“ Dona mare mia benedeta ! “
di:
Domenico Marchesini “Mènego Pìcolo”
Dona mare mia benedeta !
Da ano in quà oben e despùo sie misi cô v’he mandao, ze che no he ‘buo e no sè nuove de voltri e gni pussùo saveh ninte de Gravo. Siben che no sòn purassê indalunzi, ma istesso me par quà a Naquilea de d’esseh in cavo ‘l mondo! Comò che pitosto bramaravo de murih coninco de fah ‘ncuo cussì la massera! Basta a dih, la veritae che ze za da mundi albe che no cato posso no de dì e gni de note, per tante faìghe che me toca paih: che per fin he scugnuo anche a fah de furlana co ‘l lavorah int’i canpi.
senza de manco dihve che oni mantina dalongo dismiziagia ‘nanzi che lieva ‘l sol, me tòca a caminah più de do mje pe ‘ndah a pozzo a urihme tre o quatro sege de aqua, igiahmela in cavo sola, puo, ‘npigiah ‘l fogo, cuoseh ‘l cafè, vistih i mamuli e i fantulini che i ze duti malusai e figoti; e cussì, senpre int’un, senpre int’un duta la zornâ intrega!
E co’ duto che travagio tanto, no sènto nome che bruntulii e renproviri e no vègo nome che visi ‘npustumai de ‘l paron e de la parona e de duti ‘i oltri che vien per casa: freli, suore, nievi, cugniai, zarmani e de ogni covo del so parentao, che duti i me comanda e me maltrata. Me no posso più sueseh! Son doboto morta!
Donca, mare mia benedeta lievéme de ‘sti turminti; mandej dih al barba o a ‘l amia che i vegna a tohme. Vôgio vignih a Gravo! sì a Gravo, a casa mia! Son Vostra figia, che pianze…
* * *
Copyright@2012