Mæna 2012

Mæna 2012 Letur, þjóðerni og tungumál Mæna er tímarit eða ársrit um grafíska hönnun á Íslandi gefið út af námsbrautinni grafísk hönnun við Hönnunar- og arkitektúrdeild Listaháskóla Íslands. Ritstjórn er í höndum Dóru Ísleifsdóttur, fagstjóra og lektors, en útskriftarárgangur námsbrautarinnar þetta ár hannaði blaðið undir handleiðslu Harðar Lárussonar, stundakennara og grafísks hönnuðar. Reynslan af þróun tímaritsins hefur átt þátt í að opna augu nemenda fyrir þeim möguleikum sem felast í rannsóknum og fræðilegri umfjöllun um listgrein sína og með því að skapa vettvang fyrir fræðilega umræðu gefst grafískum hönnuðum tækifæri til gagnrýnnar umræðu um greinina í samtímanum og áhrif hennar.