Djamars 23 Aprel 2013
BONEIRU
13
Boneiru ta selebrá inaugurashon na Rincon
KRALENDIJK - Djaluna 29 pa djamars 30 di aprel di 03:00 pa 05:00 di mardugá den e bario di Rincon lo selebrá e inougurashon di kambio di Reinado. Habitanan di Boneiru ta keda kordialmente invitá pa den un esfera
festivo krioyo sigui e inougurashon aki. Den sentro di bario Rincon lo tin pantayanan grandi kaminda tur esunnan presente por sigui e inougurashon bibu i direkto for di Amsterdam. Agrupashon musikal Kompèr lo soru
pa animashon musikal. Mas o menos 4’or di marduga diputado Silvana Servilia lo hiba un diskurso kortiku. Pueblo kompleto ta kordialmente pa eksperensiá e momentu historiko aki.
Mas ku 1750 mucha lo partisipá na e Weganan di Rei dia 26 di aprel den Stadion di Boneiru
KRALENDIJK Djabièrnè 26 di aprel alumnonan di tur skol básiko di Boneiru lo partisipá na e Weganan di Rei. 8.30 e Sekretario di Estado di Enseñansa, Kultura i Siensa, Sander Dekker, lo duna señal pa e weganan den stadion di Playa kuminsá.
Na e momentunan aki e grupo di trabou Inougurashon di Reinado ta drùk bezeg ku e preparashonnan di e weganan aki. E parti deportivo di e ‘tienkamp’ ta konsistí di 10 diferente wega, adaptá na e diferente gruponan di edat di e partisipantenan. Por ehèmpel pa esnan mas yòn tin futbòl di mesa, skyloop, gòlf i ‘piskamentu’. E muchanan di e gruponan mas haltu lo hunga entre otro trèfbal, hockey o kòrfbal. Kanamentu den saku,
tiramentu di pinalti i futbòl tambe ta riba e programa. Lo klousura e parti deportivo ku un estafèt. E programa ta terminá ku un kuminda kayente. Un grupo di kòki di Bonaire Culinary Team i un grupo di studiante Boneriano ku ta kore stazje e aña aki na Italia, bou di guia di Vernon Martijn, lo sòru pa e kuminda. E weganan a bira posibel dor di e esfuerso di sentenáres di boluntario di e skolnan, e Entidat Públiko di Boneiru, Ministerio di OCW i Rijksdienst Caribisch Nederland. Den e siman promé ku e weganan lo hiba paketenan di desayuno na tur skol den kuadro di un desayuno di Rei. Supermerkadonan di Jumbo den koperashon ku algun partner a regalá e
paketenan di desayuno. Warehouse Supermarkt a kolaborá dor di laga e kahanan di desayuno di Rei aki yega Boneiru i nan a duna pan dushi, fruta i capri sun pa tur e partisipantenan di e Weganan di Rei. Den hinter reino kasi 1.3 mion mucha lo partisipá na e Weganan di Rei. Rei Willem Alexander i Reina Máxima lo bishitá e skol ganadó na Boneiru na novèmber.
vestigashon. Djaweps anochi a kontrolá kuater persona, despues ku a sospechá ku posiblemente nan tabatin droga huntu ku nan. For di e investigashon a sali na kla ku di e kuater sospechosonan arestá, nan edat ta varia entre 19 i 38, dos di nan tabatin droga huntu
Notisianan di Polis
DETENSHON PA VIOLENSHA DOMÉSTIKO Djasabra 20 di aprel pa mas o ménos 01.22 a dirigí un patruya na un kas den kaya Azusena pa un pelea entre un hòmber i un muher. Na e lugá a resultá ku durante di un interkambio fuerte di palabra e hòmber E.E.H. mester a maltratá e muhé. E lep parti abou na boka di e señora tabata hincha i tin un kap. A detené e hòmber pa violensha doméstiko i a pone na disposishon di hustisia. Weganan di Rei dia 26 di Aprel.
Marechaussee ta investigá smòkel di mariwana na Boneiru
KRALENDIJK E Koninklijke Marechaussee na Boneiru ta investigando dos sospechoso ku a purba smòkel bolita ku supuestamente mariwana. A gara e sospechonan na aeropuerto Flamingo, kaminda Marechaussee ta enkargá ku kontròl di frontera i tareanan in-
Fotonan ta di bishita di famia Real na Boneiru na 2011
ku nan, di kua un sospechoso tabatin 317 gram di cannabis i e otro 32 bolita ku supuestamente mariwana den su kurpa. Marechaussee na Boneiru ta sigui investigá e sospechosonan arestá. E dos sospechonan arestá ku no tabatin droga huntu ku nan a keda poné den libertat.
Djadumingu 21 di aprel pa mas o ménos 00.39 a dirigí un patruya na un kas den kaya Tumba pa un kaso di violensha doméstiko. Durante di un pleitu e hòmber L.E.C. di 29 aña a maltratá su kasa, poniendo ku e señora mester a haña tratamentu médiko. A detené e hòmber i a pone na disposishon di hustisia. LADRONISIA Djasabra 20 di aprel pa mas o ménos 02.30 keho a keda entregá di hòrtamentu di un skuter. Ta un skuter di marka Honda, kolo blou/blanku ku strepi kòrá numerá MF-537. E skuter tabata para dilanti di un negoshi den Kaya Hermandat. Deskonosínan den anochi di djadumingu 21 di aprel a bai ku un outo ku tabata para na Plaza Fraternan di Tilburg. Ta trata di un Toyota Yaris 2000 numera B-968 kolo di plata. Tur dos e kasonan aki ta den investigashon.