paulanan kmi siy ulan maka landu landes nen duk daran. (Tabissara inin sabab bakas gah inurungan ulan meh Jinin diyalem ennem bulan weh Allahuta-ala)” (Qur’an 72:16). Duk mag farman du isab Allahu ta-ala;
“Bennal-Bennal ye meh siye missara, pain de; weh kami ye ru tuhan kamihin Allah sabennal, sartah mag pasabennal teed siye dem pangateyan de sarta tattap siye si pag iba’datan, nah gah nehep ih niye kasusehan atawa ka hanggawan de. Duk siye ne ih meh manusiya dem surga-in, tattap ne siye la-I diyalem ne sa lama-lama duk tumbas de ne si ine-ine bakas ytahinang weh de si bulak dunya inin.” (Qur’an 46:13-14) Oh Allah urungan kami ilmuh nu si Islam sa ekka-ekka duk pa tattapun kami si labeyan kasabennalan ley sampay si ellew makapag bayharap kite si alen Muslim ye si gah niya pag panda amban agama nu ye ne Islam. Oh! Allah, ye tuhan si meh kemon pinapanjari, Oh Allah, pakite hun si kami kasabennalanin, duk urungan kami pangaddatan ye sa lingkat-lingkat kapanuhutan duk pagkasi lasa. Da Pakale hun si kami in kaputinganin, duk urungan kami ye sa bentel-bentel labeyan paka tinggal kami si meh parkalah manggey mahapin. Maku kitebi Hidayat si Allahu Taala si labeyan sampurna pagparambus-bus duk panuhut si Rasulullah . Kinahandak weh Allahu Taala, bang inin hinang te, tadawhat te kemun pana aku ten, kahapan si dunya duk si ellew akhirat. Oh Allah! Tabangun kami magpama-ap duk magpamalillah si Ka-u. tayma-un duwa-a kamihin. Oh Allah! Palissahun si kami kahaggutan kama-apan Nun duk kamamisan ka-ampunan Nun. Lappasun pangateyan kamihin niyah parsugpatan ne seddi amban Ka-u. palamurun kami si meh siye kalasahan Nu duk malasa si Ka-u. pa-elligun kami tu-u si dunya duk si ellew akhirat amban meh makasiya-siya duk maka bo-o bo-o. paniya-un kami amban meh bar-ibadat, pasakupun kami si meh tumpukan si lan bentel. Oh Allah! Kalasahanun kemun meh Muslimin. Oh Allah! Tayma-un duwa-a kami hin.
Barak Allahu li wa lakum fil qur’anil hakim; wa nafah ni wa iyyakum bima fihi min ayati wa zikril hakim; akulu kawli haza wa astagfirullahi li walakum wa lisa-iril muslimin; min kulli janbin fastagfiruhu innahu huwa’tawwa burrahim. (Mura-murahan pinagbarkar weh Allahu Taala toh si kitebi in maha mulliya Qur’an supaya maka urung paruntungan si kitebi ye meh Ayat duk Pag-isseban (Zikr). Bissara ku inin duk paaku ku si Allah ye sa Langkew-langkew duk tamanan patut Minulliya ngampunan si meh duse tebi, maku kitebi si Allah ka-ampunan, Iye sangat mangangampun duk sangat ma-aseh.)
40 | Khutba Tapeneh: Toh Pamasambu si Pagsawmadja Para si Kawman Muslim Dem Pilipinas