Allahu Taala magfarman:
“Bennal teed, ye siksah meh siye magbonoh nungka-an Allahu Taala duk Nabi Ne duk ngahinang dahulaka diyata bulak, meh siye ley harus ne pinapatey, atawa pinareppe si babag (cruz) atawa meh tangan-bettis den pinutukan karuwe, atawa jinari ne si siye ilikasan dambulak, ye inin panga-dikdis siye hin si dunya duk sa peddes-pedds kasiksa-an si ellew akhirat.” (Qur’an 5:33) Tarrang manamal kala-atan panungbas Allahu Taala si meh siye mangahinang dahulaka-in. labi ne teed simeh siye pamomonoh (sulang si sarah), ngalangpas, nganjina. Ye iyan meh siye tabilang monoh nguntarahan Allahu Taala duk Rasulullah . Yene ili-en meh a-a, kaniya-an den, si ke-ellum de pe, jinari ne si siye kamatey-mata-in duk pinareppe si babag (krus) atawa pinutukan tangan-bettis den karuwe-duwe atawa tinimanan si tampat-tinapuk. Pangahallih duk Pangellig si Ka-ellum Manusiya ye ne Hima sin Qisas. Qiyasin ye �et a-ellum si tiyap-tiyap a-a gey ka-urungan hargah duk gey kaharga-an. Apabila dambuwa a-a mapatey dambuwa a-a, subey bayeran ne duk katibu-ukan umul ne ye sabab pamapatey ne miyan, malaingkan bang iye mina-ap wemeh matapit usba-waris tapapatey nen. Allahu Taala Magfarman:
“Panganda-akan Kami inin tu-u si siye: ke-ellum duk ke-ellum, mata si mata, ung si ung, teynge si teynge, impen si impen duk para si meh kepepeddi-an atawa bakat subey legal (damsara) pangaganti iye hin; mala-ingkan bang niyan amban siye mabaya diniat (binangunan), inin tahinang ne kiparat si ginhawa baran ne. duk bang niyah amban siye gah panghukum de ye bakas pinaturun weh Allahu Taala hin, kaniya-an den magmasiat.” (Qur’an 5:45) Allahu Taala bakas nganda-ak kite magpaniyah sarah Same-same (qiyas) – ye kahantang nen a-a dibli para si a-a dibli, ye dara-akan para si dara-akan, duk ye dende para si dende. Ye Sarah gana maka-tilew ne apabila puna-an nen duk pangahinang iyehin same-same para si kemon. Pag-aaddatan meh pungtinai si Islam! Magdiatin kawajiban si sine sine makapapatey pagkahi ne a-a, luke pagtu-uran ne atawa inene labeyan. Bang pamapatey ley asal pagtu-uran ne, subey pagbangunin ineddoh amban meh pangartah ne. bang �et a� pagtu-uran atawa aksidente nah subey iye tinabangan magbangun wemeh usba-waris ne, ye inin kinabaya-an weh Nabi te Muhammad .
Khutba Tapeneh: Toh Pamasambu si Pagsawmadja Para si Kawman Muslim Dem Pilipinas | 149