Asili ya
ya madhehebu katika Uislamu final Lubumba.qxd
Asili ya Madhehebu
7/1/2011
12:20 PM
Page 87
katika Uislamu
kizazi chake! Ilikuwa ni katika nyumba yetu ufunuo (Qur’ani) uliletwa kwake na kutokana na nafasi zetu, elimu iligawanywa kwa watu. Unafikiri kwamba walipata elimu na waliongozwa wakati sisi tukabakia wajinga na tukapotea? Kwa hakika hayo hayawezekani.” Rejea: Bihaarul-Anwar, Jz. 26, Uk. 158. Zaidi ya hayo ukizingatia historia ya dunia utaona kuwa maendeleo makubwa ya kisayansi, asili yake yameanzia kwa Waislamu na baadaye kuendelezwa na Wazungu baada ya mfumo wa elimu wa dola ya kiislamu kuporomoka. Tunao ushahidi wa kutosha kuthibitisha ukweli huu wa maendeleo makubwa ya fani mbali mbali kuletwa na Uislamu. Kwa mfano Sayansi ya tiba, Sayansi ya uchanganyaji madawa, ujenzi wa hospitali maalumu, elimu ya kemia (Chemistry), viwanda, hisabati, jiografia, sanaa, fizikia, takwimu n.k. Wakati huo wa maendeleo makubwa ya elimu katika dola ya kiislamu ya wakati huo, huko Ulaya ulikuwa ni wakati wa giza nene la ujinga, mpaka Uislamu ulipofika huko na kubadili kabisa maisha ya watu wa huko. Wanasayansi dunia nzima hadi wakati huu, wanaendelea kuvumbua mambo mapya kwa binadamu. Ukichunguza uvumbuzi wao huo utaona kuwa mengi ya yale wanayodai kuyavumbua, yalishatajwa katika Qur’ani miaka 1400 iliyopita! Kwa mfano mwanasayansi maarufu sana duniani bwana Newton alivumbua nguvu ya uvutano (gravity) ambayo huvuta vitu viangukie duniani na hutawala (huongoza) mzunguko wa sayari. Kwa wajuzi wa tafsiri sahihi ya “Mwenyezi Mungu ndiye aliyeziinua mbingu bila nguzo mnazoziona..” (Qur’ani 13:2) kwa mtazamo wa kisayansi, tutaona kuwa nguvu hiyo (gravity) ilishatajwa katika Qur’ani na jinsi inavyoongoza mwenendo mzima wa sayari zisitokee kugongana au kuacha njia zake maalumu na kuanguka! Hapa inabidi tuzingatie ukweli kwamba alimradi Siku ya Kiyama haijafika, bado katika Qur’ani kuna elimu nyingi ambazo uwezo wa binadamu wa kisayansi haujafika kuzigundua na kuzithibitisha katika Qur’ani tukufu. 87