AWEMainta.com
Local 11
Diaranson 26 di September 2012
Segun Parlamentario Clarisca Velasquez
Semper partido MEP a uza lemanan cu nunca e la cumpli NOS por repasa e lemanan cu partido MEP a uza den campaña di eleccionnan cu nunca nan a cumpli cu nan y/of nan a en gaña nos pueblo cu e lemanan pero pueblo no a comprende cu nan tabata kiermen pa nan of pa nan famia.
Nan lema cu “ nos por mas” nan tabata kiermen cu nan por mas pa nan pa nan famia esey nan tabata kiermen y no por mas pa nos pueblo pasobra pa nos pueblo e no tabata por mas! E lema di “ ordo y prosperidad” nan tabata kiermen ordo pa e
gobernantenan y nan famianan y no pa pueblo pasobra nan no a impone ordo pa nos pueblo. “prosperidad” tabata prosperidad tabata pa e gobernantenan y nan famia y no prosperidad pa nos pueblo pasobra pa e pueblo no tawatin prosperidad
solamente pa e famia y amigo di e gobernantenan di partido MEP. Awor nos ta tuma nota cu awor nan kier en gaña nos pueblo cu un otro lema “catchy” pa gara y en gaña nos pueblo cu ta bay “ hunto padilanti” pero tur hende sa cu e lemanan cu
partido MEP semper a trece dilanti den campaña pa logra manipula nos pueblo votado nan kier un biaha mas en gaña nos pueblo pa nan kere cu hunto ta bay padilanti pero nan ta conoci cu ta famia di e Evelin Wever-Croes y esunnan di Nel Oduber lo bay padilanti pasobra ta esey semper nan a haci y nunca nan no a demostra cu ta pueblo nan kier yuda. Esaki semper a tipifica partido MEP ora e ta den gobierno. Nada no a cambia si bo a sigui e congreso di MEP na TV. E mesun Nel Oduber ta bin dilanti atrobe ta falta respet na hendenan, ta insulta y esaki ta e politica cu nos no kier mas. Pesey e lema cu nan a kier propaga ta un engaño atrobe pa manipula nos pueblo cu voto y ta spera cu pueblo no cay den MEP su trampa mas! Pasobra MEP ta pa nan famia so nan ta goberna.