo. Ye difízil identificar os lugars, u fer-se-les identificar a la chen que le yes preguntando.

Tu tiens una cosa clara, pero si no lo estás beyendo, ye difízil,

18

porque tu tiens una bisión d'a cheografía, que ye diferén d'el que ye bibindo allí. Lo que pa tu ye un barranco, pa el ye una canal. Tiens o problema de que puez desplazar os nombres; un problema que cada bez se fa más gordo, y ba a más.

Lo prenzipal, lo primero que intenté fer ye controlar bien o mon, mirar de cómo meter-me con a chen ta que lo identificasen. Una de las cosas que siempre emplego ye l'aragonés, con beluns, con a mayoría, ye buena cosa. Por lo menos emplegar las formas que ellos emplegan.

Otro problema son os informans. Lo que ellos quieran dar-me u no quieran dar-me. Si te quieren dar a informazión, fan tot lo posible pa que tu les repleques. Pero bi ha chen. Porque piensan que soi de la DGA, u de Fazienda. Si les preguntas por es campos, porque ye pa catastro, pa controlar-los pa tener que bosar más. Cualquiera que ha iu t'allí, ha iu ta joder-los, y ye lógico que tiengan ixas dudas. Otros [dizen que] m'he teniu que tragar a mili en Zaragoza, que si han festejau con una de tal, y entre meyo m'han dito dos toponimos, u m'han aclarau per án iba o camín que iba ta Sercué. ¿Por qué creyes que ha estau l'apuesta de PRAMES por a toponimia nuestra?

Isto prenzipia por os picos, ixos que destacan más. A Federazión de Montaña quereba aclarar que Comachibosa yera Comachibosa, y que Vignemale se diziba en atro puesto. A chen que s'ha adedicau a la montaña ha feito un treballo sistematico, fendo ixas replegas. Pero en Aragón no s'eba feito.

A Federazión apostó por a toponimia, u millor, por l'Aragonés. De bez que isto se fayón unas topoguías, de as PR (pequeño recorrido), que nos ufrión fer-las en bilingüe, la ida ta un puesto iba en castellano y la tornada caleba leyer-la en aragonés, obligau. Estión unas guías que yeran simplemén de la zona pirenaica. Estió pues una apuesta doble.

Tamién s'han feito mapas en catalán. Y mesmo con castellano d'Aragón.

En o tema d'o catalán, uno d'os problemas ye lo que tu entiendes a la chen que te ye dando la informazión. Yo soi o primero que reconoxco que os mapas que foi no están libres d'errors, igual de localizazión que d'escritura. No yes en cómo te lo están prenunziando, si no en replegar-lo y en meter-lo en o puesto bueno. A begatas tienes ixos fallos.

Yo de toz es mapas qu'he feto, [en] contino fendo correzions. Si localizo una persona, más que más de lugars d'estos que no i queda chen, boi ta Balbastro, ta Monzón, ta Barzelona, quedo con ellos y charro ta fer-les a replega. Y en as siguiens edizions saldrán as correzions.

Con o catalán, ye una fabla que no la charro. He estau

O Espiello

numero 5

primabera 2003

A entrebista de l’Espiello dos años en Ribagorza, y a la chen le bas pillando a forma de charrar. Pero seguntes cómo te lo prenunzian, no lo entiendes.

S'ha intentau respetar lo que son as grafías normalizadas d'o catalán, pero, claro, no i hai un equipo dezaga. Seguro que bi ha errors y fallos.

En as zonas que son castellanofablans, se mete lo que ye. Por muito que meta lo que meta en os mapas melitars. Un melitar ba t'allí fa zincuanta u sisanta años, y o melitar no teneba garra interés ni sabeba qué fablaban; él suponeba que yera castellano mal charrau. Le deziban un toponimo, y lo escribiba y lo representaba como quereba u como lo entendeba.

En Ballibió, "la baca rizada" ye a Bacalizuala, un sitio an ban as bacas.

Cuan ye castellano se fa igual, se mete corregido. ¿Bi ha muitas endrezeras por siñalizar en o tozuelo d'a

Ha abiu problemas, con chen de dentro y chen de fuera, con cartografías que ya son feitas, porque son reazios a emplegar estas formas. Cuan metes una mesa interpretatiba y metes es nombres, los metes en aragonés. No puez fer una cartografía con unos nombres (Comachibosa) y en as mesas atros nombres (Vignemale). Emplegas es dos porque son nombres internazionals.

