Njohuri Gjuhësore
Gjymtyrët e dyta
Duhet të mësojmë
Gjymtyrët e dyta si pjesë plotësuese të fjalisë. Të dallojmë llojet e gjymtyrëve të dyta: përcaktorët, kundrinorët dhe rrethanorët
që të arrijmë
Të njohim dhe të përdorim si duhet në fjali llojet e ndryshme të gjymtyrëve të dyta.
Katër anije, për herë të parë në historinë e njerëzimit, hynë ngadalë në ngushticën e heshtur. Kodrinat bregdetare dukeshin si male magneti. Së largu shkëlqenin majat e maleve. Era sillte ngadalë frymën e tyre të ngrohtë. Nuk dukej asnjë qenie e gjallë, rreth e qark dalloheshin zjarre flakëruese, prandaj Magelani e quajti këtë tokë, Toka e Zjarrit. Gj. kryesore
Era e lehtë
220
sillte
ngadalë
frymën
e ngrohtë
Gjymtyrë të dyta
Fjalia e thjeshtë, përveç gjymtyrëve kryesore, kryefjalës dhe kallëzuesit, ka edhe gjymtyrë të tjera që lidhen me to. Gjymtyrët që plotësojnë, sqarojnë dhe përcaktojnë gjymtyrët kryesore quhen gjymtyrë të dyta. Gjymtyrët e dyta ndahen në tri kategori të mëdha: · përcaktorë · kundrinorë · rrethanorë
Përcaktori Të mësojmë:
që të arrijmë:
-Përcaktorin dhe ndajshtimin si një lloj përcaktori:
-Të dallojmë e të përdorim si duhet përcaktorin dhe ndajshtimin në fjali.
♦ Lexoni me vëmendje tekstin e mëposhtëm, dalloni bërthamën dhe përcaktuesit e grupeve emërore. Kujtojmë së bashku - Cilët janë përbërësit e grupit emëror. - Cili lloj përcaktori përdoret më shpesh? Me se shprehet?
Në një nga mbrëmjet e marsit, andej nga ora gjashtë, udhëtarit i qëllon të vështrojë një dukuri të rrallë dhe fort të çuditshme. Dielli symadh dhe i përflaktë si ndonjë qenie vigane që ka marrë zjarr, varet mbi det duke bërë poshtë e gjithnjë më poshtë, thuajse kërkon të shuajë atë zjarr në zhytjen e pashmangshme. Hëna, në lindje të horizontit, e plotë dhe e qetë, siç është hëna pesëmbëdhjetëditëshe, ngrihet si ndonjë nuse e dëlirë me dritë të butë e të ëmbël. Sipas Jakov Xoxës