06
ARTI PIKTURAL FUSHA FIGURATIVE
HAPËSIRA
Hapësirë reale
Njeriu lëviz, jeton dhe punon në hapësirë. Kafshët,bimët dhe sendet po ashtu janë prezentë në hapësirë. Atë e quajmë hapësirë reale. Hapësirën e ndajmë në të brendshme dhe të jashtme. Hapësira e jashtme është e hapur dhe në të mund të lëvizim pa kurrfarë pengesash. Hapësira e brendshme është e mbyllur dhe në të jetojmë, punojmë, blejmë, mësojmë ose zbavitemi të mbrojtur nga i ngrohti ose i ftohti, nga bora, shiu, era dhe nga dukuri tjera. Artistët në veprat e tyre mundohen të paraqesin iluzion të hapësirës, respektivisht vizatimi ose piktura të marrë iluzion të afërt ose të largët. Hapësira fitohet me përdorimin e formave më të vogla dhe më të mëdha, me ngjyra të ngrohta dhe të ftohta, me bashkim dhe me perspektivë.
Perspektivë e dhomës
Vinsent van Gog: Kafene e natës,vaj në pëlhurë (perspektivë)
Iluzion i hapësirës me ngjyrë dhe perspektivë
Leonardo da Vinçi: Darka e fundit, freska
Jakopo Tintoreto, vaj në pëlhurë (perspektivë)
TË MBAJMË MEND: Në pikturim iluzion të hapësirës fitojmë me forma më të mëdha dhe më të vogla, me ngjyra të ngrohta dhe të ftohta, me bashkim dhe perspektivë.
69