S'intenta tener un criterio d'unificazión y que ixo baiga quedando.

Si metes a Bacalizuala a la chen li da igual. Pero si metes Treserols sí, porque ixo ye Monte Perdido. A chen ye reazia a azeptar ixos nombres. Mesmo m'han plegau a dezir que no son berdat, que me los imbento. Y no ye asinas; de feito bi ha nombres que sé que no se claman asinas, pero nadie m'ha dau un nombre d'ixe pico. Si no me dan Punta Negra, s'ese quedau Tallón, anque yo sabeba que Tallón no yera, porque tallón ye un corte en o chelo que daba a chen d'o país, os contrabandistas, porque en a Breca yeran os carabiners. ¿Se respeta a siñalizazión? ¿Bi ha casos d'agresions a la siñalizazión?

Agresions sí que bi'n ha. A istoria ye localizar l'agresión que ye direuta a o siñal y a que ye a la informazión d'o siñal. Bibimos en una soziedat con muita chen que somos unos mandarras, y bas por o mon y te trobas un poste con informazión de t'an bas, y ixe camín ye limpio y l'atro no te leba ta'l puesto, u te pierdes. Bueno, ixas agresions esisten.

L'agresión contra la informazión ye más rara. A chen en l'inte que beye una cosa que ye ofizial, no gosan tocar-la. Gosa aber una cretica, y podrán dar mal, pero la chen no gosa tocar ixo, no.

chen de PRAMES? En tiempos se lebaba una ideya de fer un troballo, pero agora bi ha una demanda de conzellos. Os conzellos dizen "quiero que m'acondizionez o camín que ba ta la cruz". Bien, bas, fas un estudio de cómo son os camins, si se pueden apañar. Con ixe estudio se presenta a o conzello un dosier. Si o conzello dize sí, cal ir a esbrozar-lo, a pintar-lo, se meten os siñals. En estas señalizazions s'están metendo plantas que bi ha en o camín. Se gosan meter en latín, que ye o nombre común, y o nombre en castellano y o nombre en aragonés; que se gosa meter l'autoctono de la zona. A señalizazión se mira de meter, si se puede, bilingüe; y si no meten trabas se mete en aragonés.

¿Cómo se beye iste treballo dende atros países que tenemos amán? Nabarra, Cataluña...

Lo que ye limpieza y señalizazión, imos per debán de la mayor parte d'España. Y dende aquí s'han feito señalizazions de camins en Nabarra. El treballo lo puedes fer igual que cualquiera.

Con a toponimia tenemos un problema gran.

A l'aragonés no se le quiere reconoxer que ye una fabla, y que encara s'emplega. Igual Alpina dende Cataluña, y Sua dende Nabarra, unos no han reconoxiu a toponimia, siguen metendo-la como estaba, y atros lo que han feto -agora por lo cheneral lo gosan fer toz- ye copiar a toponimia de PRAMES. Allora si PRAMES tiene una error, ellos tamién, porque no fan troballo de campo. Fa poco salió en a prensa que eba meso un trozo d'Aragón en Cataluña en un mapa de Sua, d'os bascos. Nunca han estau respetuosos, ni con a grafía a la ora d'escribir, ni con a toponimia. Esta chen no fan que creticar-nos y no fan que dezirnos que nos imbentamos. Cuan ellos los meten en eusquera u catalán no bi ha garra problema. Sí que lo copian, pero porque se supone que tu has feto un troballo. A chen en a montaña lo que gosa fer ye adedicar-se a repetir lo que han feto de toda la bida.

Si un montañero famoso ha puyau ta un pico, a chen ba ta ixe pico. A chen no gosa ir ta'l pico que bi ha más tabaixo.

Me pienso que a PRAMES la beyerán como una impresa que se les ha minchau o mercau, en o caso d'Alpina. Y Sua no fan que creticar. Ye asinas a cosa. Ye una de las cosas por las que más me mosqueo.

O Espiello

numero 5

primabera 2003

19

Discos

BELLE AND SEBASTIAN

STORYTELLING JEEPSTER, 2002

Ye agüerro. El sol se'n ba. Es colors royizos d'es arbols asoman per la fenestra chunto a ixa companyera nuestra a la que le dizín poluzión. Ye una nuet que se presenta prou polida pos l'agulla d'el tocadiscos ye sobre "Storytelling", el más reziente álbum de Belle and Sebastian.

