Page 1

ACTORES  PROFESIONAIS  DA  ESCENA  GALEGA  XUNTARÁNSE  NUN  SINGULAR OBRADOIRO DE INTERPRETACIÓN DIANTE DA CÁMARA    ‐  A  Asociación  de  Actores  e  Actrices  de  Galicia  organiza  co  patrocinio  da  Fundación  AISGE  unha  convivencia  formativa  nun  pazo  de  Cospeito  ao  que  se  achegarán  destacados profesionais do mundo do cine    Santiago,3‐xullo‐09.‐  Catorce  actores  e  actrices  profesionais  galegos  xuntaranse  nun  “Obradoiro de interpretación diante da cámara” para afondar nos seus coñecementos  e  aptitudes.  A  iniciativa,  organizada  pola  Asociación  de  Actores  e  Actrices  de  Galicia  (AAAG)  co  patrocinio  de  Fundación  AISGE,  ten  a  singularidade  de  facerse  en  réxime  pechado nunha convivencia que terá lugar entre o 6 e o 10 de xullo na Casa do Pacio,  en Cospeito (Lugo).    O  obxectivo  desta  actividade  formativa  é,  por  unha  banda,  o  de  ofrecer  claves  específicas  a  actores  e  actrices  acostumados  á  escea  teatral  e  que  queren  ampliar  horizontes  no  seu  oficio  cara  a  interpretación  cinematográfica,  pero  tamén  ofrecerá  aos participantes a oportunidade de profundizar nos seus coñecementos e poñelos ao  día  grazas á aportación dun profesorado experto en diversas materias.    As xornadas de traballo serán de oito horas se ben a convivencia o resto do día tamén  contribuirá  a  darlle  forma  aos  obxetivos  que  persegueo  obradoiro.  Polas  mañás  centraranse  no  traballo  práctico  e  a  recreación  das  condicións  dunha  rodaxe  e  nas  tardes haberá sesións de análise fílmica tanto de películas completas secuencias como  de secuencias maxistrais.     Haberá  tempo  tamén  para  os  encontros  con  profesionais  do  mundo  do  cine,  que  compartirán experiencias e refexións cos participantes no obradoiro. Así, entre outros,  achegaránse  ata  Cospeito  a  actriz  Marta  Fernández  Muro,  os  directores  de  cine  e  televisión Jorge Coira e Eva Lesmes ou a dramaturga Macarena Pombo.    Os profesores deste obradoiro son Eva Lesmes e Javier Gancedo da escola Central de  Cine. Ambos teñen unha ampla formación e unha longa experiencia profesional tanto  na  televisión  como  no  cinema.  Eva  Lesmes  formouse  na  dirección  de  actores  con  William  Layton,  José  Carlos  Plaza  e  John  Strasberg,  e  é  directora  de  de  títulos  coma  “Pon un hombre en tu vida” ou “El Palo” na gran pantalla, e “El Comisario” e “Maitena,  Estados Alterados” para TV. Foi gañadora do premio Pilar Miró da ATV ó mellor guión  (2000).  Pola  súa  parte,  Javier  Gancedo  é  guionista  e  script  editor  e  desenvolveu  numerosos guións de cinema e televisión. Foi gañador do Premio Pilar Miró da ATV ao  mellor guión (2001), guionista na serie “Córta‐T”, da longametraxe “Pradolongo” e da  tv  movie  “La  noche  del  escorpión”,  entre  outros.  Na  actualidade  dirixe  o  equipo  de  guionistas  da  serie  “Estados  Alterados,  Maitena”,  da  que  é  coautor  xunto  con  Eva  Lesmes. 


Reseña currícular dos invitados máis salientables ao curso  ‐Marta Fernández Muro: Actriz de extensa carreira tanto no teatro, onde traballou ás ordes de Robert  Lepage  e  Adolfo  Marsillach,  como  no  cine,  onde  traballou  con  Pedro  Almodóvar,  Fernando  Colomo,  Mario Camus, Luis García Berlanga e Alex de la Iglesia. En televisión participou en series coma “Farmacia  de guardia”, “Cuéntame”, “Periodistas” ou “Amar en tiempos revueltos”, entre outras.    Macarena  Pombo  Dramaturga  e  directora  de  escena.  Participou  en  series  de  televisión  como  “Hermanos  y  detectives”,  “Maitena,  estados  alterados”  e  “Amar  en  tiempos  revueltos”  e  en  longametraxes coma “Todo sobre mi madre” e “Hable con ella” de Pedro Almodóvar, e “El laberinto del  fauno” e “El espinazo del diablo” de Benicio del Toro, entre outras.    Jorge Coira: Como director asinou series de ficción como “Mareas Vivas”, “Terra de Miranda”, “As Leis  de  Celavella”,”R.I.S.”,”  Padre  Casares”  ou  “El  Comisario”  e  longametraxes  como  “Entre  Bateas”,  “O  Anoda Carracha” e “18 comidas” (actualmente en proceso de montaxe).        Máis información: Miriam Alonso (629 14 07 39) – Juan Luis Rodríguez Cudeiro (639 60 23 20)  Ipequeña Comunicación (Gabinete de Prensa da Asociación de Actores e Actrices de Galicia) 


http://aaag.es/wp/wp-content/uploads/nota-aaag-rev-02  

http://aaag.es/wp/wp-content/uploads/nota-aaag-rev-02.pdf

Advertisement
Read more
Read more
Similar to
Popular now
Just for you