Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:21 PM
Page 153
katika Uislamu
Saqifah Bani Sa’idah. Ndugu wasomaji hapa tena tunaona maajabu mengine! Abu Bakr na Umar walikuwa wanataka kuitwa masahaba wakuu na pia walikuwa wakwe zake Mtume (s.a.w.w.), kwa sababu Bibi Aisha ni binti yake bwana Abubakr Sidiq, na Bibi Hafsa ni binti yake Umar Ibn al-Khattab. Jambo la ajabu ni kuwaona wanaondoka msikiti wa Mtume (s.a.w.w.) bila kushiriki mazishi wala mipango ya mazishi (ya mkwe wao)! Iwapo mabwana hawa waliona ndio wanaostahili uongozi baada ya Mtume (s.a.w.w.), kwa nini wasifanye heshima ya kushiriki mazishi ya Kiongozi wao mkuu? Au kwa nini wasishiriki mazishi ya mkwe wao? Picha kama hii inaonyesha sura gani kwa watu? Pana njama gani hapa? Kwani hata katika wakati wetu huu, hatujapata kusikia kuwa mfalme fulani kafariki, lakini mawaziri wake fulani ndio kwanza wanaondoka kwenda safari kikazi au kibinafsi, bila kwanza kuhudhuria mazishi ya Kiongozi wao mkuu! Kwa kweli hata sisi wakazi wa mijini, haiwezekani jirani yako akafariki na wewe ukaacha makusudi kushiriki mazishi yake! Lakini hata kwa Mwislamu yeyote mwaminifu wa kawaida, ni lazima atambue utukufu mkubwa wa Mtume (s.a.w.w.) juu ya Waislamu, na kwa hiyo asingetegemewa kufanya vitendo kama hivyo! Punde si punde mara Abu Bakr na Umar wakawasili Saqifah wakakaa kwenye viti. Bwana Thabit Ibn Qays alisimama na kuanza kutaja sifa za Ansari na kusisitiza kuwa ni muhimu ukhalifa uchukuliwe na Ansari. Umar alitaka asimame kutoa hoja lakini Abu Bakr akamuashiria kukaa chini na kunyamaza. Kisha Abu Bakr alisimama na kuhutubia mkutano kuwa: ‘Enyi Ansari tunakubaliana na sifa zenu nzuri na matendo yenu mema. Wala hatujasahau harakati zenu za kujitoa mhanga kusimamisha Uislamu. Lakini hadhi waliyo nayo Quraish miongoni mwa Waarabu ni kubwa kuliko makabila yote ya kiarabu na Waarabu wote ni lazima wawe watiifu kwa Quraish.’ Haya yanapatikana katika vitabu vifuatavyo: As-Sirah – cha al-Halabi Jz. 3, uk. 357 Tarikh at-Tabari - Jz. 3, uk. 208 153