Cabo el 2002 es afizionaus a la buena mosica nos trobén con un d'ixes regalos con es que nos obsequian cada zierto tiempo estes escozeses.

Belle and Sebastian ye un d'ixes grupos que fa anyos que deixón la etiqueta de grupo de futuro ta combertir-se en grupo de presente, d'ixe pop independién que parla con intimismo de tú y de yo, de chen que conoixién y de chen que bel día conoixerén.

Este disco estió conzebiu ta acompanyar las secuenzias de la nueba película de Todd Solonz, "Storytelling". En zagueras como el director de la tamién aclamada película "Happiness" dezidió de no meter-ne más de seis minutez, es de Glasgow dezidión de publicar un álbum con tot el material que eban entregau. Belas parladetas d'el filme se ban mezclando con las canzions instrumentals (algo nuebo respectibe a'l suyo repertorio) y bocals. Es millors momentos d'el disco: "Consuelo Leaving" con ixe cambeo de tempo que te redite per dentro; "Big John Saft" una canzión que bien podría aber estau en el suyo debut "Tigermilk" (l'álbum que tot mosico soniaría componer y per cuya primera edizión limitada en binilo la chen son bosando uns 300 $); la dylaniana "Fuck This Shit" ; y "Freak" la tipica canzión que te fa enzesallos el corazón.

Belle and Sebastian tornan a contrimostrar, con apanyos electronicos u sin els, que el suyo ye el troballo de: -1) fer-te soniar, -2) fer-te más gran u más chicot el corazón, y -3) componer melodías perfectas ta tiempos que no'l son. Como dizió un tal Víctor Hugo ya fa tiempos: la melancolía ye la dita de ser infeliz.

Serchio Mur

OS LIZERONS

¡ASTRALICA MANO! GAITERS DE ZUERA, 2003

No, no en son tornaus os Kortatu. Ista ye a fura portalada d’o nuebo CD d’os Lizerons, os gaiters de Zuera.

Un disco plen de mosica ta danzar y ta borinas; dianas, polkas, pasabillas, rumbas, jotas, mudanzas d’o danze de Zuera, tot se chunta en una ripa de cantas pensadas ta gronxiar-se, mezclando as bersions de mosicas tradizionals con atras compuestas por Pepín Banzo ta ista colla zufazuriense.

As gaitas de boto, as dolzainas e as percusions, amás amás de atros instrumentos tradizionals, son os protagonistas d’iste disco, anque tamién amanixen as suyas bozes, que no son prezisamén blancas pero que fan d’ista primerenca esperienzia discografica d’os Lizerons un intresante resultau.

Ye curiosa a bersión en aragonés d’a Perra Isabel, con una nueba parola creyada por Roberto Serrano (Orquestina d’o Fabirol) espezialmén ta la ocasión, una parola a la que cal buscar-le o segundo sentiu.

Paix que o trango de l’animazión y os pasabillas en as plazas a l’estudio de grabazión ha merexiu a pena, pero asperamos continar ascuitando-los en as carreras y en as fiestas d’os nuestros lugars.

Chusé Bolea

20

O Espiello

numero 5

primabera 2003

A chugar, a leyer!

Engueramos ista nueba sezión adedicada ta os que estarán os futuros fabladors, os ninons; ixos pitufos que maitín ferán que a nuestra fabla contine biba, y que asperamos pleguen a conoxer y emplegar cutianamén un aragonés ofizial y dinno.

14-16 años

TA O MIO CABO D'AñO ...

PASTETAS DE LIMoN RAPEDAS.

CHUGAMOS? A RABOSA.

s

Ta fer 20 pasticas. Calienta o forno a 180 graus. Con una batedora, mezcla un poziello (125 gramos) de farina, una cullarada de farina de roz, 100 gramos de mantequilla freda esmicazada, meya cullaradica de raspaduras de limón y una cullarada de suco de limón. Pasa a masa ta una tabla enfarinada y estendilla-la en una lamina de meyo zentimetro de gordaria. Talla as pastetas en os modelos que deseyes y disposa-las en una fuen de forno cubillada con paper d'aluminio.

Fornea-las de 10 a 12 menutos, dica que sigan de color amariella palida. Dixa-las enfredar en una rexeta.

Dende 9 años

Un chuego de busca y engalzamiento ideyal ta escursions t'o campo.

