ԲԱԳԻՆ

«Բագին»ը գրական պարբերաթերթ մըն է, որ կը հրատարակուի տարին չորս անգամ: Ան առաջին անգամ լոյս տեսաւ 1962-ի Յունուարին, իբրեւ վարիչ խմբագիր ունենալով Կարօ Սասունին, իսկ խմբագիրներ՝ Եդուարդ Պոյաճեան ու Պօղոս Սնապեանը: Խմբագրական կազմին անդամ էին հոյլ մը գրագէտներ՝ Յարութիւն Գեղարդ, Տիգրան Ոսկունի, Բաբգէն Փափազեան եւ Վահէ Օշական: Թերթը կը նպատակադրէ արժանաւորապէս ներկայացնել ժամանակակից հայ գրական անդաստանի մշակներուն ստեղծագործական աշխատութիւնները, եւ զանոնք քաջալերել: Ան ներկայիս կը տպուի Պէյրութ, Լիբանան եւ կը բաշխուի զանազան երկիրներու իր բաժանորդնե