• Ikhthus Beurslening – Studente wat hulself in ’n elektriese rigting wil bekwaam; • Tuisversorging Beurslening – Studente wat hulself as tuisversorger wil bekwaam; • Arend J de Kock Beurslening – Studente wat hulself in ’n gespesialiseerde rigting wil bekwaam; • CED Beurslening – Studente wat hulself as ‘n Siviele Ingenieur wil bekwaam; • Dr Steve Booysen Beurslening – Studente wat hulself in fynere kunste wil bekwaam; • Jeanette Lüttig Beurslening – Studente wat hulself as maatskaplike werker wil bekwaam; • Breda Lombard Beurslening – Uitsluitlik vir behoeftige studente; • Rapport Onderwysfonds Beurslenings – Studente wat hulself as onderwyser wil bekwaam; • Gemeenskapsbeurse; en • Verskeie ander onafhanklike beurse. Aansoekvorms: Voornemende en huidige studente asook huidige beursleningshouers wat belangstel om aansoek te doen vir hierdie beurslenings kan jaarliks vanaf 1 Mei aansoekvorms aanvra. Sien kontakbesonderhede hieronder. Terugbetaling van beurslenings: 1. Dit is die student se verantwoordelikheid om na afloop van elke studiejaar ‘n vorderingsverslag aan ons kantoor te versend ten einde ons in staat te stel om kontrole toe te pas rondom die terugbetalingsperiode; 2. Daar sal elke jaar aan die student ‘n hoofskuldbewys gestuur word om aan te dui hoeveel die uitstaande skuld is; 3. Na afloop van die student se studies sal daar aan hom/haar ‘n finale hoofskuldbewys, debietorder en bevestigingskrywe gestuur word. ‘n Keerdatum sal vasgestel word waarin die student verplig sal wees om die beurslening terug te betaal; 4. Na finale afbetaling van die beurslening sal die student ‘n skrywe ontvang met ‘n opbetaalde hoofskuldbewys. Sluitingsdatum: Eksterne en onafhanklike beursfonds aansoeke sluit jaarliks op 31 Oktober om 12:00. Rapport Onderwys Fonds beursfonds aansoeke sluit jaarliks op 31 Augustus om 12:00. Voltooide aansoekvorms moet na gemelde kontakbesonderhede versend word. Studente moet betyds aansoek doen vir die daaropvolgende jaar om teleurstelling te voorkom. Toekomshoop Helpende Hand doen ‘n beroep op die
12
Afrikaanse gemeenskap om te help bou aan die Afrikaanse Beursplatform. Help ‘n jongmens om opgelei te word. Die res is sy/ haar verantwoordelikheid. Individue raak maandeliks deel van die armoede oplossings deur onafhanklike beursfondse te stig. Deur hierdie mense se onbaatsugtige bydraes maak hulle ook ‘n direkte belegging in die toekoms van die land. Hierdie mense is helde van hoop. Die Afrikaanse Beurs Instituut lewer ‘n administratiewe diens aan al die onderskeie beursfondse. Die beteken dat Helpende Hand verskillende beursfondse volgens elkeen se unieke kriteria administreer en bemark. Elke beursfonds behou egter beheer oor sy eie fondse en word bestuur deur sy eie beurskomitee, tensy anders versoek. Die voordeel van die Instituut is dat die voornemende student op een plek kan aansoek doen maar toegang het tot ‘n verskeidenheid van beursfondse. Sodoende kan ‘n maksimum aantal studente finansieël gehelp word om verdere opleiding te kry. Indien u wil deel word van die Afrikaanse Beursplatform is die opsies soos volg:
Skenk ’n enkelbedrag, ’n maandelikse bedrag of skenk deel van u familietrust as beursfonds;
Begin u eie beursfonds en laat so ‘n nalatenskap wat ook ‘n toekomsbelegging agterlaat;
Begin as ‘n gemeenskap of kerk ‘n beursfonds om een of meer student per jaar te help.
Laat ‘n deel van ‘n boedel na vir ‘n beursfonds en so ook ‘n nalatenskap.
“Wanneer jy gee moenie onthou, en as jy ontvang moenie vergeet!” Kontak gerus ons kantoor vir enige navrae. Posadres: Die Beursfondsbestuurder Posbus 8766 Centurion 0046 Tel: 012 644 4428 / 012 644 4390 Faks: 012 664 1295 E-pos: melani@helpendehand.co.za dinah@helpendehand.co.za Ander opsies: Verskeie ander banke en organisasies bied ook beurse. Doen vroegtydig aansoek by alle instansies om seker te maak dat jy ‘n groter kans op sukses het. Vra ook uit oor die tipe prestasiebeurse beskikbaar wanneer jy jou aansoekvorms vir die universiteit en kollege instuur. Die meeste instansies gee eenmalige beurse vir leierskap, akademie of kultuurprestasies op skoolvlak. Daar is ook familiebeurse beskikbaar vir ‘n tweede kind uit een gesin, asook reisbeurse as jy verder as ‘n sekere afstand van die universiteit of kollege bly.
!