ТЕМА 3 6. Parashtazorët janë organizma njëqelizorë ose kolonial. Shumica e tyre lëvizin dhe ushqehen në mënyrë heterotrofe. 7. Në grupin e pakurrizorëve bëjnë pjesë: shpuzorët, skrrajat shpatuke, skrrajat cilindrike, butakët, skrrajat unazore, këmbënyjorët dhe lëkurëgjemborët. 8. Grupi i kurrizorëve është ndarë në dy nëngrupe dhe atë: gjysmë kurrizorë, ku bëjnë pjesë zhgunorët dhe amfioksi dhe kurrizorët e vërtetë, ku bëjnë pjesë peshqit, ujëtokësorët, zvarranikët, shpezët dhe sisorët.
Kontrollo diturinë tënde: 1. Kush i pari tentoi të grupojë organizmat e gjallë dhe si? 2. Sa mbretëri të organizmave të gjallë ekzistojnë dhe tregoni të paktën nga një karakteristikë për to? 3. Numëro disa njohuri të cilat janë fituar nga mbetjet fosile e që shfrytëzohen gjatë taksonomisë së shtazëve. 4. Cila është kategoria më e ulët sistematike sipas sistemit për emërtim të dyfishtë? 5. Numëro disa karakteristika për shpuzorët. 6. Cilat shtazë që i njeh bëjnë pjesë në grupin e butakëve? 7. Cili është grupi më i shumënumërt i shtazëve në Tokë? 8. Sipas cilës karakteristikë të tyre kordatet dhe kurrizorët e kanë marrë emrin? 9. Numëro nga disa lloje prej grupit të:peshqve, ujëtokësorëve, zvarranikëve, shpendëve dhe sisorëve. 10. Numëro disa nga sisorët të cilët kanë aftësi të jetojnë në mjedise të ndryshme jetësore.
44