På veg til matutdeling. Frå Somalia. Før du les: Ta eit BISON-overblikk over teksten. Er denne teksten sakprosa eller skjønnlitteratur? Grunngi svaret ditt. Medan du les, skal du av og til stoppe og skrive eit faktaspørsmål til det du les. Alle spørsmåla skal begynne med eit spørjeord.
SPØRJEORD
kva? kven? kor? korleis? kvifor/korfor? kvar/kor? når?
Svolt, den permanente krisa Kan du førestelle deg at du ikkje skulle få ete deg mett kvar dag? Mange born og vaksne rundt om i verda opplever ein dagleg kamp for å skaffe seg nok mat.
Svolt Det er vanskeleg for oss i det rike nord å førestelle oss kva svolt eigentleg inneber. For det er så fjernt. (...) Svolt er meir enn smerter i kroppen. Svolt er spedbarn som græt døgna gjennom. Det er drøymande barn framfor butikk- og restaurantvindauge. Svolt er barn og vaksne i kamp seg imellom og med rotter og rovfuglar om matrestar på søppeldyngjer. Svolt er stadige konfliktar i familie og samfunn om fordeling av maten. Svolt er dei vanskelegaste av alle val: Skal familien gi mat til dei medlemmene som treng han mest, eller til dei som har størst sjanse til å overleve? 57