Asili ya
ya madhehebu katika Uislamu final Lubumba.qxd
Asili ya Madhehebu Imam:
7/1/2011
12:20 PM
Page 86
katika Uislamu
Kwa nini unyayo umeacha nafasi chini ?
Daktari: Sifahamu. Imam:
Nafasi imeachwa ili kwamba kama isingeachwa, mguu ungekuwa mzito sawa na jiwe la kusaga nafaka. Iwapo jiwe hilo litalalia chini (sehemu ya juu yenye bonde katikati) hata mtoto anaweza kulisogeza. Lakini likikalia makalio yake hata mtu mzima atashindwa kulisogeza.
Daktari huyo aliposhindwa kujibu maswali yote hayo, alimwuliza Imam (a.s.) ni wapi kapata elimu yote hiyo? Imam (a.s.) alijibu kuwa ameipata kupitia kwa babu zake hadi kwa Mtume (s.a.w.w.) na Malaika Jibril (a.s.) hadi kwa Mwenyezi Mungu Mwenye uwezo usio na mipaka, Mwumba wa viumbe na roho. Daktari alikiri ukweli huo kwa Shahada. Ndugu wasomaji bila shaka tumeona kuwa majibu aliyotoa Imam Ja’far Sadiq (a.s.) yanadhihirisha elimu kubwa mno aliyokuwa nayo. Siku hizo za karne ya pili ya kalenda ya Kiislamu, yaani wakati wa uhai wa Imam Ja’far Sadiq (a.s.), ni miaka zaidi ya 1,200 iliyopita! Wakati huo elimu kama hiyo usingeweza kuipata shule yoyote ile. Hata wakati huu tulionao, si rahisi kumpata daktari au mtaalamu ambaye anaweza kutoa majibu sahihi kwa maswali hayo! Kwa hiyo tunaposema kuwa Ahlul-Bayt (a.s.) wa Mtume (s.a.w.w.) wanaongozwa na Mwenyezi Mungu, hatusemi hivyo kwa mapenzi yetu tu au ushabiki; bali ni ukweli wa wazi kwa watu wenye kufikiri. Kutokana na elimu kubwa ya Ahlul-Bayt (a.s.) wa Mtume (s.a.w.w.), Imam Ja`far as-Sadiq (a.s.) aliwaeleza kundi la baadhi ya watu kutoka Kufa, Iraq kwamba: “Ajabu iliyoje watu wanasema kuwa wamepata elimu yote kutoka kwa Mtume wa Allah, (s.a.w.w.) na wanatenda kwa mujibu wake na wameongozwa nayo, lakini wakati huo huo watu hao wanafikiri kuwa sisi, watu wa nyumba yake hatukupata elimu yoyote kutoka kwake, wala kuongozwa sawa sawa katika njia iliyonyoka, ambapo sisi ni watu wake na 86