Layjang Bulletin Jan-Jun, 2012 བཞུགས་ཁྲི་རིན་པོ་ཆེར་ཞབས་སོར་འཁོད་བསྟུན་དད་སྦྱིན་ཁག་ནས་མཎྜལ་སྐུ་གསུང་ཐུགས་རྟེན་འདེགས་འབུལ་ཞུས་རྗེས་སེར་ སྐྱ་འདུས་པ་བརྒྱད་སྟོང་ཙམ་ལ་མགོན་པོ་མི་འཁྲུགས་པ་དང་སངས་རྒྱས་འོད་དཔག་མེད་ཀྱི་བཀའ་དབང་བཀའ་དྲིན་སྩལ།
དེ་སྐབས་དཔལ་༸རྒྱལ་དབང་ཀརྨ་མཆོག་ནས་ལོ་གཉིས་ཙམ་གོང་ཕྱག་བྲིས་མཛད་པའི་མགོན་པོ་མི་འཁྲུགས་པའི་
སྣང་བརྙན་དེ་བཞིན་མང་ཚོགས་ཀུན་ལ་འགྲེམས་སྤེལ་མཛད་དེ་བཀའ་སྩལ་དོན། མི ་ འཁྲུགས་པའི ་ སྣང་བརྙན་འདི ་ ཉི ད ་ངོ ས ་ ནས་ན་ནིང་བྲིས་པ་ཞིག་ཡིན། འདིར་མི་འཁྲུགས་པའི་དབང་བྱེད་བཞིན་པར་བརྟེན་རྟེན་འབྱུང་གི་ཚུལ་དུ་མང་ཚོགས་ལ་འགྱེད་པ་
དང་། གསུང་ཆོས་ཀྱི་སྙིང་དོན་ནི། ཐམས་ཅད་མཁྱེན་པའི་ཡེ་ཤེས་དེ་སེམས་ཅན་ཐམས་ཅད་ལ་སྟོན་པའི་ཚུལ་དུ་ཁ་ཅིག་ལ་ཉན་ ཐོས་ཀྱི་ཐེག་པ། ཁ་ཅིག་ལ་རང་རྒྱལ་གྱི་ཐེག་པ། ཁ་ཅིག་ལ་བྱང་སེམས་འཕགས་པའི་ཐེག་པ། དེ་བཞིན་ཁ་ཅིག་ལ་ལྷའི་ཐེག་པ་ དང་། མིའི་ཐེག་པ་སོགས་སྣ་ཚོགས་སྟོན་པར་མཛད་པ་དེ་བཞིན་སེམས་ཅན་གཞན་མཐའ་དག་སྡུག་བསྔལ་ལས་བསྒྲལ་འདོད་ཀྱི་ དགོངས་པ་གཙོ་བོར་བཞེས་པ་ཡིན་པ་དང་།
ཕ་རོལ་པོའ ་ི སེམས་ཀྱི་ཆགས་སོགས་བག་ལ་ཉལ་བ་ཐམས་ཅད་ལ་ལྟོས་ཏེ་ཆོས་
བསྟན་པར་མཛད་པ་ཡིན།དམིགས་ཡུལ་གཅིག་ཡིན་ནའང་གནས་སྐབས་ཀྱི་ཐབས་སྣ་ཚོགས་པ་བསྟན་ཡོད། འཇིག་རྟེན་མི་ཆོས་ ཀྱི་ཐོག་ནས་ལུགས་ཀྱི་བསྟན་བཅོས་རྣམས་མིའི་ཐེག་པའི་ཁོངས་སུ་གཏོགས།
དེས་ན་བསྟན་པ་ལ་ཞུགས་པའི་གང་ཟག་ཐམས་
ཅད་ཀྱིས་བསམ་བློ་རྒྱ་ཆེ་ཙམ་བཏང་ནས་སངས་རྒྱས་ཀྱི་བསྟན་པ་ལ་ཕྱོགས་རིས་སུ་བཅད་ན་མི་འགྲིག་པས་མནོ་བསམ་གང་ ལེགས་གཏོང་དགོས་ཚུལ་སོགས་ཞིབ་པར་བཀའ་སྩལ་ཏེ་མི་འཁྲུགས་པའི་བཀའ་དབང་གྲུབ།
དེ་རྗེས་དཔལ་༸རྒྱལ་དབང་ཀརྨ་པ་མཆོག་ཕྱག་ཚོད་བཅུ་གཅིག་ཐོག་(Royal Residency)ཞེས་པའི་གསོལ་མགྲོན་ཁང་
