Selected Khutba Yakan

:‫ﻗﺎل ﺗﻌﺎﻟﻰ‬ ‫"ﻳﺄﻳﻬﺎ اﻟﻨﺎس اﺗﻘﻮا رﺑﻜﻢ اﻟﺬي ﺧﻠﻘﻜﻢ ﻣﻦ ﻧﻔﺲ واﺣﺪة وﺧﻠﻖ ﻣﻨﻬﺎ زوﺟﻬﺎ وﺑﺚ ﻣﻨﻬﻤﺎ رﺟﺎﻻ آﺜﻴﺮا‬ (١:‫وﻧﺴﺎء واﺗﻘﻮا اﷲ اﻟﺬي ﺗﺴﺎءﻟﻮن ﺑﻪ واﻷرﺣﺎم إن اﷲ آﺎن ﻋﻠﻴﻜﻢ رﻗﻴﺒﺎ")اﻟﻨﺴﺎء‬ Magfarman Allahu Taala: “O kaam meh manusiyah! Tinalew kaam si Tuhan bi Ye marihala si kaam Ye bakas mapanjari kaam amban dambuwa (Apuh te Adam) manusiya, tapapanjari amban iye, yene anda ne (Apuh Hawa) duk amban siye (duwangan) tapapanjari yene meh kalellahan duk kaden-dehan, duk tinalew kaam si Allah, amban iye kaam maaku meh pulih bi duk meh kapatut bi, sabab sabennal te-ed Allahu Taala tattap nganjagahan kaam.” (Qur’an 4:1) Pag-addatan meh pungtinai lella duk dende si Islam! Meh magparatsaya si katunggal Allahu Taala! Sabennal teed, ye Nabi sin Islam magpatanyag (ngaka) weh Narka-in yene tampat panadiya paglahatan si meh manusiyah gey-magkahagad duk simeh siye nulang si towh Allahu Taala. Narka-in yene tartantu lahat makadahit paglahatan. Ye inin dambuwa amban hangkan subey pa-ayad amban meh hinang pakaradja-an mo-o kite hap Narkah (siksah) pinatinnah salama-lama – bang pain kite pinatalibun weh Allahu Taala.

Rasulullah magsabda: “Ibbut-Narkain tagnah pinekketan dangibu tahun teggel nen bahune ngapiyat. Puwas billai, sinunu-an pekket namba dangibu tahun bahune pa-poteh. Pagpuwas, tinambahan dangibu tahun pabalik pinekketan bahune tahinang kayat , kuweh sapantun lindem sangem-bitu bitu ha.” (Tirmizi and Ibn Majah) Pag-addatan meh pungtinai lella duk dende si Islam! Salassayan Narka-in maka dahit. Ye kabinsana-an duk kasiksa-an nen tapa tanyag si labeyan makadahit duk supaya geget matala kite ye janan piyahan te labeyan bang sa-inge kahalli-an te ye meh paradja-an janan makabinsah taabut si ellew-dambuli.

Meh kapung-tinaihan lella pa rende, mura-mura han inin ma-esseban kite ye kaharga-an hinang ammal mahapin tu-u si dunya duk mahallih kite si hinang hinara (pamagesan).

Magtabang kitebi mages si kakahinang shaytan dam kawman; pananagga-in jumatu si kitebi apabila tinggalan tebi mameges hinang mala-atin, kuweh ne meh duse hadje mapatey ganah sabab ne, ngalangpas, nganjabu dam kawman sanyang manusiya-in duk meh seddi pe pinapanjari weh Allahu Taala.

Pag-addatan meh pungtinai lella duk dende si Islam! Gey inin tahinang bissara kalola-an weh ambat ne bisan maka-asek Narkar. Subey kaniya-an ten magpatalibun amban siksah Narkah.

Mala-ingkan subey niyah kasuse tebi si meh kapungtina-ihan lellah duk dende ye meh siye ganah kasuse duk pemikil de bang ine majumatu si ellew-dambuli hin. Ine ne majumatu si meh siye atas-tanggungan si manusiya but taga-kapatut duk pangarta mala-ingkan gah siye magpikir si ellew-Akhirat.

Ye ebbut dam Narka-in gah maka-urung kamumpa-atan tu-u si dunya bang gah rahu ta-tata minduwe duk buhe sabab tarrang inin ta-bissara weh Nabi sin Islam Rasulullah : “Bang gah du bakas ta-tatah duk buhe ibbut Narka-in minduwe, ye ibbut nen gey maka-urung guna (kamumpa-atan) si manusiya tu si dunya.”

Kalasahan meh pungtinai lella duk dende si Islam duk kemon Bar-Iman, mahlum si kemon weh Narka-in niyah pituh (7) lawang ne ye panagama si meh pananaggah (geymaratsaya) duk si Khutba Tapeneh: Toh Pamasambu si Pagsawmadja Para si Kawman Muslim Dem Pilipinas | 219