Selected Khutba Yakan

:‫ﻗﺎل ﺗﻌﺎﻟﻰ‬ ‫"ﻳﺄﻳﻬﺎ اﻟﻨﺎس اﺗﻘﻮا رﺑﻜﻢ اﻟﺬي ﺧﻠﻘﻜﻢ ﻣﻦ ﻧﻔﺲ واﺣﺪة وﺧﻠﻖ ﻣﻨﻬﺎ زوﺟﻬﺎ وﺑﺚ ﻣﻨﻬﻤﺎ رﺟﺎﻻ آﺜﻴﺮا‬ (١:‫وﻧﺴﺎء واﺗﻘﻮا اﷲ اﻟﺬي ﺗﺴﺎءﻟﻮن ﺑﻪ واﻷرﺣﺎم إن اﷲ آﺎن ﻋﻠﻴﻜﻢ رﻗﻴﺒﺎ")اﻟﻨﺴﺎء‬ Magfarman Allahu Taala: “O kaam meh manusiyah! Tinalew kaam si Tuhan bi Ye marihala si kaam Ye bakas mapanjari kaam amban dambuwa (Apuh te Adam) manusiya, tapapanjari amban iye, yene anda ne (Apuh Hawa) duk amban siye (duwangan) tapapanjari yene meh kalellahan duk kaden-dehan, duk tinalew kaam si Allah, amban iye kaam maaku meh pulih bi duk meh kapatut bi, sabab sabennal te-ed Allahu Taala tattap nganjagahan kaam.” (Qur’an 4:1) Oh meh Muslim! Paku ku teed si kaam, tinalew kaam si Allahu Taala duk ngahati kaam dam kahadje han (Nihmat) Nen dambuli ne amban meh panganda-akan si labeyan ngurung Iye aturan/sarah bang sa ingge kahantang sin panumba hin duk bang sa ingge pameges ne kaamin supaya gey tumapit simeh kakahinang makapeniyah duse duk meh kakahinang makala-at sudda..

In Allahu Taala gah nganda-ak kaam si Iye sinabab weh kalagihan Ne kaam, Iye nengge weh niyah kalagihan Ne si ine-ine. Subey danaak kaam weh Ne numba Iye peggeh kaam maglagi si Iye hin. Ine meh lagi (pagka-aa bi) si ke-ellum bi hey nga bentel damikkiyan (duisab) in meh pakaradja-an sin pagdunya bi duk meh pag-akhirat bi (gey ngabentel) bang du sangdel si Allahu Taala.

Song nen pe, iye bantuk sin pagsumba si Allahu Taala tasarah tudju kaam makapasambu sin meh baran bi, atey bi duk me nawa bi tudju kasambuhan. Meh pagsumba inin makahap teed si meh dangan-padangan, si meh tumpukan duk bangsa. Bang kaniya-an ateyin duk nawahin ngabentel si kasabennalan, kaniya-an baranin sulig sayambu duk nuba pahap.

Meh kepungtina-ihan pa-lella duk padende si Islam pinag barkanan, Islamin ye ngalaboh sarah si meh kapatut duk meh sukuh hinang meh karendehan. Bang tinumanan meh kapatut inin mato-o si keluhayahan, kasanyangan duk kasulautan si meh bangsa Muslimin. Allahu Taala ye bakas nganda-ak numan si meh kapatutan inin, Iye sangat makahati si meh kemon tinapuk dam katalingkal alam duk si meh hala manusiyah iye ngandaak paguwa si tiyap-tiyap meh tindeg dam kawman duk dam paglahat (karnah ngahati si meh kapatutan).

Si jaman, dam kawman meh bangsa Arabin, ye jaman dume-hellu bahu paniyah Islamin, ye meh bangsa karendehanin gah teed niyah kapatut de si Sarah atawa si kawman (paglahat) taitung hadja siye (meh dendehin) kuweh manusiya deywah bangsa ren sumalih kuweh du meh kapanyapan si lumah salih kuweh gah niyah nyawa ne si genhawa ne, ye kuweh hadja hininang anda wemeh ka-lellahan karnah kasilasa sah pamasangka-an hadja hawa-nafsu weh meh ka-ellahan den.

Malaingkan, ye Qur’an duk Hadith tapaniyah de ye tingkoh meh karendehanin hadja kataghaan meh kahalan, subey tapaniyah weh de (Qur’an duk Hadith) in meh siye karendehan sumame ne (lumimbang) si meh ka-lellahan duk sumalih ne siye si agdahan sarah (upama nen) si tumpukan pagpa-anda duk pag pa-ella. Meh ka-lellahanin sinabbut diyalem Qur’an, duk meh ka-rendehanin tasabbut du isab dam Qur’an bilang taga kapatut ne (si Sharah Islam) Allahu Taala mag Farman dam Qur’an: (Qur’an 33:35) Khutba Tapeneh: Toh Pamasambu si Pagsawmadja Para si Kawman Muslim Dem Pilipinas | 121