Si waktu Iye (Rasulullah ) nessa-an meh sundalu Ne (Sahaba), hinaram we Ne si siye ye mangurung kasiya-siyahan si meh manisiyah gah lamud kuntara, “meh a-abahi, kamakanakan, duk meh karendehan (amban siye), lamud gey ginari maka-atan tampat pagatuhanan (simbahan) duk nebbengan kayu.” Kuwe-itu tarrang si kite weh Agama Islamin nganda-ak inipat duk pinarihala si kite ye sai sin kemon katumbu-tumbuhan duk ine-ine pinangandel si kite weh Mahasutsi Allah. Islamin pinaesseban kite weh gey ginari mamaka-atin si ine-ine maka-urung kamumpa-atan si meh manusiyah. Subey gey paka-atan te ine-ine diyatah bulak duk dam katahikan maka-urung kamumpa-atan si pinapanjari. Allahu Taala magFarman dam Qur’an:
“Duk pangurungun bi sukuh den si kamakanakan, si meh Miskinan, duk simeh a-a magtulaktulak (tala-amban lahat). Malaingkan da-a kaam magbusa (makaat pangarta). Sabennala teed, magbusa-in kaniya-an nen pungtina-e Shaiytan, buh kaniya-an Shaytanin gey magsarangsukur si Tuhan ne.” (Qur’an 27:26) Subey tahinang pangaddatan, ine-ine pakaradja-an kalagihan para si kahapan meh manusiyah subey hap duk tarrang majatu iye hin si labeyan panganda-akan Agama Islam. Lamud tu-u si inin pagsumba-ih hayep, pagpalim manuk-manuk, duk pag-iddoh. Kemon hinang gah tarrang duk pagduwe-duwe han subey tininggalan duk gey hininang. Ye meh salassayan geh tumu-un duk meh toh Agama Islam bakas tapinda subey ne gey tinuhut. Muslimin subey ganah pagduwe-duwe ne numba si katunggal Allahu Taala duk panuhut ne si kemon daakan Ne, duk nuhut bakkas-limpa kakahinang Rasulullah
.
Kahinapusan, pinturu-an te kaam nuhut pamadu Allahu Taala duk nuhut kakahinang Rasulullah supaya Allahu Taala pangurung ne si kitebi sampurnah paruntunganin duk pagsinnahsinnahin tu-u si dunya sampay si ellew akhirat. Mura-murahan hinidayatan kitebi weh Allahu Taala si lan bentel duk ampun ne meh duse tahinang ten bi. Oh Allah! Anughara-anun kami pa-ekka ilmu’ pasalan Agama Islam duk paniya-un kami amban meh geget si lan Ne sampay magkasuwa kami duk Kau peggeh kaniya-an kamihin Muslim gah bakas minda han Agama Nu. Oh Allah, Tuhan Kew si kemon pinapanjari! Oh Allah pakte hun si kami kasabennalan duk anughara-anun kami nuhut duk ngaput si kasabennalan. Duk pakitehun si kami kaputinganin supaya kahelli-an weh kami.
Barak Allahu li wa lakum fil qur’anil hakim; wa nafah ni wa iyyakum bima fihi min ayati wa zikril hakim; akulu kawli haza wa astagfirullahi li walakum wa lisa-iril muslimin; min kulli janbin fastagfiruhu innahu huwa’tawwa burrahim.
114 | Khutba Tapeneh: Toh Pamasambu si Pagsawmadja Para si Kawman Muslim Dem Pilipinas