Tiempo aprosimau: 30 menutos.

Chugadors: zinco u más.

Material: un chiflo.

1. Trigaz un chugador que ferá de rabosa ista partida 2. A rabosa sale a escar un puesto do amagar-se en o campo.

Tanimientres, os demás chugadors asperan en un puesto siñalau.

3. Cuan a rabosa creye que ya ye bien amagau, fote tres c hiflius, que son o siñal alcordau ta que os demás enzeten a busca siguindo o son.

4. De cabo a cuan, a rabosa fa sonar o chiflo, repetindo-lo cuantas begadas siga menister mientres a busca, ta orientar a os buscadors.

5. Ta estorbar a busca, a rabosa puede mober-se-ne cuan s'amanen os buscadors, y en caso d'estar escubierto mira de fuyir correndo.

6. O chugador que consiga apercazar primero a la rabosa gana a partida y ocupa o puesto suyo en a siguién.

g

“Si corren as boiras, senta-te tu.

Si as boiras se paran, ya pues correr.”

O Espiello

numero 5

y

primabera 2003

Por Chabi Gimeno

21

Reportache Por a bal de Tena continan tenendo un puerto, O Portalet, que se pasa trancau a gran parti de l'ibierno por a dixadez d'os suyos bezins franzeses, que fan un nulo mantenimiento d'iste puerto, y malas que nieba u chela ha d'estar trancau.

Tanimientres o Gubierno Aragonés tendría que prebar de amillorar as suyas carreteras interiors y demandar d'una begada l'Exe Pirinenco. Fa unos meses beyemos en a prensa que s'iba a dar un impulso finitibo a o tramo Samianigo-Fiscal por parte d'o Menisterio de Fomento. Mesmo o suyo menistro i binió a fer a debantadera d’as obras. Este sería un tramo fundamental ta ebitar o puerto d'o Cotefablo. Pero as espeutatibas son as de cutio ya que a calendata fixada ye ta dentro 4 añadas. Y encá que o tramo Campo-L'Ainsa ba bien china china, a reyalidat ye prou cruda, y si solo s'impulsan os tramos Norte-Sur y no pas os Este-Ueste solo benifizian que os grans zentros urbanos.

Trasporte en as güegas Por Chusé Ramón Barrios

E

n zagueras s'ha charrau muito d'os tunels y pasos fronterizos con Franzia. Y ye que con l'apertura d'o tunel de Somport o 17 de Chinero se metió fin a cuasi 10 añadas de idas y tornadas, pleitinas con o Gubierno y poblazión franzesa, y as suzesibas reconsiderazions d'iste con os plazos. Istos han estau supeditaus a prebas ta balguar os sistemas y plans de seguridat dimpués d'as esferras en os tunels d'os Alpes.

En primeras o tunel de Somport iba a estar una autobía que esnabesase o Pirineo por un túnel de 8 kilometros, pero a chen d'a bal d'Aspe sabeba que a suya bal no podeba aguantar una presión d'ixa mena. As suzesibas manifestazions y declarazions d'a chen d'a montaña, chunto con as zircustanzias politicas franzesas chenerón una razonable sensibilidat meyoambiental en Franzia. Por un costau a presenzia en o gabinete de Jospin d'a menistra de Meyo Ambién, a ecolochista Voynet (que añadas ta zaga s'eba manifestau en a bal d'Aspe en contra d'o tunel carretero), y por atro o menistro de Trasportes, o comunista Gayssot. Y, prou que sí, a poca credibilidat d'o Gubierno franzés en as comunicazions con Aragón rematón con fer retacular a o Gubierno de l'Estau español y quedar en una simpla carretera rechional.

Tot isto estió un espalde a las aspirazions que a bal de l'Aragón siempre eba bisto en iste túnel. Ta ellos as suyas esperanzas de futuro siempre han pasau por un masibo desarrollo y no pas por a conserbazión d'a suya riqueza natural.

Anque no iguals, bi ha casos aparexius en Aragón: A chen d'a ball de Benás leba muitas añadas dezaga d'un túnel do remate l'esbarre d'a suya carretera de l'espital. Un túnel que chunte Benás con Luchon. Pero ya quedó esclatero por parti d'os dos estaus, franzés y español, en una reunión en l'año 2000 que no impulsarían esta unión.

