“Try and try until you succeed... or else try another.” Maligayang Buwan ng Wika EcoSocers! Dahil diyan, magsasawa kayo sa isang buong isyu ng Echoes na nasa wikang Filipino. Masaya naman siyang basahin, mahirap lang isulat. Anyway, nais kong magpasalamat sa lahat ng sumoporta sa Season Ender ng Gossip Go: War of the Worlds. Sana ay lahat ng miyembro at aplikante ay natuwang makipaghabulan at makipagyakapan (ahem…) sa isa’t isa. Malapit ng matapos ang buwan ng Agosto, pero bago mangyari yan ay mayroong isang malaking pasabog ang Lupong Panlabas (Team Externals :p). Magkakaroon ng eksibit sa Paaralan ng Ekonomiya sa buong linggo ng Agusto 24-28. Makikita niyo ang mga “Huli Ka Balbon!” moments ng mga Pilipino sa pagsasalalay ng iba’t ibang estudyante mula sa iba’t ibang kolehiyo. Ang pinakamasayang dapat ninyong lahat puntahan ay ang pagwawakas at pagbibigay ng award sa mananalo sa SNAPSHOTS, ang competisyong pang-potograpiya. Ito ay magaganap sa Agusto 28, Biyernes, 6pm-8pm sa SE111. Tuklasin kung ano ang pinakamagandang larawan at kung sino ang kumuha ng mga ito. Makihalubilo sa mga propesor at estudyante mula sa iba’t ibang paaralan. Tara na, masaya to! Muli, malapit ng matapos ang isang sem. Pero sa ngayon, nais kong kamustahin lahat ng aplikante ng EcoSoc. Sana ay natutuwa kayo sa prosesong pang-aplikante. Kung naiisip niyong sunod-sunod naman ang events, okay lang yan. Ganun din ako dati, matututunan niyo ding hindi sila isipin na requirements kundi masayang pakikihalubilo sa kapwa EcoSocers. Nais kong batiin ang Livewire Apps para sa isang magandang challenge night. Natuwa ako at siguradong natuwa din ang ibang nakanood nito. Sana ituloy-tuloy niyo lang ang pagiging bibo ninyong lahat. Sa aking lupon (team), isang event nalang! Sana’y nag-eenjoy kayo kahit medyo madaming kailangang gawin. Magbobonding tayo bago matapos ang sem na to okay okay??! Okay! Haha. Kailangan pa nating manalo sa Grand Trad! Egyptian Queen, woohoo! At siyempre, kailangan pa nating talunin yung ibang lupon sa Treasure Hunt, siyempre Externals-Memcom na panalo dyan! :p Naeexcite na ako!! Sa execom! Wala lang, galit galit muna tayo sa treasure hunt? Haha kaya ba natin yun? Basta alam ko panalo na talaga kami eh. Sorry nalang. :p Wooohoooo go Externals-Memcom!!!!!
“Matalino man ang matsing, matsing pa din.” Magandang araw mga ka-organisasyon! Kamusta na ang inyong mga buhay? Nawa ay matagumpay niyong nalampasan ang mga mala-impyernong linggo sa inyong buhay mag-aaral. Sana ay nakaabot kayo sa pasahan ng mga papel, nakapag-ulat ng mahusay para sa inyong mga kaso o maiging nakasagot sa resitasyon at eksaminasyon ng mga mabagsik na guro! Kung hindi naman…nawa ay magawa na natin ito ng tama sa susunod na pagkakataon. Siyempre gayumpaman, manatili sana sa ating mga puso ang diwa ng ating pagiging tunay na ekosoker!!! Sobrang malapit na ang pinakaaabalahan at pinakahihintay na pangyayari ng aking komite – The 6th National Youth Congress, isang kapit-bisig katulong ang SESC na gaganapin na sa ika-29 ng Agosto, Sabado, sa Diosdado Macapagal Hall 8:00n.u. hanggang 6:00n.g. Ito ay isang taunang pagsasama-sama ng mga mag-aaral mula sa iba’t-ibang paaralang pansekondarya upang ipabatid sa kanila ang kahalagahan ng mga teoriya, pag-aaral at aplikasyon ng ekonomiks. Itatampok dito ang pananalita ng mga representatib ng paaralan, kalakalan at gobyerno ukol sa temang pangmundong kalakalan at pamagat nitong: Lego Economics: Piecing Together the World Factory. Inaanyayahan ko kayong magbolutaryo para sa pangyayaring ito at masaksihan ang tunggalian ng mga mag-aaral sa dinamikong panggrupo at tagisan ng talino! Nais kong pasalamatan ang pinakamasaya at pinakamamahal kong kasapi sa komite – Cathy, Cheenie, Cocoy, Dean, Reuel, Nads, Aira, Anjo, Cheyence, Inna, Marian, Mashee, Nikko, Ria, Crissy, Diane, Mike, Pat, Sol at Zim! Salamat sa inyong sipag at tiyaga! Dahil mawawalan na ako ng pagkakataon banggitin ang mga paparating na gawain ng aking komite sa susunod na edisyon ng Alingawngaw, heto at aanyayahan ko na kayo! Ilabas ang tinatagong kajologan sa ika-9 ng Setyembre sa pinakaaabangang Jologs Quiz Bee 12n.t.! Samantala sa ika-1 ng Oktubre, ipapakita natin ang ating pagmamahal at pasasalamat sa mga empleyado ng SE sa Alay-saPersonnel. Patuloy nawa niyo kaming suportahan at bumili ng mantou sa napakamurang halaga – P20 lang! Yehey! Mga aplikante, ipagpatuloy ang pagpapabibo sa nalalabing linggo ng aplikasyon. Eksekom, maraming salamat sa masasayang sandali at walang-patid na suporta! Mga miyembro, patuloy nating mahalin ang ating sariling wika at ang pinakamamahal nating organisasyon! Mabuhay tayong lahat!