IES Lama das Quendas
“Departamento de Ciencias Sociais, Xeografía e Historia”
COMENTARIO DUN TEXTO HISTÓRICO 0. Pasos Previos. •
Ler de vagar, entendendo ben a mensaxe do texto. Aclarar todo tipo de palabras, expresións ou conceptos descoñecidos ou que ofrezan dúbidas.
•
Subliñar aquelas palabras que marcan as ideas básicas. Anotar conexións con outras ideas ou do contexto máis xeral no que se encadra o documento.
•
Numerar as liñas de cinco en cinco ou de dez en dez, dependendo da extensión.
•
Organizar as ideas a comentar mediante algún tipo de esquema.
1. Información e Clasificación. •
Realizaremos unha redacción. Non se trata de ir contestando apartado por apartado.
•
Debe presentarse o documento, de forma breve, en relación coas circunstancias históricas ás que fai referencia.
1.1. Natureza do Texto: •
Xurídico (Leis, Decretos, tratados..).
•
Político (redactado para acadar un efecto determinado).
•
Testemuñal (declaración nun intre determinado).
•
Documental (censos, libros de Impostos,rendas..).
•
Historiográfico (escritos de historiadores sobre outras épocas).
•
Literario, Filosófico, Teolóxico...
1.2.Orixe: •
Procedencia Pública (de alcance nacional, internacional..).
•
Privada (herdanza, carta..).
•
Relixiosa (Papa, Concilio..).
1.3.Extensión e Límites: •
Características espazo-temporais da época na que se inscribe o texto, dentro duns límites temáticos e cronolóxicos.
1.4. Autor: •
Se non o hai (sinalar algunha característica que se deduza como a clase social, ideas políticas,etc.
•
Se o hai contar o que se saiba del.
1.5. Cronoloxía. •
De non aparecer claramente, indica a época ou século á que cres que pode pertencer, concretando máis os límites anteriormente fixados. Profesor: Diego Xesús López González.
IES Lama das Quendas
“Departamento de Ciencias Sociais, Xeografía e Historia”
2. Análise e Interpretación.
•
Deben comentarse as ideas máis destacadas e relacionar estas con outras máis xerais relativas ao contexto histórico, a procesos similares etc.
2.1. Título: •
Ponlle un título ao teu comentario, o que ti prefiras. Que estea relacionado co tema do que trata o texto pero que non sexa o título do texto. Personaliza así o teu comentario.
2.2. Comentario: •
Indica o Tema Principal e os Secundarios.
•
Analiza e explica conceptos, expresións, ou frases clave para o comentario, indicando o número de liña.
•
Divide en partes o texto, indicando os límites de cada unha delas e explicándoas brevemente.
•
Contextualiza, relacionando todo o anterior co coñecemento histórico, facendo referencia sempre ao texto e aos seus termos, frases...incluso extraéndoas e aproveitándote delas para reafirmar o teu comentario.
2.3. Conclusións: •
Nas que se ofreza unha valoración global do contido e da significación do documento en si mesmo e do seu contido. Poden incluír valoracións de tipo persoal, pero sempre desde o punto de vista do coñecemento histórico (hai que evitar xuízos de valor e expresións como bo/malo, paréceme ben/mal, gústame...).
Profesor: Diego Xesús López González.