Egungo egoera: Non ari dira fracking-a erabiltzen? Fracking Ez Araba ARBEL GASAREN HOBIAK AEBetan
ARROAK USTIATEGIAK PROSPEKZIOAK
Fracking-a, orain arte azaldu dugun eran, hainbat lekutan erabili izan da, bakoitzean intentsitate ezberdinean. Texasko Barnett hobian (AEBetan) 80. eta 90. hamarkadetan zehar hasi zen erabiltzen modu esperimentalean. 1998.a mugarri izan zela esan dezakegu, urte hortan bertan Mitchell’s Energy-k (egun Devonen barruan) komertzialki bideragarria zen lehenengo ustiategia lortu baitzuen. Harrezkero, hobi honetan putzuak ugarituz joan dira; hasiera batean herabeki, baina gerora intentsitate handiz. Egun, eskualde hartan, 15.000 putzu baino gehiago dago. Kopuru honek, km2-ko 0,6 putzuko dentsitatea suposatzen du. Barnett hobiak izandako arrakastaren eraginez, segituan jarri ziren jomugan AEBetako lurraldean zeuden beste hainbat gas-arro. Horrela, Fayetteville zein Haynesville-ko hobiek ere Barnett-ek hartu-
tako bide beretik jarraitu zuten. 3 hauek dira, fracking modernoaren bidez ustiatu diren arbel-gas ez-konbentzionalaren hobirik zaharrenak. Hala eta guztiz ere, Geoge W. Bush-ek Energy Policy Act -a indarrean jarri zuenetik (2005), fracking-a berehala hasi zen hedatzen bestelako hobi eta estatuetara. Lege honek, bultzada handia eman zion hidrokarburoen industriari, berau ingurumen legedia betetzetik salbuetsi baitzuen. Shale gasaren (arbel-gasaren) ekoizpena izugarri igo zen eta 2010erako AEBetako gas-ekoizpen osoaren %23a betetzen zuen. Kanadak ere AEB-etako ereduari jarraitu dio eta hidrokarburo industria biltzen den eskualdeetan (Alberta, British Columbia etab.) shale gasaren aldeko apustua egin du. AEBekin hobiren bat partekatu ere, partekatzen dute: Bakken, esaterako. Izan ere, hobi hauek ez dakite mugak zer diren.
21