En a bal de Bielsa dimpués de conseguir, fa años, o suyo túnel, les ne trancón estiaño por unos diyas. A o parixer yera perigloso ta o paso de cambions y de más autos grans. A chen d'a bal se manifestó y paix estar que un sistema de semaforos conseguirá que os cambions tornen a pasar-ie. Con tot y con ixo a chen siguen manifestando-se por un paso digno.

22

Gara entrenazional de Canfrán.

Pero con tot y con ixo no cal ixuplidar a esperenzia d'atros países y pasos: En os Alpes franzeses se costruyó en 1980 o túnel de Fréjus, que seguntes os politicos locals iba a desenclabar a bal y relanzar a economía suya. Pues bien, esta obra prebocó un prozeso de degradazión economica, sozial y meyoambiental d'esta bal. En lugars como Saint Michel ye imposible mantener una charrada en as zeras, as botigas tremolan con o paso d'os cambions y os suyos escaparates son ruxiaus por un chiqueta capa de grasa.

O túnel multiplicó por seis en diez años o trasporte de mercanzías por a bal, este intenso fluxo de mercanzías obligó a costruyir una autopista que arrasó os fondos d'as bals con conchunzión de formigón y ringleras d'arbols. A tot esto se chuntó l'aumento d'os endizes de contaminazión. En bels puntos o numero de bezes que se sobrepasa l'umbral de protezión d'a salut y o de protezión d'a bechetazión ye superior al que se produze en a ziudat de Grenoble. En Chinero de 2001 os

O Espiello

numero 5

primabera 2003

Reportache Gubiernos de Italia y Franzia dezidión de costruyir un nuebo túnel carretero de 52 kilometros en o Montcenis que plegará dica Saint Jean, a capital d'a bal de Maurienne. As amostranzas d'a istoria no se son aprendidas.

Manimenos a gran manca d'Aragón ye una apuesta finitiba por parte de toz por un paso ferrobiario. Anque paix que ya nian os franzeses apuestan por ixo. O poco ficazio de l'Estau español y os zaguers plantes s'han debiu en parte a la dentrada d'o gabinete de dreitas en o Gubierno franzés.

Por un costau o túnel de baxa cota d'o mazizo d'a Comachibosa, y por atro o retraso definitibo en a reapertura d'o túnel de Canfranc. Tot esto fa pensar que os franzeses no tienen mica intrés por un paso ferrobiario por o Pirineo aragonés. A mesma chen que añadas antis s'eba manifestau en contra d'o tunel carretero, y que encara mantienen bibo l'esprito ecolochico en a bal d'Aspe, tendrían que obligar a o suyo gubierno a reubrir o túnel ferrobiario. A tornar a bida a toz ixos puens, tunels y estazions que a mayoría d'a chen que i bibe no ha bisto nunca en funzionamiento.

Pero a berdat ye que nian en a parte aragonesa se beyen muitas espeutatibas de futuro en a linia d'o "canfranero".

En o mes de Chinero s'empezipió a contrimostrar as defizienzias de una linea que dende a suya inagurazión en 1928 no ha teniu garra reforma. O gran descarrilamiento en o puen de Bellanuga y ,semanas más tardi ,o choque contra una roca en a Galliguera fazió que s'anulase toda traza de trasporte por unos meses. A

Dentrada d’o tunel d’o Somport en Aragón.

nezesidat d'a subenzión d'o Gubiero d'Aragón ta mantener ista linea fan pensar as pocas ganas de l'Estau español de que esta linea i contine.

Asperemos que o gudrón no dentren masiau en os más fráchils ecosistemas,y en a mida d'o posible no se dixe a un canto os lugarons que, encara que no sigan un paso estratechico, ta os suyos abitadors si en son.

Conduze-te agora a O ESPIELLO y colabora en a espardidura de l’aragonés Nombre y apellius Adreza Poblazión Trestallo postal

Telefono

Domiziliazión bancaria Entidat Ofizina

D.C.

Cuenta Siñadura (Impreszindible)

Nimbía ista conduta ta l’Asoziazión cultural Nogará trestallo postal 4.141- 50.080 Zaragoza, u a trabiés d’o correu eleutronico: asoziazion@nogara-religada.org Os datos recullius en ista conduta son confidenzials. Tiens dreito a demandar que te sigan consultaus, autualizaus u anulaus.

O Espiello

numero 5

primabera 2003

23

COLABORA:

CULTURA, TURISMO Y DEPORTE