དུ་ཆིབས་སྒྱུར་གྱིས་རྒྱལ་དབང་མཆོག་གིས་དབུས་སྐྱབས་རྗེ་འཇམ་མགོན་ཀོང་སྤྲུལ་རིན་པོ་ཆེ། མཁན་པོ་བློ་གྲོས་དོན་ཡོད་རིན་ པོ་ཆེས་གཙོས་ཀཾ་ཚང་སྤྲུལ་སྐུ་ཁག་དང་། འབྲི་གུང་རྒྱལ་སྲས་སྤྲུལ་སྐུ། འབྲི་གུང་གི་སྒཿཨ་དབྱངས་རིན་པོ་ཆེ། གདན་ས་ཆེན་པོ་
བཀྲ་ཤིས་ལྷུན་པོའ ་ི སེ་ལེ་སྤྲུལ་སྐུ་སོགས་བླ་སྤྲུལ་ཉི་ཤུ་ལྷག་ཙམ་དང་སྦྱིན་བདག་མི་གྲངས་ ༨༠ ལྷག་ལ་གོང་གསལ་མགྲོན་ཁང་
ནང་སྨོན་ལམ་ཚོགས་པའི་སྦྱིན་བདག་རྣམས་ནས་གུང་ཚིགས་རྒྱས་པ་ཞིག་བསྟར་འབུལ་ཞུས་པར་ལྷན་དུ་མཆོད་བཞེས་དང་ སྨོན་ལམ་ཐེངས་ཉེར་དགུ་པར་ཕེབས་པའི་སྦྱིན་བདག་རྣམས་ལ་དམིགས་བསལ་ཐུགས་རྗེ་ཆེ་ཞུ་དང་ཆབས་ཅིག་བླ་སྤྲུལ་དང་ སྦྱིན་བདག་རྣམས་ལ་གནང་སྐྱེས་ཀྱང་སྩལ་གནང་མཛད།
ཉིན་དྲུག་པའི་མཛད་རིམ།
ཚེས་༦ཉིན་སྔ་དྲོ་ཕྱག་ཚོད་ ༥།༣༠ ཐོག དཔལ་༸རྒྱལ་དབང་ཀརྨ་པ་མཆོག་མཆོད་རྟེན་རིན་པོ་ཆེར་ཞབས་སོར་
བསྐྱངས་ཏེ། དགེ་སློང་ཡོངས་ལ་ཐེག་ཆེན་གསོ་སྦྱོང་གི་སྡོམ་པ་སྩལ། མཇུག་ཏུ་མཆོད་རྟེན་ཆེན་མོའ ་ི ནང་རྟེན་དུ་བཞུགས་པའི་ ཐུབ་པའི་སྐུ་བརྙན་མཐོང་གྲོལ་རིན་པོ་ཆེར་ཝཱ་རཱ་ཎ་སཱི་ནས་འཐོན་པའི་གོས་ཆེན་སྐུ་རྒྱུ་རིན་ཆེན་དང་པོའ ་ི སྲད་བུ་ལས་གྲུབ་པའི་
སངས་རྒྱས་སྐུ་ཤའི་ན་བཟའ་སྒྲོན་འབུལ་དང་། མེ་ཏོག །སྣང་གསལ། གསོལ་ལྷུང་སོགས་འགེངས་པར་མཛད་དེ་ཐུགས་སྨོན་རྒྱ་ ཆེ་དང་།
སྤྱིར་༸རྒྱལ་དབང་མཆོག་ནས་ལོ་ལྟར་སྨོན་ལམ་གྱི་དུས་ཡུན་ཉིན་བརྒྱད་རིང་རྒྱུན་དུ་ཐུབ་པའི་སྣང་བརྙན་ལ་ན་བཟའ་
སྒྲོན་འབུལ་ཞུ་བཞིན་པ་ཡིན། དེ་རྗེས་མཆོད་རྟེན་ནང་དགེ་སློང་བརྒྱ་ཕྲག་ལྷག་ཙམ་ནས་གོམ་སྟབས་མྱུར་བུལ་རན་པའི་སྒོ་ནས་ རྒྱལ་བའི་བཀའ་འགྱུར་རིན་པོ་ཆེའི་ཆོས་སྐོར་གདན་ཞུ་མཛད་སྐབས་དད་ལྡན་ཀུན་ནས་མཇལ་བ་ཙམ་གྱིས་ཡིད་དབང་དབང་ མེད་དུ་འགུགས་ནུས་པའི་དཔལ་དང་ལྡན།
སླར་ཡང་དཔལ་༸རྒྱལ་དབང་ཀརྨ་པ་མཆོག་སྨོན་ལམ་གྱི་གར་སྟེགས་སུ་ཕྱིར་ཕེབས་མཛད་དེ་ཆོས་ཐུན་གཉིས་པར་རང་རེ་ མཛད་འཕྲིན་དུས་ཀྱི་སྦྲང་ཆར། 49