TEMA 3 Fig. 3.8 Tre llojet e indeve muskulore
muskujt e zemrës
muskujt skeletorë
muskujt e lëmuar
Karakteristikat e muskujve skeletorë Ndërtimi Kur vëzhgohen nën mikroskop hetohet se qelizat e muskujve skeletorë janë të gjata dhe fijezore (fig. 3.9), e për këtë arsye janë quajtur fije muskulore. Këto qeliza janë me më tepër bërthama. Për shkak të pranisë së vijave ato fitojnë pamje të vijëzuar, prandaj muskuli skeletor quhet edhe muskul tërthor-vijor. Për të formuar muskulin e tërë, fijet muskulore mblidhen në tufëza të cilat grupohen në tufa, të cilat janë të mbështjella me ind lidhor (fig. 3.9). Në skajet e muskujve ka ind lidhor të quajtur tetivë përmes të cilit muskuli lidhet me eshtrat. Varësisht prej asaj se me sa pjesë dhe në sa vende është i lidhur muskuli me ashtin, ata ndahen në: muskuj dykrerësh (biceps), trekrerësh (triceps) ose katërkrerësh. Çdo muskul është i furnizuar me enë të gjakut dhe me nerva. Varësisht prej formës dhe trajtës, muskujt grupohen në katër grupe, në muskuj: - boshtorë - në duart dhe këmbët, - unazorë – rreth gojës dhe syve, - të vijëzuar – në qafë, - pllakorë - në shpinë dhe në bark.
37