§ XXXIX. Pertsona bakarreko erantzukizun mugatuko sozietatea § XXXVII. SOZIETATEA DESEGITEA LABURPENA: 566. Oharbide orokorrak.—567. Desegitearen inguruko lege kariak.—568. Sozietatea desegitea, estatutuetan ezarritako epemuga heltzearen ondorioz.—569. So zietatea desegitea, batza orokorrak hartutako erabakiaren ondorioz.—570. Sozietatea desegitea, 104. artikuluaren c) idazatian jasotako karien ondorioz.—571. Sozietatea de segitea, galeren ondorioz.—572. Sozietatea desegitea, kapitala legeak ezarritako gutxieneko kopurutik behera urritzearen ondorioz.—573. Desegite kariak aplikatzeko modua.—574. Estatutu kariak.—575. Desegitearen ondoreak.—576. Desegindako sozietatea berpiztea.
566. Oharbide orokorrak.—Erantzukizun Mugatuko Sozietateei buruz ko Legearen X. kapituluaren 1. sekzioan jasotzen den arauketak ez du berri kuntza handirik ekarri, lege horren aurreko arauketari begira. Eraldatze eta Egokitzeari buruzko 1989ko Legearen ondoren, sozietate anonimoen dese giteari buruzko arauak aplikatzen zaizkie erantzukizun mugatuko sozietateei, igorpenaren teknika erraza erabiliz. Lege berriak, dena den, ez du egoera hori gehiegi aldatu; egia esan, sozietate anonimoen desegitearen inguruan ezarri tako arauketari heldu dio. Zernahi gisaz, badira zenbait aldaketa eta berri kuntza, eta hurrengo orrialdeetan azalduko ditugu horiek. Berrikuntza horietarik interesgarriena desegindako sozietatearen berpizteari buruzkoa da. Sarrera hori egin eta gero, gogoan izan behar dugu (ikus 184. epigrafea) nahikoa nahasgarria dela merkataritzako sozietateen arloan erabiltzen den «desegite» adierazmoldea. Desegitea ezin da «azkentze»arekin nahastu; izan ere, azkentzearen baldintza da desegitea. 567. Desegitearen inguruko lege kariak.—Legearen 104. artikuluak desegite kari zehatzak jasotzen ditu lehenik eta behin. Horren ondoren, «estatutuetan ezarritako beste edozein kari» onartzen du. Hori oinarri hartu rik, bi motatako desegite kariak bereizi behar dira: lege kariak eta