foto USP/Istitut Ladin
Istituzions Ladines
Per l prim iede: Florian Mussner y Luis Durnwalder cunsciderea l’atività dl Istitut Micurà de Rü deberieda cun i respunsabli Albert Videsott (prim d.m.d), Leander Moroder (prim d.m.c) y Bruno Senoner .
Tratà l’atività dl Istitut Ladin L’atività dl Istitut Ladin Micurà de Rü y la problematiches liedes ala rujenda ladina ie states argumënt de n’ancunteda dl presidënt dla Provinzia Luis Durnwalder y dl assessëur ladin Florian Mussner cun i respunsabli dl Istitut culturel.
L
ie stat l prim iede che i espunënc dla Jonta provinziela ie jic tl Istitut ladin a San Martin per n cunfront sun l’atività dl Istitut y si funzion per la rujeneda ladina. Per la Jonta provinziela de Bulsan ie l Istitut Micurà de Rü l zënter de cumpetënza per la rujeneda ladina, respunsabl per normazion y svilup. L presidënt y vizepresidënt de istitut Albert Videsott y Bruno Senoner, deberieda cun l diretëur Leander Moroder à, ai 19 de fauré, prejentà l gran lëur de lauré ora dizionares, gramatiches y cursc de rujeneda. Dantaldut tla produzion de dizione-
res se tratel de n barat danter i doi idioms, gherdëina y l badiot cun la rujeneda tudëscia y taliana. La situazion particulera de nosta valedes porta pro che l Istitut muessa perchël se dé ju cun de ndut cater variantes de rujeneda per fé i dizionares. Tl’ancunteda a San Martin de Tor iel nce unì rujenà dla priorità che l Istitut ti dà ai idioms de valeda y ala tematica dla spartizion di cin idioms ladins ntëur l Sela. I respunsabli dl Istitut à prejentà la bona sperienza che ie unida fata tla grupa de lëur per svilupé neologisms che vede bën per l gherdëina y l badiot. Chësta maniera de lëur per abiné paroles nueves, che ie de bujën per svilupé inant la rujeneda, ulëssen gën slargë ora nce a na culaburazion cun l fascian, fedom y ampezan. Durnwalder y Mussner à tëut su cun plajëi la cunstatazion dl Istitut che la rujeneda ladina vën adurveda te for de plu ciamps dla vita, scebën che la cualità ne à mo nia abù l medemo svilup. La funzion dl Istitut tl ciamp linguistich ne dëssa, aldò dl assessëur
ladin nia se limité a Gherdëina y la Val Badia. Nsci se mbincia Florian Mussner che n posse abiné mo na miëur culaburazion cun i istituc ladins dl’autra provinzies y cun d’autra istituzions, fajan proiec deberieda. De chësc viers iel da permò unì metù a ji na culaburazion cun la Lia di Chemuns Ladins per lauré ora na plata internet de nfurmazion sun la Ladinia. L presidënt dla provinzia Durnwalder à sorissà la mpurtanza dl’atività che vën fata tl ciamp dla toponomastica. Chëst ann vëniel dat ora la cherta toponomastica de Mareo y nscì iel per uni chemun dla Val Badia n documënt ufiziel per pudëi cialé do nce i inuemes de mëndri luesc, ridli, ruves y montes. N cont dla toponomastica te Gherdëina iel bele unì dat ora na cherta per S.Crestina. Te na culaburazion cun la Lia Natura y Usanzes uniral stampà da nuef la cherta toponomastica per Urtijëi, ntan che te Sëlva ie na lia bele tl lëur de anjenië na cherta cun i toponims. Das Land Südtirol| marzo | März 2013 provincia autonoma
31 27