TEMA 8 Paraqitja e rërës ose e gurëve në veshkë është rezultat i funksionimit të parregullt të veshkave, gjatë së cilës materie minerale shtresohen në gojëzat e veshkave ose në legenin. Lëvizja e tyre është e përcjellë me dhembje të forta.
Shqyrtim i shkurtër i materialit
Pasqyrë e shkurtër e materialit Përmes organeve të tajitjes, përmes urinës, çdo ditë nxirren nga trupi materiet e dëmshme. Sistemi i organeve të tajitjes është i përbërë prej: dy veshkave, dy kanaleve të urinës, fshikës së urinës dhe kanalit dalës i urinës. Urina formohet me ndarjen e ujit dhe materieve të dëmshme në veshkë, në trupthat e tyre veshkorë. Veshkat mbrohen me pirjen e sasisë së mjaftueshme të ujit, shmangien nga ushqimet tepër të njelmëta dhe djegëse ose me shumë mëlmesa. Kontrollo diturinë tënde 1. Numëro organet në sistemin urinar. 2. Ku janë të vendosura veshkat? 3. Përshkruaj pamjen e jashtme të veshkave dhe ndërtimin e një veshke. 4. Përshkruaj ndërtimin e nefronit. 5. Përshkruaj ku krijohet urina primare e ku ajo sekondare dhe dallimin e tyre. 6. Numëro enët e gjakut që janë në kontakt me nefronin. 7. Kush e kontrollon urinimin? 8. Përshkruaj kanalin e urinës te femrat dhe me çka dallohet kanali urinar i meshkujve. 9. Cili është roli i veshkave artificiale?
110