Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:23 PM
Page 284
katika Uislamu
Tukiunganisha Aya hiyo na maswali anayoulizwa mtu kaburini ‘Talqin’ tutaona kuwa maswali hayo ni pamoja na: Ni nani Imam wako? Baadhi ya mashekhe wa Sunni wanafundisha kuwa jibu la swali hilo ni: “Imam wangu ni Qur’ani!” Wengineo hudai kuwa Imam wako ni yule anayekuongoza msikitini katika Swala ya jamaa! Iwapo jibu sahihi ni Qur’ani ni jambo ambalo haliwezekani kwa sababu kwenye Talqin kuna swali lingine la: Ni kipi kitabu chako? Swali hilo jibu lake sahihi ni Qur’ani. Jibu la kwamba: Imam ni kiongozi wa Swala, haliwezi kuwa sahihi kwa sababu Waislamu wengine hawajawahi kuingia msikitini kuswali hadi kufariki kwao! Hata hivyo zipo Aya nyingine zinazofafanua kwamba kuna Imam anayeongoza watu kwenda motoni (Qur’ani 28:41) na Imam anayeongoza watu kwenda Peponi (Qur’ani 32:24). Iliposhuka Aya hiyo, (Qur’ani 17:71) watu walimwuliza Mtume (s.a.w.w) kama yeye si ndiye Imam wa watu wote? Aliwajibu kuwa, “Ndiyo, mimi ni Imam mpaka mwisho wa uhai wangu duniani, na baada ya hapo Imam atakuwa Ali akifuatiwa na kizazi chake (Maimamu 11). Watu watakaojiambatanisha na viongozi hao watapata wokovu Siku ya Kiyama. Na wale watakaojitenga nao, wataangamia.” Kwa hiyo kwa kuwa lengo la Talqin ni kupima imani ya mtu kama ni sahihi, jibu sahihi ni kutaja mmojawapo wa Maimam 12 (as.) kwa kadri ya Imam wa wakati wa uhai wake mtu. Kama utamtaja kiongozi aliyekupoteza, kuwa ndiye Imam wako, haitakusaidia kitu kwa sababu anakaririwa Mtume (s.a.w.w) akisema kuwa: “Atakayefariki bila kutambua Imam wa zama zake, atakuwa amekufa kifo cha kijinga (Jahiliyyah) yaani kifo cha kikafiri.” Rejea: (i) Musnad at-Tayalis - uk. 259 (ii) Sahih Muslim - Jz. 6, uk. 22 (iii) Musnad Ahmad Ibn Hambal, Jz. 4, Uk. 96 (iv) Sunan al-Kubra al-Bayhaqi, Jz. 8, uk. 156 (v) Tafsir Ibn Kathir, Jz. 1, uk. 517. (vi) Majma’uz – Zawaaid, Jz. 5, uk. 218, 224/5 284