Layjang Bulletin Jan-Jun, 2012 དང་། ལས་མཁན་གྱི་བསྟོད་ཁུལ་གྱི་དབྱངས་རྣམས་མཛད་སྐབས། ཀུན་མཁྱེན་ཆེན་པོ་སྒོ་རུམ་ཡེ་ཤེས་མགོན་པོའ་ི དྲུང་
ན་བཞུགས་ཡོད་པའི་ཐུགས་དགོངས་ལ། དབྱངས་དང་རོལ་མོ་རང་ལ་དགོས་པ་ཆེར་མེད་དམ། དེ་བས་ངེད་རང་ཡེ་ཤེས་ པ་དངོས་དང་ཁྱད་པར་མེད་པའི་བསེ་མགོན་འདི་ཉིད་ཀྱི་དྲུང་དུ་བཟླས་པ་བྱས་འཐད་དགོངས་ནས། ཅིང་བཞུགས་པས།
དེ་བཞིན་མཛད་
དར་ཙམ་ཞིག་ནས་ཡེ་ཤེས་ཀྱི་མགོན་པོ་ལྕམ་དྲལ་ལས་མཁན་དང་བཅས་པ་རྣམས་མངོན་སུམ་དུ་
གཟིགས་སྣང་ཤར་ཏེ། ཁོང་ཆོས་སྐྱོང་རྣམས་ནི་ཚོགས་ཆེན་མོའ་ི དབྱངས་རོལ་དང་བསྟུན། ཕན་ཚུན་གཅིག་གིས་གཅིག་ ལ། ད་ཁྱོད་འགྲོ་རན་བྱུང་། ད་འགྲོ་རན་བྱུང་ཟེར་བ་སོགས་མི་ལ་མི་ལབ་ལྟར་བྱས་ནས། ཐོག་མར་ལས་མཁན་རྣམས་དང་། མཐར་གུར་གྱི་མགོན་པོ་རང་ཡང་བྱོན་སོང་བས། ཀུན་མཁྱེན་ཆེན་པོའ་ི ཐུགས་ལ། ས་སྐྱ་པའི་ལག་ལེན་རྣམ་པར་དག་པའི་
དབྱངས་རོལ་འདི་རྣམས་གཞན་གྱིས་ཏིང་ངེ་འཛིན་ལོ་བརྒྱ་བསྒོམས་པ་དང་། སྔགས་ལོ་བརྒྱ་འདས་པ་བས་ནུས་པ་ཆེ་བ་ འདུག་དགོངས་ནས།
ཐུགས་ལྷག་པར་དད་དེ། དེ་དུས་ཞབས་དྲུང་ན་ཡོད་པའི་སྐལ་ལྡན་འགའ་ལ་ཨ་ལ་ལ། ས་སྐྱ་པའི་
དབྱངས་རོལ་གྱི་ཕྱག་ལེན་འདིི་རྣམས་ངོ་མཚར་ཆེན་པོ་རེད།
ངེད་ལ་མཐོང་སྣང་ཡ་མཚན་འདི་ལྟར་བྱུང་གསུངས་ཤིང་།
གཞན་ཡང་ཉམས་ལྡན་གྱི་གསུང་གིས། ར་ལྤགས་འདི་ཡང་མཉེད་དགོས་རྒྱུར་འདུག བོད་སྐད་འདི་ཚོ་ཡང་འདོན་དགོས་
རྒྱུར་འདུག་ཅེས་ཀྱང་གསུངས་པར་གྲགས་པ་དེ་ལྟ་བུ་གྲངས་ཀྱིས་མི་ལོངས་པས་ཆོས་ཆོས་སུ་སོང་བ། གསང་སྔགས་གསང་ སྔགས་སུ་སོང་བ་བྱས་ཏེ་ཚུལ་བཞིན་འབད་ན་མཆོག་ཐུན་གྱི་དངོས་གྲུབ་འབད་མེད་དུ་འགྲུབ་པ་འདྲའོ།།
དེ་ལྟར་མགོན་པོ་ལྕམ་དྲལ་གྱི་དབྱངས་ཡིག་རྩ་ཆེན་འདི་ཉིད་གནས་མཆོག་རྡོ་རྗེ་གདན་དུ་བསྟན་འགྲོའ ་ི བདེ་རིམ་སྒར་ཆེན་དགུ་གཏོར་ཆེན་མོ་ཐོག་མར་ཚོགས་པའི་སྐབས་དང་
བསྟུན་མ་དཔེ་ཇི་བཞིན་འཕྲུལ་པར་གྱིས་འདྲ་བཤུས་བྱས་ཏེ་པར་སྐྲུན་བྱས་པ་ལགས་ན་དེ་ཡི་མཐུ་ལ་བརྟེན་ནས་དཔལ་མ་མགོན་ལྕམ་དྲལ་འཁོར་བཅས་ཀྱིས་རྒྱལ་བའི་བསྟན་པ་ཕྱི་མའི་མུ་མཐར་ ཐུག་གི་བར་སྲུང་ཞིང་སྤེལ་བའི་ཕྲིན་ལས་གཡེལ་བ་མེད་པར་སྒྲུབ་པའི་རྟེན་འབྲེལ་ལེགས་དགུ་ཕུན་སུམ་ཚོགས་པར་འབྱུང་བའི་རྒྱུར་གྱུར་ཅིག་ཅེས་སྨོན་པ་པོ་ཀརྨ་པའི་བསྟན་འཛིན་གྱི་གྲལ་མཐར་
གཏོགས་པ། ཨོ་རྒྱན་ཕྲིན་ལས་རྡོ་རྗེར་འབོད་པས་བྲེལ་བྲེལ་འཚུབ་འཚུབ་ཀྱི་ངང་རབ་བྱུང་བཅུ་བདུན་པའི་ལྕགས་ཡོས་ཧོར་ཟླ་ ༡༡ ཚེས་ ༡༥ སྤྱི་ལོ་ ༢༠༡༢ ཟླ་ ༠༡ ཚེས་ ༩ ལ་གནས་མཆོག་རྡོ་རྗེ་ གདན་དུ་སུག་བྲིས་སུ་བགྱིས་པའོ། །
24
མཛད་འཕྲིན་དུས་ཀྱི་སྦྲང་ཆར།